مومنوں کی ماوں میں یکتا ہیں اماں عائشہ۔ منقبت سیدہ عائشہ صدیقہ رض

منقبت سیدہ عائشہ صدیقہ رضی اللہ عنہا
اللھم صل علی سیدنا ومولانا محمد وعلی آلہ وازواجہ واصحابہ وسلم

مومنوں کی ماؤں میں یکتا ہیں اماں عائشہ
حرمِ نبوی میں بحکمِ اللہ ہیں اماں عائشہ

سرورِ کونینؐ کو ریشم میں لپٹا کے دیا
خالقِ کونین کا تحفہ ہیں اماں عائشہ

اُن کی خدمت میں سلام آکے کہے جبریلؑ بھی
اور آیتوں کا مُدّعا ہیں اماں عائشہ

جن کی عَصمت کی گواہی دے رہا ہے خودخدا
اللہ اللہ ! کتنی پاکیزہ ہیں اماں عائشہ

ہیں ہدایت کے ستارے الصحابہ کالنجوم
ان صحابہ کی مُعَلِّمہ ہیں اماں عائشہ

بیتِ عائشہ بنا ہے مرقدِ نبویؐ رضاؔ
راحتِ قلبِ شہِ والا ؐ ہیں اماں عائشہ

ہدیہ عقیدت: محمد نعیم رضا قادری۔
18اپریل 2021۔ 17رمضان المبارک

 

جزاک اللہ خیر