دریائے محبت = = = = = = = = = = = = = = = = == = = = = = = = = = = مڈ بھیڑ ہوئی اپنی اک دن کسی راہی سے دیکھا تھا اسے ہم نے دز دیدہ نگاہی سے چہرے کی دل آویزی ہے مد نظر جتنی اتنی ہی محبت ہے زلفوں کی سیاہی سے پایا ہے سکوں دل نے قربت میں تری ورنہ تڑپا ہوں جدائی میں بڑھ کر کسی ماہی سے دریائے محبت ہے اک آ گ نہ تم کھیلو ورنہ یہ ملا دے گا تم کو بھی تباہی سے دیوار میں چنوایا یا دار پہ کھنچوایا کب عشق مگر ہارا ہے عظمت شاہی سے ہنستے ہوئے پیتے ہیں ساغر جو شہادت کا روکے گا انھیں کوئی کیا حق کی گواہی سے آپس میں عداوت ہے یہ کیسی حماقت ہے ہے کون جو یہ پوچھے ملت کے سپاہی سے اے ظلم و ستم والے انجام سے ڈر ورنہ فرمان نہ ہو صادر دربار الہی سے لو فرد عمل غوری پوشیدہ نہیں ان کی چہرے بھی ہوئے کالے اب دل کی سیاہی سے * * * * * * * * عبدالقیوم خان غوری – الجبیل الصناعية، المملکة العربیة السعودیة
جواب: میری بیاض (14) یوں تو ساری غزل ہی اعلیٰ ہے مگر یہ اشعار بہت پسند آئے۔ آپس میں عداوت ہے یہ کیسی حماقت ہے ہے کون جو یہ پوچھے ملت کے سپاہی سے اے ظلم و ستم والے انجام سے ڈر ورنہ فرمان نہ ہو صادر دربار الہی سے اللہ کرے زورِ قلم اور زیادہ۔آمین
