میرا دل تیرا ہے اور جاں تیری ہے۔ بلال رشید

میرا دل تیرا ہے اور جاں تیری ہے۰
لب پہ یوں ہر گھڑی داستاں تیری ہے
میں جو ہوں تیرے محبوب کا امتی۰
سب عنائیت یہ رب_جہاں تیری ہے
چاند، سورج، ستارے بھی تیرے ہیں سب۰
اور یہ دل نشیں کہکشاں تیری ہے
کیوں نہ صبح و مسا حمد تیری کروں۰
جب سخن بھی تیرا اور زباں تیری ہے۰
ڈھانپ لیتی ہے سب جو خطائیں مری۰
ایک ہی ذات وہ مہرباں تیری ہے
گو ازل سے تیری ذات ہے بے نشاں
ذات ہر شے میں لیکن نہاں تیری ہے
جن کو عرفان ہے تیری توحید کا
گونجتی ان دلوں میں اذاں تیری ہے
کرتا ہے حمد تیری عطا سے بلال
معرفت ورنہ اس کو کہاں تیری ہے
-----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین