منزل۔۔۔۔ بقلم ریحان

زندہ انسانوں کی منزل نہیں ہوتی انکے اہداف ہوتے ہیں۔ ایک کی تکمیل ہوئی تو دوسرے کیلئے سرگرداں ہو گئے۔ جو ٹھہر گیا وہ زندہ نہیں ہے۔ ہماری منزل تو فقط حقیقی زندگی کی سرخروی ہے۔ ہم اس جہاں میں آتے ہی اسلئے ہیں کہ مالک کو راضی کر سکیں۔ افسوس آج شاید ہم سمجھ بیٹھے ہیں کہ ہم نے جانا نہیں ہے۔ لوگ ایک مقصد لے کر دیارِ غیر میں رہتے ہیں کہ اپنوں کی زندگی آسان کرنی ہے دو چار مقاصد ہیں جو پورے ہونے پہ ہم اپنوں کیطرف لوٹ جائیں گے چاہے ساری عمر پردیس میں کٹ جائے مگر واپسی کایقین ہوتا ہے۔ پردیس میں خود لاکھ سمجھوتے کر لیں گے مگر اہداف سے پیچھے نہیں ہٹیں گے۔ اسی طرح ہمیں زندگی بھی گزارنی چاہیے کہ ایک دن ہم نے خالق و مالک کے پاس جانا ہے اس دن شرمندگی سے بچنے کیلئے محنت کرنی چاہیے۔ پردیس سے اگر ناکام بھی واپس گئے تو فقط نکمے کہلائیں گے مگر اللہ نہ کرے زندگی کا خاتمہ ناکامی پہ ہونے کی صورت میں سوائے بربادی کے کچھ حاصل نہیں۔ الہی ہمیں وہ علم عطا فرما جو ہمیں دنیاوی لذتوں سے بے نیاز کر دے آمین۔

 

حوصلہ افزائی کا شکریہ۔

 

بہت زبردست ماشاء اللہ

 

شکریہ