موضوعی بیت بازی

دیکھ فرعون کے لہجے میں ہم سے بات نہ کر
ہم تو موسیٰ ہیں، خداؤں سے اُلجھ پڑتے ہیں

 

دنیا کے بتکدوں میں پہلا وہ گھر خدا کا
ہم اس کے پاسباں ہیں وہ پاسباں ہمارا​

 

خدایا آگ ہی لگ جائے اس دوقِ محبت کو
جلے کوئی، مرئے کوئی، اندھیرا میری محفل میں​

 

دلوں سے کھیلتے ہیں بس کھلونوں کی طرح یارو
دعا دل کی یہ میرے ہے حسینوں سے خدا سمجھے​

 

شب جو مسجد میں جا پھنسے مومن
رات کاٹی خدا خدا کر کے​

 

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے​

 

سامنے آئے ہیں میرے اجنبی نظروں کے ساتھ
اے خدا یہ موت قبل از موت کیسے آگئی؟​

 

خدایا آرزو میری یہی ہے
میرا نورِبصیرت عام کردے​

 

پروانے کو چراغ تو بُلبُل کو پھول بس
صدیق کے لئے ہے خُدا کا رسول بس​

 

زباں سے گر کیا توحید کا دعویٰ تو کیا حاصل
بنا یا ہے بتِ پندار کو ا پنا خدا تو نے !!!​

 

پتھرو ! آج میرے سر پہ برستے کیوں ہو
میں نے تمکو بھی کبھی اپنا خدا رکھا ہے​

 

برا ہو اس تغافل کا کہ تنگ آ کر یہ کہتا ہوں
مجھےکیوں ہوگئی الفت اےمیرےخدااس سے​

 

تو نہ بن جانا خدا دنیا نے جو کہہ بھی دیا
ہم نےکی تجھ سے محبت بندگی سی جان کر​

 

آ جاؤ گے حالات کی زد پر جو کسی دن
ہو جائے گا معلوم خدا ہے کہ نہیں ہے​

 

وہ حلقۂ ہاۓ زلف، کمیں میں ہیں اے خدا
رکھ لیجو میرے دعوۂ وارستگی کی شرم​

 

ہم محبت میں بھی اللہ کی سنت پہ چلے
ہم نے محبوب بھی محبوبِ خدا رکھا ہے

:saw:​

 

خُدا گلزار رکھے اُن کے پاؤں
جو میرے ساتھ چلتے جا رہے ہیں

 

اے خدا ! شکوہء اربابِ وفا بھی سن لے
خوگرِ حمد سے تھوڑا سا گلہ بھی سن لے​

 

لگتا ہے لفظ “خدا“ کے موضوع پر مزید اشعار ہماری اردو کے صارفین کے پاس ختم ہوگئے ہیں۔ ایک شعر مزید عرض کرتا ہوں

یہ کون لوگ ہیں کیسے یہ سربراہ ہوئے
خدا کو چھوڑ کر ان کا سپاس مت کرنا​

 

ہم انتظار کریں گے قیامت تک تیرا
خدا کرے کہ قیامت ہو اور تُو آئے​