میں گناہگار اور دیدارِ نبی کی خواہش

دو ہفتے پہلے پیر نصیر الدین نصیر کا کلام "اے خسرو خوباں شان من" سنا اور اس کلام کا ایک شعر دل میں پیوست ہو گیا۔ وہ شعر تھا۔۔۔
اے ناقہ سوار راہ قبا
یک روز بیا مہمان من

ہر وقت یہی شعر گردش کرتا رہا۔ آج اگرچہ میں کافی مصروف تھا مگر کاغذ قلم ہاتھ آتے ہی طبع رواں ہوئی اور میری زندگی کے پہلے نعتیہ اشعار کاغذ پر آئے۔ آپ سب کے لیے یہاں لکھ رہا ہوں۔

میں گناہگار اور دیدارِ نبی کی خواہش
خاک کی چٹکی اور انوارِ نبی کی خواہش

ہو تیری دید کرم ایسا کبھی مجھ پر کر
دیدِ روضہ تو ہے سرکار سبھی کی خواہش

عشق کا دعویٰ کروں کیا کہ میں وہ عاصی ہوں
جسں نے پامال کی ہر بار نبی کی خواہش

تجھ کو ہے رحمت العالمیں کہا رب نے
ہے یہ درود لگاتار اُسی کی خواہش

دید اللہ کی ہو جائے شفاعت سے تیری
کیسے پوری ہو یہ دیدارِ نبی کی خواہش

اپنی رحمت کی نظر واصفِ نادان پہ کر
اس نے پہلے میری سرکار کبھی کی خواہش

 

ماشاء اللہ۔ بہت خوب ۔ واصف بھائی بہت بہت مبارک ہو ۔

 

ماشاء اللہ۔

 

سبحان اللہ!
بارگاہ رسالت صلی اللہ علیہ و آلہ وسلم کی میں گلہائے عقیدت نچھاور کرنے کی سعادت حاصل ہونے پر بہت سی مبارک باد اور داد قبول فرمائیے ۔
جزاک اللہ

 

سبحان اللہ
جزاک اللہ

 

جزاک اللہ