معراج میں کھلی ہے حقیقت حضور ص کی

عظمتِ معراج النبی (صلی اللہ علیہ وآلہ وسلم)

اسریٰ کے آئینے میں ہے مدحت حضور کی
اللہ نے د کھائی ہے عظمت حضور کی

نور و بشر ہیں پردہ ء ذاتِ محمدی
معراج میں کھلی ہے حقیقت حضور کی

پیچھے کھڑے ہیں صف میں سب انبیاء تمام
مانی ہے ہر نبی نے امامت حضو ر کی

اقصی ٰ میں‌ختمِ مرسل، امام الرُ سل ہوئے
ازل و ابد محیط رسالت حضور کی

جلتے ہیں جبرئیل کے پر جس مقام پر
ارفع ہے اس مقام سے رفعت حضور کی

قوسَین دے رہا ہے شہادت حضور کی
دو گام لا مکاں ہے مسافت حضور کی

عقل و خرد میں کیسے اوادنیٰ کا قرب ہو
اللہ ہی جانے، اللہ سے قربت حضور کی

محبوبِ کبریا کا تصرف تو دیکھیے
ہر گوشہء زمیں پہ حکومت حضور کی

ہر گوشہء زمیں کی حکومت پہ بس نہیں
کون و مکاں حضور کے جنت حضور کی

معراجِ مصطفیٰ کے صدقے میں‌اے رضا
ہم عاجزوں کو مل گئی نسبت حضور کی​

نعت گو: محمد نعیم رضا۔ (ہفتہ 19۔08۔2006)​

 

Re: عظمتِ معراج پر نعت

واہ! نعیم صاحب! بہت خوب!

 

Re: عظمتِ معراج پر نعت

الحمد للہ
نادیہ جی۔ آپ کا بہت شکریہ

 

Re: عظمتِ معراج پر نعت

ماشاء اللہ و سبحان اللہ
بہت اچھا کلام ہے نعیم صاحب

 

Re: عظمتِ معراج پر نعت

اللہ کا کرم ہے۔
بہرحال زاہرا جی آپ کا شکریہ