ملک بلال کا تعارف

لیں جناب ہارون رشید عرف ناظم صاحب ناچیز کا تعارف حاضر ہے۔

1- پورا نام؟ اور کس نے رکھا؟
اجی چھوڑیئے نام میں‌کیا رکھا ہے؟ گلاب کو جو مرضی کہہ لیں وہ رہتا تو گلاب ہی ہے۔ بہرحال آپ بضد ہیں‌تو جناب میرا پورا نام ملک انور بلال ہے۔ رہا سوال یہ کہ نام رکھا کس نے تو یہ ایک دکھ بھری داستان ہے۔ میری معلوم خاندانی تاریخ کے مطابق میری پیدائش کے بعد جب میرا نام رکھنے کا مرحلہ درپیش ہوا تو والد صاحب کو ""بلال"" نام پسند تھا اور دادا حضور ""انور"" رکھنے پر بضد تھے۔ اور یہ معاملہ لے کر دونوں کے درمیان اچھا خاصا تنازعہ ہوا۔ (اب یہ مت کہیئے گا کے میں شروع سے ہی متنازعہ شخصیت ہوں۔ بہرحال میں چونکہ اپنی ماں‌ باپ کی پہلی اولاد اور دادا دادی کا پہلا پوتا تھا اس لئے دونوں فریق اپنا اپنا حق جتانے میں‌ مصروف تھے۔ اس سے پہلے کہ تنازعہ مزید شدت اختیار کرتا۔ مٹھائی کھانے کے شوقین کچھ حضرات نے تصفیہ یہ کروایا کہ موصوف کا نام انور بلال رکھ لیا جائے تاکہ دونوں فریقین کی خواہش پوری ہو جائے اور ہم مٹھائی کھا کر اپنے اپنے گھر جائیں۔ اس طرح یہ معاملہ طے ہوا۔ میں‌اس واقعے سے محظوظ ہونے کی کیفیت میں‌نہیں تھا جس کا مجھے آج تک افسوس ہے کہ کاش میں‌ اس وقت ہوش سنبھال چکا ہوتا۔

2- لقب؟ اور کیوں رکھا گیا؟
مجھے زیادہ تر دوست ملک کہہ کر بلاتے ہیں وجہ تسمیہ آپ سمجھ چکے ہوں گے کہ میں ملک برادری سے تعلق رکھتا ہوں اور ہمارے علاقے میں‌ برادری ازم کافی ہے۔

3- عمر؟ (لڑکیوں کو غلط بیانی کی اجازت ہے۔)
مجھے معرض وجود میں پاکستان کے غیر معیاری وقت کے مطابق 28 سال ، 9 ماہ ، 5 دن، 23 گھنٹے، 21 منٹ اور تقریباً 41 سیکنڈ گزر چکے ہیں۔

4- شہر، ملک؟ (کب سے یہاں ہیں؟)
شہر میرا ملک وال ہے جو کہ تحصیل ہے ضلع منڈی بہائوالدین کی جو کہ ضلع ہے پنجاب کا جو کہ صوبہ ہے پاکستان کا۔

5- تعلیم؟ (حاصل کرنا کیوں ضروری سمجھی؟)
تعلیم کا سلسلہ وقفے وقفے سے جاری رہتا ہے۔ ویسے تو انسان ساری زندگی ہی سیکھتا رہتا ہے۔ بہر حال میں اس وقت ورچوئل یونیورسٹی سے bscs کر رہا ہوں۔ تعلیم حاصل کرنا اس لئے ضروری سمجھے تاکہ اپنی سوچ کہ معاشرے کے مطابق بنا سکوں۔ لیکن افسوس تعلیم بھی میرا کچھ نہ بگاڑ سکی۔ میں تو نہیں سدھرا لیکن تعلیم کا کچھ چسکا لگ گیا۔ اب کچھ نہ کچھ سیکھتا رہتا ہوں چاہے وہ نصابی ہو یا غیر نصابی۔

6- مشاغل؟ (اپنے بتانے ہیں، اُن کے نہیں۔)
مشاغل تو بہت سارے ہیں لیکن وقت میسر نہیں ہوتا۔ پھر بھی جب کبھی وقت ملے تو صوفیانہ کالم پڑھ لیتا ہوں، سن لیتا ہوں، صوفی شعراء میں بابا بلھے شاہ، شاہ حسین، بابا فرید کوٹ مٹھن شریف، میاں‌محمد بخش، وارث شاہ، اور فوک گلوکاروں میں پٹھانے خان، عابدہ پروین، الن فقیر، سائیں اختر، اللہ دتہ لونے والا، منصور ملنگی پسند ہیں۔ ویسے کلاسیکل میں لتا، رفیع، مکیش، کشور، نصرت فتح علی، استاد امانت علی پسند ہیں، کبھی کبھی موڈ ہو تو مغربی موسیقی بھی سن لیتا ہوں، زیادہ تر شکیرا یا انگما۔ اس کے علاوہ اچھی کتابیں، شاعری، کمپیوٹر، اور بہت ساری انگلش موویز۔ پسندیدہ مصنفین میں‌ واصف علی واصف، ممتاز مفتی، برٹریندرسل، ژاں پال سارتر، کرشن چندر، گرو راجنیش اوشو وغیرہ وغیرہ۔ نفسیات اور فلسفے سے بھی لگائو ہے۔
7- پیشہ؟ (کاروبارِ محبت سے اِحتراز کریں۔)
اس سوال کے جواب میں‌ ایک نظم یاد آ گئی شاید فیض صاحب کی ہے
وہ لوگ بہت خوش قسمت تھے
جو عشق کو کام سمجھتے تھے
یا کام سے عاشقی کرتے تھے
ہم جیتے جی مصروف رہے
کچھ عشق کیا کچھ کام کیا
پھر آخر تنگ آ کر ہم نے
دونوں کو ادھورا چھوڑ دیا

بہر حال غم جاناں کے ساتھ ساتھ غم دوراں‌بھی تو ہے تو بس اس غم دوراں کی دوا کے لئے کچھ کام بھی کرنا پڑتا ہے۔ میں پیشے کے لحاظ سے فیشن ڈیزائنر ہوں اور معاوضے کے طور پر غریب شوہروں کی بد دعائیں لیتا ہوں۔ اضافی وقت میں گرافکس ڈیزائننگ کا کام بھی کر لیتا ہوں۔اور کبھی کبھی کچھ لکھ بھی لیتا ہوں۔ لیکن پھر بھی کہوں گا
عشق نے غالب نکما کر دیا
ہم اگر عشق نہ کرتے تو حکومت کرتے
دو مختلف شعراء کے فقرات جوڑنے پر ان کی روحوں سے معذرت لیکن مقصد اپنا خیالات کی وضاحت تھا۔
ان کے مشاغل آپ نے بتانے سے منع کر دیا ہے سو ۔۔۔۔۔۔۔۔۔۔۔!

8- مستقبل کے عزائم؟ (اگر زیادہ خطرناک ہوں تو وضاحت سے بیان کریں۔)
مستقبل کے عزائم کچھ خطرناک ہیں لیکن وضاحت نہیں کر سکتا۔ بہر حال جہاں تک ہو سکا پڑھنے کا ارادہ ہے علم کو علم سمجھ کر حاصل کرنا چاہتا ہوں نا کہ ذریعہ روزگار۔

9- ہماری اردو سے تعارف کیسے ہوا ؟
شاکر شجاع آبادی کے دوہڑے ڈھونڈتا ڈھونڈتا یہاں تک آ پہنچا ساگراج صاحب کی کلیکشن کمال کی ہے۔ ان تک میرا سلام پہنچا دیجئے گا۔


اگر آپ پرچہ حل کرنا غیرضروری خیال کریں تو اس کی کوئی سی تین وجوہات بیان کریں۔
ن
پہلے تو یہی سوچا تھا کہ نہ حل کروں پر آپ کے اصرار نے مجبور کر دیا۔ کیوں کہ میں لکھنے سے بہت بھاگتا ہوں۔ ان تین وجوہات میں سے ایک یہ ہے کہ میں اپنے بارے میں‌کم ہی بات کرتا ہوں۔ دوسری وجہ یہ ہے کہ میں سمجھتا ہوں کہ یہاں اتنے اچھے لوگ ہیں مجھ جیسے بندے کا یہاں‌ کیا کام۔ اور تیسری وجہ کے لئے عرض ہے کہ

نقطہ وروں نے یہ سمجھایا
خاص بنو اور عام رہوں
محفل محفل صحبت رکھو
دنیا میں گمنام رہو

ہارون بھائی میرا خیال ہے اتنا مختصر سا تعارف کافی ہے۔ امید ہے بور ہوئے ہوں گے اور پچھتا رہے ہوں گے کہ میں کیوں تعارف کا کہہ بیٹھا۔ بہر حال آپ کا حکم تھا اس لئے تعمیل ضروری سمجھی۔
دعائوں میں یاد رکھئے گا۔
اللہ آپ سب کہ آسانیاں فراہم کرے اور دوسروں کے لئے آسانیاں پیدا کرنے کی توفیق دے۔ آمین
والسلام
احقر ، ملک بلال

 

جواب: ملک بلال کا تعارف

اسلام علیکم
ملک صاحب میں تو آپ کو الجبرا کی طرح سمجھا تھا مگر ماشاء اللہ آپ تو اردو ادب کی طرح‌ رواں دوں شخصیت ہیں آپ سے مل کر بہت خوشی ہوئی ، ملک وال نزد منڈی بہاؤالدین کا ایک چکر لگا چکا ہوں مڈھ رانجھا نامی قصبہ بہت پسند آیا تھا۔ اور ملک وال جاتے ہوئے دھماکہ پھاٹک بھی آیا تھا شاید مگر اس سے منصوب واقعہ بہت دل دکھانے والہ ہے

حضرت واصف علی واصف رحمت اللہ بہت اچھا لکھتے ہیں اور یہ اشفاق احمد اور دیگر مصنفین ان کے حضور دو زانو بیٹھے ہوتے تھے ان کے مزار شریف پر بھی حاضری دے چکا اور باتیں تو بہت ہیں مگر آپ کی بوریت سے ڈر لگتا ہے

ساگراج بھائی کو آپ کا سلام عرض کردیتا ہوں عنقریب آپ سے بات بھی ہوجائیگی آج کل میں‌ہی انشاء اللہ
والسلام
اپنا خیال رکھئے اور ہمارا بھی

 

جواب: ملک بلال کا تعارف

آپ سب لوگوں‌کا شکریہ۔ کوشش کروں گا حاضری ہوتی رہے۔ ہارون بھائی آپ نے سانحہ یاد دلا دیا بہت بڑا سانحہ تھا اور میں ہم لوگ اس وقت وہیں موجود تھے۔ اللہ تعالی ہم کو اپنی حفظ و امان میں رکھے۔ حضرت واصف کے مرقد پر حاضری دینے کی خواہش میرے دل میں‌بھی ہے دیکھیں کب ممکن ہوتا ہے۔ اور آپ نے الجبرے والی بات خوب کہی۔ اسی بات پر کچھ فقرے یاد آ گئے

خوابوں‌کی طرح تھا نہ خیالوں‌کی طرح تھا
وہ علم ریاضی کے سوالوں‌کی طرح تھا
الجھا ہوا ایسا کے کبھی حل نہ ہوا وہ
سلجھا ہوا ایسا کہ مثالوں‌کی طرح تھا

حسن رضا اور خوشی آپ لوگوں کا بھی شکریہ۔ باقی دوستوں کے تاثرات کا بھی انتظار رہے گا۔
والسلام

 

جواب: ملک بلال کا تعارف

اللہ کریم آپ کو کامیابی سے نوازیں‌

 

جواب: ملک بلال کا تعارف

اسلام علیکم
تفصیلی تعارف سے تو لگتا ہے کہ ہر فن مولا شخصیت ہیں بہت اچھا لگا آتے رہیں اور جیتے رہیں

 

جواب: ملک بلال کا تعارف

اسلام وعلیکم
ملک انور بلال بھائی آپ کا تفصیلی تعارف پڑھ کر بہت اچھا لگا ۔ امید ہے آپ ہماری اردو پیاری اردو میں ایک خوبصورت اضافہ ہوں گے

 

جواب: ملک بلال کا تعارف

محترمہ شخصیت کے لفظ سے بہت بڑے انسان کا تخیل آتا ہے ذہن میں۔ میں تو ایک عام سا انسان ہوں۔

 

جواب: ملک بلال کا تعارف

زاہرا آپ کی یہ بات واقعی ٹھیک ہے کہ اصل مبارکباد کے حقدار ہارون بھائی ہیں

 

جواب: ملک بلال کا تعارف

اپنے تعارف کو میں اپنی پروفائل میں کیسے لگا سکتا ہوں ؟

 

جواب: ملک بلال کا تعارف

ٹالی کی لکڑ‌مجھ سے لے لیں

 

جواب: ملک بلال کا تعارف

آپ لڑکا ہوتیں تو آپ سے ایک سوال ضرور پوچھتا۔ بہر حال فریم کا کوئی ڈیزائن بھی دے دیں۔

 

جواب: ملک بلال کا تعارف

آپ نے کیا کلینک بند کر کے ٹال کھول لیا ہے ؟

 

جواب: ملک بلال کا تعارف

اگر وہ لڑکی اپنی بات کی وضاحت بھی کر دے تو مہربانی ہو گی۔ اپنے تے اتوں لنگ گئی اے :143:

 

جواب: ملک بلال کا تعارف

بلال بھائی ایسی سمجھدار باتیں ج بھائیوں کی سمجھ میں‌نہیں آسکتیں

 

جواب: ملک بلال کا تعارف

یہ یہاں بھی ج کا سلسلہ شروع ہو گیا۔ چ ح خ بھی ہے