میاں بیوی ایک دوسرے کی بات کم سمجھتے ہیں: نئی تحقیق

جواب: میاں بیوی ایک دوسرے کی بات کم سمجھتے ہیں: نئی تحقیق

میرا خیال ہے یہ بات درست ہے،میں نے اپنے کزنز(شادی شدہ( لڑکیاں لڑکے دونوں کی زندگیوں کا مشاہدہ کیا ہے مجھے بھی یہ بات محسوس ہوئی ہے

 

جواب: میاں بیوی ایک دوسرے کی بات کم سمجھتے ہیں: نئی تحقیق

میں انتظامیہ سے درخواست کرتا ہوں کہ انتظامیہ کے اہم رکن کے ہاتھ "لال" ہونے تک شادی شدگان کے بارے میں ایسی منفی پوسٹ پر پابندی لگائی جائے۔
اور شادی شدگان سے متعلق صرف مثبت پوسٹ کی ہی اجازت دی جائے۔ شکریہ ​

 

جواب: میاں بیوی ایک دوسرے کی بات کم سمجھتے ہیں: نئی تحقیق

ہارون بھائی مجھے صرف یہ ڈر ہے کہ خدانخواستہ "بچے" کا حوصلہ نہ ٹوٹ جائے ;)

 

جواب: میاں بیوی ایک دوسرے کی بات کم سمجھتے ہیں: نئی تحقیق

تحقیق کے نتائج سیر حاصل بحث کے متقاضی ہیں۔

کائنات میں ہرشے جوڑے کی شکل میں موجود ہے۔ ان میں سے ہر ایک اپنی مخصوص خواص سے مرصع ہے۔ دونوں ہی اپنی ذات میں یکتا ہیں مگر جوہر کے حصول کیلئے دونوں فریقوں میں باہمی یگانگت بنیادی اکائی ہے۔ ​

میاں بیوی کے تعلقات میں ذہنی یکسوئی ہونے سے ان کے تعلقات میں مضبوطی قائم ہوتی ہے اور ان سے جڑے تمام رشتے نبھانے آسان ہوجاتے ہیں اور زندگی کی مشکلات کو سمجھنے اور ان سے نبٹنے کے لئے نئی نئی راہیں کھلتی ہیں اور دونوں کے دل و دماغ یکجا ہوکر بھرپور طریقے سے مسائل کے حل کیلئے ایک ہی سمت میں اپنی کارکردگی کا مظاہرہ کرتے ہیں۔​

یاد رکھیئے کہ میاں بیوی میں ذہنی یکسوئی اسی وقت قائم ہوسکتی ہے جب دونوں ایک دوسرے کی عزت کرنا اپنے اوپر فرض کرلیں۔ خواہ کتنے ہی مشکل حالات ہوجائیں کسی بھی ایک فریق کو قطعا اجازت نہیں کہ وہ ذرہ برابر بھی اپنے پارٹنر کے بارے میں منفی سوچ رکھے اور رویے میں بگاڑ پیدا کرے۔​

دونوں پارٹنر پہ فرض ہے کہ کوئی تیسرا شخص ان کے تعلقات میں دراڑ ڈالنے کی کوشش کرے تو وہیں اس کا قلع قمع کریں اور کھلے الفاظ میں یہ پیغام دیں کہ ہم دونوں ایک دوسرے کا لباس ہیں۔​

ایسےمیاں بیوی جنھیں اس حقیقت کا ادراک ہو کہ " ظاہری خوبصورتی وقتی طور پہ ضرور دلکش محسوس ہوتی ہے مگر اصل خوبصورتی سیرت میں پوشیدہ ہے جو دائمی طور پر متاثر کن ہوتی ہے" ان کے درمیان قائم ہونے والا رشتہ اور ذہنی ہم آہنگی ایک دوسرے کو قریب سے قریب تر کرنے میں ممد و معاون ثابت ہونگے۔ ​

مندرجہ بالا خصوصیات دو دوستوں میں قائم ہوجائیں تو ان کے درمیان انتہاء درجے کی انڈرسٹینڈنگ ہوجاتی ہے۔​

اسی طرح میاں بیوی کے درمیان مندرجہ بالا خصوصیات کی عدم موجودگی ہو تو ان کے درمیان ذہنی یگانگت قائم نہیں ہوسکتی بلکہ بہت بڑی خلیج پیدا ہوجائے گی۔

مختصرا یہ کہوں گا کہ احساس کے نازک تار جوڑ کے رکھیئے کہ اک بار کی دراڑ کے اثرات عمر بھر کیلئے نمایاں ہوجاتے ہیں۔​

 

جواب: میاں بیوی ایک دوسرے کی بات کم سمجھتے ہیں: نئی تحقیق

میرے خیال میں یہ تحقیق کسی ایسے ملک میں کی گئی ہے جہاں میاں اور بیوی صرف ایک ساتھی پر اکتفا نہیں کرتے ہوں گے ۔

 

جواب: میاں بیوی ایک دوسرے کی بات کم سمجھتے ہیں: نئی تحقیق

نعیم بھائی یہ تحقیق انسانی رویوں پہ ہوئی ہے اور انسانی رویے جگہ کی تبدیلی سے تبدیل نہیں ہوتے۔

میاں بیوی، کا رشتہ ان کی باہمی یگانگت پہ قائم ہے۔ جس قدر آپسی انڈرسٹینڈنگ ہوگی اسی قدر رشتے میں پختگی، پائیداری اور حسن سلوک کا مظاہرہ ہوگا۔

خاوند کیلئے ضروری ہے کہ وہ اپنی زوجہ کی سوچ کے مطابق فیصلے کرے اور بیوی کی بہتری اسی میں ہے کہ وہ اپنے زوج (خاوند) کے مزاج، ان کے موڈ، ان کی عادات، ان کی صلاحیتوں، ان کے وسائل اور ان کی کمزوریوں کو خاطر میں رکھتے ہوئے بات کریں۔

جب دونوں ایک دوسرے کو اپنے اوپر فوقیت دیں گے تو یہ زندگی جنت نظیر بن جاتی ہے اور آپ پوری دنیا تسخیر کرسکتے ہیں اور کامیاب و کامران زندگی حاصل کرسکتے ہیں۔

انسان کے دماغ میں سیال مادہ زیادہ ہے اور برقی لہریں رواں دواں ہیں اسی لئے یہ ذیادہ حساس اور جلد اثر پذیر بھی ہوتا ہے۔ اس میں بے پناہ صلاحیتیں ہوتی ہیں جسے متحرک کرکے آپ اچھی زندگی گزار سکتے ہیں۔

اجازت دیں اللہ بیلی

:91:

 

جواب: میاں بیوی ایک دوسرے کی بات کم سمجھتے ہیں: نئی تحقیق

میں صبح صبح اس تحریر کو پڑھ کے گیا تھا اور سوچ رکھا تھا کہ واپس آکے اس کی تردید کروں گا کہ یہ بالکل غلط تحقیق ہے ۔ نقائص سے بھرپور ۔غلطیوں سے اٹی ہوئی ۔ یعنی یہ کیا بات ہوئی ۔ آج کل تو کیا بھلے وقتوں میں بھی ان کہی باتیں سمجھ لی جاتی تھیں ۔ ابرو کی جنبش ، ہاتھ کے ذرا سے اشارے اور ہونٹوں کے ہلکے خم ہی کافی ہوتے تھے ۔
شام کو گھر آیا تو گھر سنسان اور کچن ویران ۔ کچن میں کھانے پکانے کا کوئی اشارہ نہیں ۔ فریج کھول کے دیکھی تو بھکاری کی کشکول اور حکومت کے خزانے کی طرح خالی ، دڑ وٹ کے اور منہ بسور کے بیٹھ گیا۔ آدھے گھنٹے بعد رہا نہ گیا تو اہلیہ کو ایس ایم ایس کیا کہ مطالبات پیش کریں تاکہ مذاکرات کرسکیں اور کچن بند ہڑتال کا خاتمہ ہو ۔
جواب آیا کہ کیسے مطالبات و مذاکرات اور کہاں کی ہڑتال ؟ آپ اور آپ کے پُٹھے مذاق ۔پاکستانی چینلز کے ٹاک شو کم دیکھا کریں ۔
جواب دیا کہ ہڑتال نہیں ہے تو گھر کا چولہا ہماری قسمت اور آپ کے رویے سے زیادہ ٹھنڈا کیوں ہے ؟
جواب آیا کہ صبح بتایا تو تھا کہ شام کو سیدھے بھائی جی کے گھر ہی آجایئے گاان کی بیٹی کی سالگرہ ہے ، کھانا وہیں کھانا ہے ۔ غور سے سنا کریں تو یاد رہے نا!

 

جواب: میاں بیوی ایک دوسرے کی بات کم سمجھتے ہیں: نئی تحقیق

عمر خیام صاحب السلام علیکم و رمضان مبارک۔

مجھے امید تھی کہ آپ کیطرف سے کچھ ایسا پیغام آئے گا جو ہمارے جیسوں کی اصلاح اور تربیت کا باعث ہو۔

مگر آپ رمضان کی وجہ سے کنفیوژ ہوگئے اور جو پیغام پوسٹ کیا وہ مضمون کی تردید نہیں بلکہ تائید کرتا ہے۔ ملاحظہ فرمائیں:

ٹائیٹل ہے: میاں بیوی ایک دوسرے کی بات کم سمجھتے ہیں: نئی تحقیق

آپ کے جواب کی آخری سطر جسے کنکلوڈنگ پیرا کہتے ہیں، وہ بھی ملاحظہ فرمایئے:جواب آیا کہ صبح بتایا تو تھا کہ شام کو سیدھے بھائی جی کے گھر ہی آجایئے گاان کی بیٹی کی سالگرہ ہے ، کھانا وہیں کھانا ہے ۔ غور سے سنا کریں تو یاد رہے نا!

سرجی ایتھے میں کی کراں؟؟

اس مضمون کا مرکزی خیال ہے ایک دوسرے کی بات سمجھنا!

اصولی طور پر تو دونوں میں باہمی یگانگت ایسی ہوکہ جنبش ابرو اور گفتار چشم سے سارے کام انجام پا جائیں۔ مگر خرابی وہاں پیدا ہوتی ہے جب ہم آہنگی میں بگاڑ پیدا ہوجائے۔

جب ذہن کہیں اور بٹ جائے۔ جیسے مرد کاروباری معاملات اور خاتون بچوں میں یا میکے کے مسائل میں الجھی ہوں یا پھر دونوں میں ایک کا تعلق بڑے خاندان سے ہو وغیرہ وغیرہ۔۔۔۔

جب ذہنی ہم آہنگی ناپید ہو تو رشتوں میں چاشنی تفریق کا شکار ہوجاتی ہے اور پھر یہ خلیج بڑھتے بڑھتے تشویش کی حد چھونے لگتی ہے جہاں سے وبال جاں کا آغاز ہوتا ہے۔

اللہ ہمیں ہر آزمائش سے محفوظ رکھے۔ آمین۔

نوٹ: آخری بات یہ ہے کہ کاش ہم (میاں بیوی کے علاوہ) ایک دوسرے کو سمجھیں اور ایک دوسرے کو عزت و شرف دیں، تاکہ ہمارے آپسی تعلقات مں ہم آہنگی اور قدرومنزلت قائم ہو۔

 

جواب: میاں بیوی ایک دوسرے کی بات کم سمجھتے ہیں: نئی تحقیق

محترم غوری صاحب ۔ وعلیکم السلام اور رمضان کریم کی مبارکباد
میں کنفیوز بالکل بھی نہیں ہوا ۔ رائے کی شروعات اسی پیرائے میں کی گئیں تھیں کہ اس کی تردید میں کہنا ہے کہ ایسی بات نہیں کہ وہ ایک دوسرے کو اگنور کیے رکھتے ہیں بلکہ میاں بیوی ایک دوسرے کی بات بہت غور سے سنتے ہیں ۔ لیکن ایسا ہوا نہیں ۔ کیونکہ اسی دن یہ واقعہ ہوگیا تو میرے لیئے ممکن نہیں تھا کہ عملیت سے دور رہتا ۔اس لیے اس ریسرچ کی ہاں میں ہاں ملاتے ہی بنی ۔عرض ہے کہ انسان اپنی شخصیحت میں بھی تضادات کا شکار رہتا ہے ۔ہماری یادداشت کمزور ہوتی ہے بہت جلد بھول جاتے ہیں ، یا ہمیشہ اس تصور میں رہتے ہیں کہ ہماری شخصیحت مکمل ہے اس میں کوئی سقم نہیں۔ ہمارے کردار کے سامنے جو اچھے اچھے خانے بنے ہیں ہم ان سب کو ٹک کرتے ہیں ۔لیکن حقیقت پسندی سے جائزہ لیں تو ایسی بہت سی چھوٹی چھوٹی باتیں ہیں جن پر ذرا سا زیادہ زور دیکر اور غور کرکے اپنی زندگیوں بہتر بنا سکتے ہیں اور دوسروں کیلیئے آسانیاں فراہم کرسکتے ہیں ۔
بہرحال یہ ایک بہت نازک رشتہ ہے ۔ اس رشتے کو مستحکم بنانے کیلیئے جو چیز سب سے زیادہ اہم ہے ، وہ ہے ایک دوسرے کی عزت اور احترام ۔۔۔ ریسپیکٹ ۔

 

جواب: میاں بیوی ایک دوسرے کی بات کم سمجھتے ہیں: نئی تحقیق

آپ نے سچ کہا میری بیوی بولتی ہے تو میں‌ان سنی کر دیتا ہوں۔
اگر بات مطلب کی نہ ہو۔
اور بعد میں کہتا ہوں اچھا تو تم مجھے کچھ کہہ رہی تھی اور میں سمجھ رہا تھا چیونگم چبارہی ہو۔
ہا ہا ہا۔

 

جواب: میاں بیوی ایک دوسرے کی بات کم سمجھتے ہیں: نئی تحقیق

بیوی گھر کی ملکہ ہے ان کا احترام آپ پہ فرض ہے کہ آپ کا برتاؤ معاشرے میں ان کا مقام تعین کرتا ہے!

 

جواب: میاں بیوی ایک دوسرے کی بات کم سمجھتے ہیں: نئی تحقیق

غوری جی نے بالکل درست کہا کہ اپنی بیوی سے آپ کا برتاو اور سلوک گھر اور معاشرے میں اس کا مقام متعین کرتا ہے۔۔۔لیکن ساتھ ہی اپنی شریک حیات کے ساتھ روا رکھا جانے والا رویہ آپ کی اپنی شخصیت کا بھی آئینہ ہے۔کہ آپ کی شخصیت میں کتنا وزن یا ہلکا پن ہے۔

 

جواب: میاں بیوی ایک دوسرے کی بات کم سمجھتے ہیں: نئی تحقیق

مجھے خوشی ہے کہ میرے مختصر الفاظ بھی حریم صاحبہ نے پوری طرح سمجھ لئے۔

بہت سے لوگوں کا اکٹھے رہنا ایک معاشرے کو جنم دیتا ہے جہاں ہر ایک فرد معاشرے کا حصہ ہے جس میں ہر ایک کے اپنے اپنے حقوق ہیں اور ہر ایک کی اپنی اپنی ذمہ داریاں بھی ہیں۔

بحیثیت انسان ہم سب کی ذمہ داری ہے کہ دوسرے انسان کو محترم جانیں اور اس کی خامیوں کو درگزر کرتے ہوئے اسے اپنے ساتھ شامل کارواں رکھیں۔

اگر اس طرح کی سوچ اجتماعی ہوگی تو معاشرہ متحد، باہمی انسیت اور اخوت کا آئینہ دار ہوگا۔

اور ہر معاشرے کی بنیادی اکائی میاں بیوی ہیں دونوں میں ذہنی ہم آہنگی از بس ضروری ہے۔ اور اگر ایک فرد ذہنی طور پر ناپختہ ہے تو دوسرے کی ذمہ داری ہے کہ وہ اسے ساتھ لیکر چلے اور اس خلاء کو اخلاقی مدد کے ذریعے پر کرنے کی کوشش کرے۔

اس کے علاوہ میاں بیوی کے درمیاں قائم رشتے میں سب سے گہرا اور مضبوط عنصر ہے محبت اور وفاء۔

یہ واحد عنصر ایسا ہے جو کامیاب زندگی کی ضمانت ہے۔

یہ موضوع بہت عمیق اور حساس نوعیت کا ہے اس لئے میں کوشش کروں گا کہ اس بات کو ہہیں پہ ختم کردوں کہ رشتوں کی پاسداری کجیئے اور محبتیں بانٹیے خواہ جواب میں خاطر خواہ نتائج نہ حا صل ہوں ۔