موجہء برق تبسم ٭ ٭ ٭ راز یہ اہل محبت پہ عیاں ہوتا ہے لمحہ ہجر صدی سے بھی گراں ہوتا ہے جس کے سینے مین محبت کی لگن ہوتی ہے وہیں جاتا ہے وہ، محبوب جہاں ہوتا ہے اس طرح تم مری آنکھوں میں بسے رہتے ہو مجھ کو ہر اک پہ تمھارا ہی گماں ہوتا ہے اپنا احوال بتاؤ مری روداد سنو دل جو مل جائیں تو پھر فرق کہاں ہوتا ہے ہو سر راہ ملاقات یہ امکان نہیں ہاں مگر شوق یہ خوابوں میں جواں ہوتا ہے آتش عشق کا ا نداز جدا ہے سب سے شعلے اٹھتے ہیں کہیں پر نہ دھواں ہوتا ہے میرے ہونٹوں پہ مچل اٹھتا ہے اک نام حسیں اس طرح فاش مرا سر نہاں ہوتا ہے ڈھونڈنے سے بھی نہیں ملتا مجھے اس کا سراغ موجہء برق تبسم وہ کہاں ہوتا ہے دور رہ کر کبھی بڑھتی ہے محبت غوری اور کبھی قرب میں الفت کا زیاں ہوتا ہے - - - - - عبدالقیوم خان غوری - الجبیل الصناعیہ، سعودی عرب
