موضوعی بیت بازی

زیست کا دن ڈھلنے لگا، شام پڑی روتے روتے
غم کا بستر سجا دو کہ ہم سونے کو ہیں​

 

اچھا جی !
میں سفر کے عنوان سے ایک شعر دیتا ہوں۔

ہم روحِ سفر ہیں ہمیں ناموں سے نہ پہچان
کل اور کسی نام سے آجائیں گے ہم لوگ​

اب سفر پر کچھ بیت بازی ہو جائے تو سفر جلدی کٹ جائے گا

 

مجھے منزلوں‌ کی فکر ہو کیا
جو سفرمیں تو میرے ساتھ ہو​

 

تم سے منزل کا نہیں رشتہ، سفر کا ہے میرا
دھیان جاتا ہی نہیں ہے تمہیں پانے کی طرف​

 

اک صحرائے وحشت اور میں آبلہ پا
تنہا یہ سفر کٹتا نظر نہیں آتا​

 

یہ دل یہ پاگل دل میرا کیوں بجھ گیا آوارگی
اس دشت میں اک شہر تھا وہ کیا ہوا آوارگی
یہ درد کی تنہائیاں یہ دشت کا ویراں سفر
ہم لوگ تو اُکتا گئے اپنی سنا آوارگی​

 

سفر یہ واپسی کا ہولے ہولے طے کرو اس نے
تمیں آواز دینی ہے تمہیں واپس بلانا ہے

 

اے میرے ہم سفر اے میری جانِ جاں
تو جو آئے تو دل کو قرار آئے گا​

 

بہت خوب عبدالجبار بھائی !

میرا اپنا شعر آپ کی نذر۔۔۔۔

زندگی ایک سفر ہے تو خدایا
معدوم اسکی منزلیں کیوں ہیں؟​

 

یہ جو فاصلے رہے درمیاں نہ مٹا سکے کبھی دوریاں
یہ سفر تھا آبلہ پائی کا کیا سناؤں میں دلِ زار کا ؟​

 

میں لوٹنے کے ارادے سے جا رہا ہوں مگر
سفر سفر ہے مرا انتظار مت کرنا​

 

نگہ بلند سخن دلنواز جاں پرسوز
یہی ہے رختِ سفر میرِ کارواں کیلیئے​

 

یہ سفر جو ریت پہ طے کیا یہ سفر بھی تیری طرف ہی تھا
مجھے آندھیوں کی فکر نہ تھی مجھے ڈر تھا تیرے سنگھار کا​

 

عشق اور صبر بے شک لازم و ملزوم ہیں
سفر یہ تیرا نہیں جو صبر کا یارا نہیں​

 

میرا عزم تو ہے سفر بھی تو
میرےشوق کی راہگذر بھی تو​

 

دل میں پھر خدشوں نےسر اٹھا یا ہے
پھر تیری ہم سفری در پیش ہے آج​

 

حسبِ حکم میرے ذہن میں فوراً لفظ “ خدا “ آیا ہے۔ کیوں نہ اسی پر شعر کہے جائیں

(اسی بہانے خدا بھی یاد آتا رہے گا)

پہلا شعر عرض ہے

اے خدا ! شکوہء اربابِ وفا بھی سن لے
خوگرِ حمد سے تھوڑا سا گِلا بھی سن لے​