مرا معبود مجھ پر مہرباں ہے ۔ بلال رشید

مرا معبود مجھ پر مہرباں ہے
سخن اس واسطے میرا رواں ہے
عیاں مخلوق میں ہے اس کا جلوہ
اگر چہ رب اکبر لا مکاں ہے
اسے کہنا ہے وہ قلب حزیں میں
جو پوچھے کوئی تم سے رب کہاں ہے
رسول و انبیا ہوں یا صحابہ
اسی کی ہر زباں پر داستاں ہے
کسے معلوم اس کا نور ہے کیا
وہ جس کا ایک جلوہ کہکشاں ہے
ہے اس کی رفعتوں کا ایک مظہر
یہ تاروں سے بھرا جو آسماں ہے
پڑھیں ہم ہرگھڑی اس کے ترانے
ملی اس واسطے ہم کو زباں ہے
نشاں بکھرئے ہیں اس کے چار جانب
کہوں میں کس طرح وہ بے نشاں ہے
وہی ہے کوثر و تسنیم کا رب
اسی کے ہاتھ میں باغ جناں ہے
ثنا کرتے ہوئے اس لم یزل کی
سمندر جانب منزل رواں ہے
توانا کر بلال حق نوا کو
ترا بندہ بہت یہ ناتواں ہے
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین