مرثیہ ( مولانا کوثر نیازی رحمۃ اللہ)

السلام علیکم
مرحوم جناب مولانا کوثر نیازی کا دلکش اور خوبصورت نعتیاں کلام تو اکثر پڑھنے اور سننے کو ملتا رہتا ہے آج میں آپ سب کی خدمت میں مولانا صاحب کا ایک خوبصورت مرثیہ پیش کررہا ہوں ۔​

​

( مرثیہ )
دل و دماغ میں مہر و وفا کے افسانے
تصورات میں روشن فضائے بدر و حُنین​

خوشا یہ اوجِ مقدر، زہے یہ عز و شرف
مری زباں پہ جاری ہے آج ذکرِ حُسین​

​

نہ فکر سود و زیاں کی، نہ ذکرِ تیغ و تبر
حُسین ، راہِ خدا میں تری یہ بے تابی​

بہار گلشنِ اسلام میں پلٹ آئی
کہ تیرے خون سے قائم ہے اس کی شادابی​

​

کہیں بھی اہلِ محبت کی تشنگی نہ بجھی
فرات و نیل کے ساحل سے تا بہ گنگ و جمن​

برائے لالہ و گل اجنبی ہے فصلِ بہار
خزاں کے دستِ تصرف میں آگیا ہے چمن​

​

ہر ایک سمت میں عفریت ظلم کے رقصاں
خدا کے دین کا حلقوم ہے تہِ شمشیر​

نئے یزید ، نئی کربلا ہوئی پیدا
زمانہ ڈھونڈ رہا ہے کوئی نیا شبّیر​

( مولانا کوثر نیازی )​