منقبت اعلٰی حضرت رحمۃ اللہ تعالٰی علیہ

منقبت اعلٰی حضرت رحمۃ اللہ تعالٰی علیہ​

​

​

تو نے باطل کو مٹایا اے امام احمد رضا​

دین کا ڈنکا بجایا اے امام احمد رضا​

​

​

دور باطل اور ضلالت ہند میں تھا جس گھڑی​

تو مجدد بن کے آیا اے امام احمد رضا​

​

​

تھرتھرائے کانپ اٹھے باغیان مصطفٰے​

قہر بن کے ان پہ چھایا اے امام احمد رضا​

​

​

علم کا دریا ہوا ہے موجزن تحریر میں​

جب قلم تو نے اٹھایا اے امام احمد رضا​

​

​

خلق کو وہ فیض بخشا علم سے بس کیا کہوں​

علم کا دریا بہایا اے امام احمد رضا​

​

​

اے امام اہلسنت! نائب شاہ ہدٰی!​

کیجئے ہم پر بھی سایہ اے امام احمد رضا​

​

​

فیض جاری ہی رہے گا حشر تک تیرا شہا​

کام ہے وہ کر دکھایا اے امام احمد رضا​

​

​

قبر پر ہو بارش انوار حق تیری سدا​

ہو نبی کا تجھ پہ سایہ اے امام احمد رضا​

​

​

ہے بدرگاہ خدا عطار عاجز کی دعا​

تجھ پہ ہو رحمت کا سایہ اے امام احمد رضا​

 

ماشاءاللہ بہت عمدہ

ماشاءاللہ بہت خوب

 

جزاک اللہ خیر