نئی بیت بازی - حصہ دوم

یوں خود فریبیوں میں سفر ھو رھا ھے طے
بیٹھے ھیں پل پہ اور نظر ھے بہاؤ پر

 

بدگماں آپ ہیں کیوں آپ سے شکوہ ہے کسے
جو شکایت ہے ہمیں گردش ایام سے ہے

 

اے میرے ماہ کامل پھر آشکارا ہو جا -
اُ کتا گئی طبیعت تاروں کی روشنی سے

 

میں نے کبھی یہ ضد تو نہیں کی مگر آج کی شب
اے دوست ! ٹھہر جا ! کہ طبیعت اداس ہے

 

ہر ایک لفظ کو ماہِ تمام کرتا ہے
میری زباں سے جب وہ کلام کرتا ہے

 

ناصح تجھے آتے نہیں آداب نصیحت
ہر لفظ ترا دل میں چبھن چھوڑ رہا ہے

 

میں رو دیا کہ مجھے یاد آئیں شدت سے
کبھی کبھی تری مجبوریاں کبھی کبھی تو

 

یہ فسانہ محبت ، یہ وفا کی داستانیں
کوئی اور ذکر چھیڑو، میرا دل لہو لہو ہے

 

وحشت میں نکل آیا ہوں ادراک سے آگے
اب ڈھونڈ مجھے مجمع ِعُشاق سے آگے

 

جنوں کا پاؤں پکڑ کر خرد بہت روئی
تری گلی سے جو صحرا کی راہ لی میں نے

 

چشمک غمزہ @عشوہ کرشمہ آن انداز و ناز و ادا
حسن سوائے حسن ظاہر میر بہت ہیں یار کے بیچ

میرتقی میر

 

اشکوں سے بھیگ بھیگ گئی ان کی چشمِ ناز
ہم عرضِ حال کر کے گناہگار ہوگئے

 

بزم جاناں میں اگر اظہار حال دل نہ ہو
زندگی ہو جائے آساں موت بھی مشکل نہ ہو

 

زندگی شاید اسی کا نام ہے
دوریاں، مجبوریاں، تنہایاں

 

میں سراپا ہوں دعا تو میرا مقصود ہے
بات یوں کر کہ مری دعا قبول ہوجائے

 

کہیں وہ آ کے مٹا نہ دیں انتظار کا لطف
کہیں قبول نہ ہوجائے التجا میری

 

باغِ بہشت سے مجھے حکم سفر دیا تھا کیوں
کارِ جہاں دراز ہے اب میرا انتظار کر

 

باغِ ارم میں تنہا تھے ہم اپنی فکر و فہم کے ساتھ
آنچل جب کوئی لہرایا ساری کہانی ختم ہوئی

 

ڈوب رہے ہیں خواب میرے کچھ امیدوں کے تنکے ڈال
آ میرے خالی آنچل میں جھوٹے سچے وعدے ڈال

 

اس کے سائے میں مرے خواب دہک اُٹھیں گے
میرے چہرے پہ چمکتا ہوا آنچل کر دو

 

شعلہء جاں ہے بجھنے کو جاوید
اور دل میں دہک رہا ہے الاؤ