ملت کے سپاہی تھے علمدار عمر(رض)تھے ۔۔ فیض احمد شعلہ

ملت کے سپاہی تھے علمدار عمر(رض)تھے
کفار عرب کے لےء تلوار عمر(رض) تھے

شیطاں بھی نہ آتا تھا کبھی سامنے ان کے
وہ مرد خدا، صاحب کردار عمر(رض) تھے

کعبے میں اذاں گونجی پڑھیں سب نے نمازیں
ہر خطرہء جاں کے لےء تیار عمر(رض )تھے

سرکارﷺ پہ ہی ختم نبوت جو نہ ہوتی
اس منصب اقدس کے بھی حقدار عمر(رض) تھے

اک رقعہء مولا سے ہوا نیل بھی جاری
کتنے ہی کمالات کا اظہار عمر (رض) تھے

دنیا میں ملی ان کو بھی جنت کی بشارت
کس درجہ فضائل سے ثمر بار عمر (رض)تھے

مکہ ہو فلسطین ہو یا قیصر و کسریٰ
ان خطوں کے بھی مالک و مختار عمر(رض)تھے

تھے وقف، دل و جان فقط دین کی خاطر
اور شوق شہادت سے بھی سر شار عمر(رض)تھے

شعلہ نہ سمجھ پاےء گا تو ان کی حقیقت
محبوب نبی، واقف اسرار عمر(رض) تھے
---
فیض احمد شعلہ​

 

سبحان اللہ جزاک اللہ

 

ماریہ