مشکل الفاظ اور اس کے معنی حروف تہیجی کی ترتیب سے

اس گیم میں سیکھنے سکھانے کا عمل جاری رہےگا
ا ب پ ت کی ترتیب سے ایک اردو کا ایک مشکل لفظ لکھیں گے
نیز اس کے معنی اور تفصیل بھی لکھیں گے
تاکہ جن کو علم نہ ہو ان کو بھی اردو کے اس لفظ کے معنی سمجھ آجائیں

پہلا لفظ میں لکھتی ہوں

ازل

ازل کے معنی جو شروع سے ہو یعنی وہ مدت یا زمانہ جس کی ابتدا نہ ہو

 

باطن

انسان کی ایسی صفت جو بظاہر نظر نہیں آتی مگر میل ملاپ سے واقفیت ہوجاتی ہے۔
کہتے ہیں انسان کی ظاہری شکل کیسی بھی ہو، اتنا معنی نہیں رکھتی جس قدر انسان کا باطن اچھا ہونا ہے۔

 

تقا

تقا کے معنی ہیں بُرائی سے بچنا یعنی اللہ سے ڈرنا اور خلافِ شرح جوش اور جذبے کو قابو میں رکھنا

 

ماشاءاللہ بہت خوب

 

بہت بہت شکریہ

 

ٹھیا

ٹھیا کے معنی ہیں دوکاندار کے بیٹھنے کی جگہ اکثر دوکاندار ٹیلا بناتے ہیں یا گدی ہوتی ہے جہاں بیٹھتے ہیں یا مٹی کی برجی ہوتی ہے

 

ثیبہ

ثیبہ کے معنی وہ عورت جو کنواری نہ ہو جیسے کوئی عورت شادی کے بعد خاوند سے جدا ہو جائے یعنی وہ عورت جو باکرہ نہ ہو

 

عروبہ

خاوند سے پیار کرنے والی خاتون،پیار کرنے والی،محبت کرنے والی

 

بہت عمدہ
ترتیب کا بھی خیال رکھیئے بھائی

 

جازح

جازح کے معنی ہیں تحفہ دینے والا

 

چقماق (وہ پتھر جس کو رگڑنے سے چنگاری پیدا ہوتی ،چولہا جلانے کا قدیم ذریعہ)

 

حمائد

حمائد کے معنی ہیں قابل تعريف, قابل مدح, قابل سراہیت. لائق ستائش، پرشنسنیی اعمال یا طرز عمل , مفيد, صحت بخش اور حمیدت کی جمع بھی ہے

 

خمیر

زردی مائل جھاگ دار اور چپچپا مادہ جو سماروغی خلیوں پر مشتمل ہوتا ہے یہ خلیے شکرینی مائعات یا نشاستہ کی موجودگی میں پیدا ہوتے اور بڑھتے ہیں۔ گیہوں کے آٹے کے پھولنے اور سرکہ اور دہی وغیرہ میں ترشی پیدا ہونے کی بھی یہی وجہ ہے۔

"اس عمل کے دوران خامرے یا اینزائیم بطور نامیاتی عمل انگیز حصہ لیتے ہیں جو قدرتی طور پر خمیر اور دیگر خورد بینی نامیوں میں پائے جاتے ہیں"

 

دقیق باتیں

دقیق باتیں کا مطلب ہے کہ مشکل اور اہم باتیں یا باریک یا اصطلاحی باریک اور ذرا سی مشکل کو کہتے ہیں

دقیقہ

دقیقہ کے معنی ہیں باریک نکتہ یا کوئی بہت چھوٹی چیز یا خفیف معاملہ کہتے ہیں گھنٹے کا ساٹھواں حصہ بھی دقیقہ کہلاتا ہے

 

باریک بینی

بہت احتیاط سے جائزہ لینا۔

 

ڈب

ڈب کے معنی ہیں دھاگا ... تہ بند کا اوپر کا حصہ ...... چمڑا جس کے بٹوے وغیرہ بنتے ہیں .....گردن کا پچھلا حِصّہ

 

ذراع

کہنی سے لے کر درمیانی انگلی کے سرے تک کا حصہ (ایک ہاتھ) شرعی گز۔

 

راکب

راکب کے معنی ہیں سوار جیسا کہ اونٹ گھوڑے یا کسی بھی سواری کا سوار چاہے جانور ہو یا جہاز کاسوار ہواس کے علاوہ کوئی ایسی شے جو کسی دوسری شے کے اوپر رکھی جائے اسے بھی راکب کہتے ہیں

 

زائِرِین

عربی زبان سے ماخوذ صفت 'زائر' کے ساتھ 'ین' بطور لاحقۂ جمع لگانے سے 'زائرین' بنا۔ اردو میں بطور صفت استعمال ہوتا ہے۔

زیارت کرنے والے، مسافر، سیاحت کرنے والے۔

 

سقا

سقا کا مطلب ہے پانی پلانے والا جسے آب پاش یا آب رساں یا آب کش بھی کہتے ہیں اور ایک قسم کا پرند جسے مرغ سقّا بھی کہتے ہیں پودوں کو پانی دینے والا بھی سقا ہے

 

ڑنگا

ڑنگا کے معنی بڑا وزنی گُھنگرو جو رتھ یا بیلی کے نیچے بندھا ہوتا ہے اور گاڑی کی حرکت سے ہلتا اور بجتا رہتا ہے جس سے راہ چلنے والے خبردار ہو کر گاڑی کے سامنے سے ہٹ جاتے ہیں

 

شرا

شرا کے معنی ہیں بیچنا اور اُردو میں بیع و شرا میں استعمال ہوتا ہے مہاسے جو بدن پر نکلیں اسے بھی شرا کہتے ہیں

 

صراحت

صراحت کے مترادفات آشکارا، تشریح، تصریح، صریح، ظاہر، ظہور، وضاحت

 

ضیا افروز

ضیا افروز کے معنی ہیں روشن کرنے والا

 

اس کا ایک معنی یہ بھی ہوسکتا ہے
زنیرہ عقیل

 

لیکن میں تو یہ محسوس کرتی ہوں کہ میرے آنے سے تاریکی ہو جاتی ہے

 

طال بقاہ

طال بقاہ کے معنی اس دعا کے ہیں کہ" عمر دراز ہو" اس کو طال (اللہ) عمرہ یعنی اللہ عمر دراز کرے بھی کہتے ہیں

 

ظواہر

ظواہر کے معنی ہیں باہر ہوجانا، ساگ پات ، سطحات مرتفع ، ظاہری شکلیں اس کے علاوہ وہ قریش جو مکہ کے باہر خیمہ زن ہوئے تھے

 

اتنی عاجزی بھی اچھی نہیں۔

 

یہ عاجزی تو نہیں