میں نے کسی کے پیار میں یہ زندگی گزار دی----برائے اصلاح

شکیل احمد خان
-----------
میں نے کسی کے پیار میں یہ زندگی گزار دی
جو بھی خوشی ملی مجھے ، میں نے اسی پہ وار دی
--------------
وہ چاہتا تھا عشق میں ، مری رہے نہ کچھ انا
میں نے بھی سر جھکا دیا ، انا بھی میں نے مار دی
-----
مجھے کرے گا سرخرو ، مجھے یہی امید ہے
میں نے اسی کے عشق میں ، عمر ہے اک گزار دی
------------
اگر خطا کو مان لوں تو بخش دے گا وہ مجھے
مجھے سزا کا خوف تھا ، یہ فکر بھی اتار دی
---------
اگر کبھی ہے غم ملا ، مری خطا سے وہ ملا
مجھے مرے تو یار نے ، کبھی نہیں ازار دی
-----------
مری حیات بن گئی مرے لئے ہے اک سزا
مجھے مرے بگاڑ نے ، ضرر ہے بے شمار دی
-----------
مرا وہ دوست بن گیا ، بڑی خوشی مرے لئے
سنا مری پکار کو ،اسی نے تھی پکار دی
--------
اگر اسے قبول ہو ،کروں گا میں نثار پھر
مجھے خدا نے زندگی اگر یہ بار بار دی
--------------

 

میں نے کسی کے پیار میں یہ زندگی گزار دی۔۔۔۔۔۔۔۔۔۔۔۔۔۔۔۔۔کسی کے ک ک(کک)مگر یہ تنافر ناگزیر ہے، ٹالا نہیں جاسکتا۔۔۔۔۔۔۔
جو بھی خوشی ملی مجھے ،میں نے اُسی پہ وار دی۔۔۔۔۔۔۔۔۔۔۔۔۔۔۔۔۔ملی مجھے م م(مم)۔۔۔میں نے ۔۔پہلے مصرعے میں بھی اور اب یہاں بھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مگر یہاں۔۔ ملی مجھے ۔۔ سے جو عیب پیدا ہوگیا ہے ،اُسے ختم کیا جاسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بظاہر تو ایک سادہ،سلیس، رواں اور مؤثر مطلع ہے مگر جیسا کہ استادِ محترم نے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فرمایا کہ میں نے ۔۔۔۔۔۔۔منے تقطیع ہورہا ہے ۔۔۔۔۔۔۔۔تو تکنیکی عیب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کو لفظ یا الفاظ بدل کر دُور کیا جاسکتا ہے۔۔۔۔۔۔۔۔۔۔۔۔۔۔۔۔۔۔۔۔۔۔
میں نے کسی کے پیا ر میں یہ زندگی گزار دی ۔۔۔۔۔۔۔۔۔۔۔۔۔۔۔۔۔مفاعلن مفاعلن مفاعلن مفاعلن۔۔۔۔تقطیع:۔۔م نے ک سی۔کِ پِارمی۔ی زن دَ گی۔گ زاردی
جو بھی خوشی ملی مجھے ، میں نے اُسی پہ وار دی۔۔۔۔۔۔۔۔۔۔۔۔۔۔۔۔۔مفاعلن مفاعلن مفاعلن مفاعلن۔۔۔۔۔۔۔۔۔۔۔مفاعلن۔۔۔مفاعلن۔۔۔مفاعلن۔۔مفاعلن

میں نے کسی کے پیار میں عمر سبھی گزار دی۔۔۔۔۔۔۔۔۔۔۔۔۔۔۔۔۔۔متفعلن مفاعلن متفعلن مفاعلن۔۔۔۔تقطیع: ۔۔می نِ ک سی۔کِ پِارمی۔عُم رسَ بی۔گُ زار دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مفتعلن۔۔۔۔مفاعلن۔۔مفتعلن۔۔مفاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(تقطیع کے لیے عروض ڈاٹ کام کا شکریہ جنھوں نے لب تشنگانِ عروض کی سیرابی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کے لیے اِس ویب گاہ کو وقت کی ضروریات سے اور زیادہ ہم آہنگ یعنی اپ ڈیٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کرکے اور زیادہ ذی اعتبار یعنی reliableبنادیا ہے)
میں نے کسی کے پیار میں یہ زندگی گزار دی
کوئی خوشی ملی مجھے تو وہ بھی،،، اُس پہ وار دی۔۔۔۔۔۔۔۔۔۔۔۔۔۔۔۔۔۔مصرعۂ اولیٰ کو پھر دیکھتے ہیں، ان شاء اللہ!

۔۔۔​

کسی کے پیار میں یہ عمر اِس طرح گزار دی
کوئی خوشی ملی مجھے ،تو وہ بھی اُس پہ وار دی
۔۔۔۔۔۔۔۔۔۔یا۔۔۔۔۔۔۔۔۔۔۔۔
کسی کے پیار میں یہ عمر اِس طرح گزار دی
خوشی ملی کوئی مجھے ۔تو وہ بھی اُس پہ وار دی۔۔۔۔۔۔۔۔۔۔۔۔دونوں مصرعے تقطیع میں اصوات کے عیوب سے پاک ہیں،واللہ اعلم۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ عمر گزری ہےاِتنے ستم اُٹھانے میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کہ خوف آتا ہے اگلا قدم اُٹھانے میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تمھاری یاد بھی آئی توکس طرح آئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حیات رُک سی گئی چشمِ نم اُٹھانے میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(راشد طرازؔ)

 

وہ چاہتا تھا عشق میں رہے نہ کچھ مرا بھرم
سو میں نے سرجھکا دیا ۔۔انا بھی اپنی ہار دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اِس شعر میں کہیں عشق کی بازی، محبت کا کھیل ،بساطِ عشق
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔داؤ،چال(جیسے شطرنج میں ہوتی ہے)یا جیت میں سےیا اس
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔قبیل سے کوئی لفظ آجائے تو انا بھی اپنی ہار دی کو خاصی معقول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اور مضبوط دلیل مل جائے۔۔۔۔۔۔۔۔۔۔۔۔۔۔۔۔۔۔۔
بساطِ عشق پر اُسے تو برتری کی چاہ تھی
سو میں نے سرجھکا دیا انا بھی اپنی ہار دی

۔۔۔۔​

بساطِ عشق پر اُسے تو جیت کی ہی چاہ تھی
سو میں نے جان بوجھ کر انا بھی اپنی ہار دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اور انا ماری نہیں جاتی ۔من مارا جاتا ہے ،من مار کے کوئی بات پوری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کی جائے تو دُرست ہے،من کو ٹھیس لگے یا پندار کا بھرم نہ رہے یا انا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کےخول میں قید رہنا کہیں گے تو ٹھیک کہیں گے ۔۔۔۔۔۔۔۔۔۔۔
وہ چاہتا تھا عشق میں رہے نہ میرے پاس کچھ
سو دل کو اس پہ وارتے ہی جان بھی یہ ہار دی

 

کرے گا عشق سُرخرُو۔ یقین تھا مجھے مگر
ہوا۔ الٹ ۔اسی نے میری آبرو اتار دی

 

۔۔۔۔آپ آزار کہنا چاہتے تھے ۔۔۔۔آپ ازار لکھ گئے (آزار کا مطلب ہے دکھ، تکلیف، رنج ،روگ اور ازار پائجامے یا پاجامے کو کہتےہیں )
۔۔۔۔۔تذکیر و تانیث کے قاعدے سے لفظ آزار مذکر کے طور پر استعمال کیا جاتا ہے مثلاً۱۔ بہتوں کو آگے تھا یہی آزارعشق کا(میر)۲۔بے
زبان جانور،پرندوں کو آزار نہیں دینا یا پہنچانا چاہیے۳۔اِس بات سے اُنھیں سخت آزار ہوایا پہنچا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں آپ اِس غزل کی ردیف ۔۔۔۔۔دی۔۔۔۔کو نباہتے ہوئے اِسی لفظ آزار کو مرکب کرلیں جیسے تہمتِ آزار ۔۔۔۔استعمال: اے میرے
دل اب تو ہی بتا میں نے کب اُسے تہمتِ آزار دی ہے۔۔۔۔۔مجھے کوئی آزارپہنچا ہے یا میں نےکبھی ایذا اٹھائی ہے تو اپنی ہی کسی غلطی سے اُٹھائی
ہے اور میں نے تو کبھی یہ تہمتِ آزار یا ایذارسانی کا الزام کسی دوسرے کے سر نہیں دھرا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملا ۔ہے ۔غم ۔اگر ۔کوئی۔ تو۔ ہوگی۔ میری۔ ہی ۔خطا

تجھے ۔اے۔ یار۔ میں۔ نے۔ کب۔ ہے۔ تہمتِ ضرار۔ دی

یا​

ملا ۔ہے ۔غم ۔اگر ۔مجھے۔ تو۔ ہوگی۔ میری۔ ہی ۔خطا

تجھے ۔اے۔ دوست۔ میں۔ نے۔ کب۔ یہ۔ تہمتِ ضرار۔ دی

​

۔۔۔۔۔۔۔۔ضررکا مطلب نقصان، دکھ ، درد اور تکلیف ہے۔۔۔۔۔۔۔۔(ضَ+رَ+ر=ضَرَر)
۔۔۔۔۔۔۔۔ضِرار کا مطلب نقصان،دکھ ، درد اور تکلیف پہنچانا ہے۔۔۔۔(ضِ+رَ+ا+ر)
۔۔۔۔۔۔۔۔تہمتِ ضرار کا مطلب دکھ دینے کا الزام

 

یہ زندگی مرے لیے ہے بن گئی کڑی سزا
مجھے مرے حبیب نے ۔،بلائے انتظار دی

۔۔۔۔۔یا۔۔۔۔​

یہ زندگی مرے لیے تو بن گئی ہے اک سزا

مجھے مرے حبیب نے۔، بلائے انتظار دی۔۔۔۔۔۔۔۔۔(الانتظار اشد من الموت)
۔یا۔​

ہیں عشق کی عنایتیں کہ زندگی عذاب ہے
مجھے مرے ہی مِیت نے سزائے انتظار دی۔۔۔۔۔۔۔۔۔۔۔۔۔۔۔۔(۔می+ت =میت یعنی حبیب وہ جسے چاہا گیا اور چاہا بھی ٹوٹ کرگیا۔)