مظفر وارثی نہیں رہے

بہت سے معروف نعتیہ اور حمدیہ کلام کے خالق مظفر وارثی گزشتہ روز انتقال فرماگئے۔ ان کی عمر 77 سال تھی۔ انہوں نے 23 دسمبر 1933 کو میرٹھ مین جنم لیا۔ پیدائشی نام "محمد مظفر الدین احمد صدیقی" تھا۔ اسٹیٹ بنک میں بطور آفیسر جاب کی ۔ انہوں نے 20 کے قریب کتابوں تصنیف کیں۔ اور نعتیہ اور حمدیہ کلام میں نئی جدت کی بنیاد رکھی۔ سادہ الفاظ ، مختصر فقرات ، اور عشق و ادب کی انتہا ان کے کلام کا خاصا رہی ہے۔ انہوں نے فلمی گیت اور غزلیں بھی لکھیں۔ غزلوں میں ان کا تخیل بھی دوسرے شعراء سے ہٹ کر تھا۔ لیکن ان کی اصل وجہ شہرت نعتیہ اور حمدیہ کلام تھا۔ "اے خدا ، اے خدا" ، "میرا پیمبر عظیم تر ہے" اور "کوئی تو ہے جو نظامِ ہستی چلا رہا ہے ، وہی خدا ہے" جیسے دل کو چھو لینے والے کلام اس کی ایک مثال ہیں۔ وہ خود بھی صاحبِ طرز شاعر تھے اور اپنا کلام خوب پڑھتے تھے۔ ان کی ادبی خدمات کے اعتراف میں انہیں پرائڈ آف پرفارمنس کے ایوارڈ سے بھی نوازا گیا۔ ان کی غزل گوئی کو اکثر نظر انداز کیا جاتا رہا۔ دوسرے شعراء نے ان کو کبھی اتنا نہیں سراہا۔ اس وجہ سے وہ بطور غزل گو شاعر زیادہ نہیں پہچانے گیے۔ حالانکہ ان کی کہی ہوئی غزلوں عقل دانش کے کئی نیے در کھلتے نظر آتے ہیں۔ لتا جی نے ان کی ایک غزل بہت عمدہ گائی ہے۔ جو میری پسندیدہ ترین غزلوں‌میں سے ایک ہے۔ غزیل دیکھیے اور شاعر کے تخیل کی داد دیجیے ۔ وہ رعشہ کے مرض میں مبتلا تھے۔ اور 28 جنوری 2011 کو لاہور میں انتقال فرما گئے۔ اللہ تعالی سے دعا ہے کہ اپنے محبوب صلی اللہ علیہ و آلہ وسلم کی مدح سرائی کے صدقے جنت میں بھی ان کو حضور صلی اللہ وسلم کا ساتھ نصیب فرمائے۔ مجھے یقین ہے جب قبر میں ان سے آپ صلی اللہ علیہ و آلہ وسلم کے بارے میں پوچھا جاے گا تو وہاں بھی وہ نعت ہی سنایں گے اور اپنے نامہ اعمال کے طور پر بھی اپنی نعتیہ کلام ہی پیش کریں گے۔ اللہ تعالی مرحوم کے درجات بلند فرماے ان کی مغفرت فرماے اور ان کے لواحقین کو صبرِ جمیل عطا فرمائے۔

ان کی ایک غزل

میری تصویر میں رنگ اور کسی کا تو نہیں
گھیر لیں مجھ کو سب آنکھیں ، میں تماشا تو نہیں


زندگی تجھ سے ہر اک سانس پہ سمجھوتا کروں
شوق جینے کا ہے مجھ کو ، مگر اتنا تو نہیں


روح کو درد ملا ، درد کو آنکھیں نہ ملیں
تجھ کو محسوس کیا ہے ، تجھے دیکھا تو نہیں


سوچتے سوچتے دل ڈوبنےلگتا ہے مرا
ذہن کی تہ میں مظفر کوئی دریا تو نہیں


مظفر وارثی​

 

جواب: مظفر وارثی نہیں رہے

ان للہ وان الیہ راجعون
اللہ کریم مرحوم کی مغفرت فرمائیں

 

جواب: مظفر وارثی نہیں رہے

اللہ تعالیٰ مرحوم کو اپنے جوار رحمت میں جگہ دے۔ ان ہی کا ایک شعر ہے۔۔۔

حضور آئیں اگر میری لحد میں
زمیں سے قیمتِ افلاک لوں گا

 

جواب: مظفر وارثی نہیں رہے

ان للہ وان الیہ راجعون
اللہ کریم مرحوم کی مغفرت فرمائے۔آمین

 

جواب: مظفر وارثی نہیں رہے

شکریہ ملک بلال صاحب ! "اے خدا ، اے خدا" ، "میرا پیمبر عظیم تر ہے" اور "کوئی تو ہے جو نظامِ ہستی چلا رہا ہے ، وہی خدا ہے" جیسے دل کو چھو لینے والے کلام ان کے اللہ اور عشق رسول صلی اللہ علیہ وسلم سے قلب محبت کی کی غمازی کرتے ہیں ۔