منقبت حضرت خواجہ معین الدین چشتی اجمیری (ھدیہ کلام۔ محمد نعیم رضا قادری)

سلطان الہند، آفتابِ چشت حضرات خواجہ معین الدین چشتی غریب نواز رحمۃ اللہ علیہ
کی بارگاہ میں عاجزانہ ہدیہ کلام
اللھم صل علی سیدنا ومولانا محمد وعلی آلہ وصحبہ وبارک وسلم

خواجہء خواجاں کرم فرمائیے
ہند کے سلطاں کرم فرمائیے
۔۔۔۔۔۔۔۔۔۔۔۔۔۔۔۔۔۔۔
نائبِ فیضِ نبی، ہند الولی
فخرِ شیخ عثماں، کرم فرمائیے
۔۔۔۔۔۔۔۔۔۔۔۔۔۔۔۔۔
آپ کے گنجِ شکر قطب و نظام
آپکی ہیں شاں، کرم فرمائیے
۔۔۔۔۔۔۔۔۔۔۔۔۔۔۔
آپ ہیں آلِ نبی ، بندہ نواز
سید و سلطاں، کرم فرمائیے
۔۔۔۔۔۔۔۔۔۔۔۔۔۔۔۔۔۔
ہیں ولایت کے اُفق کےآفتاب
آپکے درباں، کرم فرمائیے
۔۔۔۔۔۔۔۔۔۔۔۔۔۔۔۔۔۔۔۔۔
آپکا دستِ کرم ہے بےکراں
میں تہی داماں کرم فرمائیے
۔۔۔۔۔۔۔۔۔۔۔۔۔۔۔۔۔۔
شفقت و جود و سخا، رحم و کرم
آپ کی پہچاں ، کرم فرمائیے
۔۔۔۔۔۔۔۔۔۔۔۔۔۔۔۔۔
اے طبیبِ مرضِ ما! اب تو کریں
درد کا درماں، کرم فرمائیے
۔۔۔۔۔۔۔۔۔۔۔۔۔۔۔۔۔۔
چشمِ خواجہ ہے مُقلّبِ قلب اور
دل میرا ویراں ، کرم فرمائیے
۔۔۔۔۔۔۔۔۔۔۔۔۔۔۔۔
ساگرِعرفان کے کوزے سے ہے
قطرے کا ارماں، کرم فرمائیے
۔۔۔۔۔۔۔۔۔۔۔۔۔۔۔۔۔
نسبتِ خواجہ سے میری مشکلیں
ہو گئیں آساں ، کرم فرمائیے
۔۔۔۔۔۔۔۔۔۔۔۔۔۔۔۔۔۔۔
آپ سے جو دور ہیں وہ دربدر
پھرتے ہیں ناداں، کرم فرمائیے
۔۔۔۔۔۔۔۔۔۔۔۔۔۔۔۔۔۔
ہے رضا، ادنیٰ گدا اجمیر کا
ہے بڑا نازاں، کرم فرمائیے

ھدیہ کلام: محمد نعیم رضا قادری۔ ویانا۔ آسٹریا۔ 12اپریل 2016 بروز منگل
​

 

ماشاءاللہ ۔سبحان اللہ

 

میرے مرشد دی منقبت

 

شکریہ پاکستانی بھائی۔ جزاک اللہ خیر

 

شکریہ برادر بھائی۔ جزاک اللہ خیر

 

پیارے بھائی حضور خواجہ صاحب سب کے ہی مرشد ہیں۔ برصغیر کے مسلمان تو انکا دان کبھی نہیں چکا سکتے

 

شکریہ پیارے بھائی۔ دعا فرما دیا کریں۔ جزاک اللہ خیر