میں کیہڑی آپنے درداں دی دُنیاوچہ وساں کیہہ دساں

میں کیہڑی آپنے درداں دی دُنیاوچہ وساں کیہہ دساں
کس گلّے پیاں رو رو کے چہرے تے لسّاں کیہہ دساں
میں ٹریا جنگل بیلے نوں اوہ حَبل وریدوں نیڑے سی
اک پانے والےپایاں سن کجھ پُٹھیاں دسّاں کیہہ دساں
اوہ عشق نئیں جو لگ جائے تے گور اُریرے لہہ جائے
ایہہ چڑھیاں ہویاں فیر کدی لتھیاں نئیں کسّاں کیہہ دساں
رنگ کُھلا میری وحشت دا ہو کٹھے کجھ ہمدرد گئے
اوہ رو رو پُچھن حال میرا، میں کھڑ کھڑ ہسّاں کیہہ دساں
کیوں فضل سودائی ہویا ایں پلّے دیاں لیراں لاہیاں نی
پھڑ لوکی پلّہ پُچھدے نیں تے میں پلّہ کھساں کیہہ دساں

پیر فضل گجراتی صاحب

سید شہزاد ناصر ، الکرم جی