مرا بنا ہے دوست جو حسین ہے جوان ہے---برائے اصلاح

شکیل احمد خان
@محمّد سعید سعدی
-------------
مرا بنا ہے دوست جو حسین ہے جوان ہے
وہ دیکھتا ہے پیار سے ، مری طرف ملان ہے
---------
کسی سے عشق ہو گیا ، اسی کا ہو کے جی لیا
اسے بھی مجھ سے پیار تھا یہی مرا گمان ہے
--------------
اسی نے مجھ کو پیار سے ، بُرا بھلا کہا مگر
سدا مرا بنا رہا ، یہی تو اس کی شان ہے
--------------
کمی مری وفا میں کچھ ، بتا سکا نہ وہ کبھی
مری خطا نہیں اگر ، تو کیوں وہ بد گمان ہے
-----------
وہ ہم سفر ملا مجھے جو جانتا ہے راستے
اہم یہ سب سے بات ہے ، وہ میرا ہم زبان ہے
-------------
اسے بھی مجھ سے عشق ہے ،کہا یہ میرے کان میں
مری نہیں ہے بات یہ ، اسی کا یہ بیان ہے
----------یا
رہے گا میرے ساتھ ہی ، اسی کا یہ بیان ہے
----------
کما کے لا رہا ہوں میں ، اسی کی عیش کے لئے
یہ بات میں نے مان لی یہ عشق میں لگان ہے
--------------
وفا مجھے نہ مل سکی یوں زندگی گزار دی
اسی لئے تو دل مرا جہاں سے بد گمان ہے

 

آپ نے ملان کہا۔۔۔۔۔۔۔ممکن ہے ٹائپنگ کی لغزش ہو مگر یہ ۔۔۔۔۔۔۔۔۔۔۔لفظ میلان ہے جس کامطلب رجحان، رغبت، طبیعت کا غالب رنگ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔طبیعت کا خصوصی رُخ،میلانِ طبع۔۔۔۔۔۔۔۔مفہوم کہ جس میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آپ نے برتا دُرست مگر اِملا کہ جو دکھائی دیا بہرحال غلط۔۔۔۔۔۔
بنا ہے دوست جو نیا وہ میرا ہم زبان ہے
ہے عندلیبِ گلستاں ،ہزار داستان ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہزار داستان کا مطلب خوش کلام ، خوش بیان ،خوش گفتار۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔http://udb.gov.pk/result_details.php?word=232511
یا ۔۔۔۔۔
وہ بلبلِ عزیزِ جاں ہزار داستان ہے

 

کسی نے دیکھا پیار سے تو اُس کے نام کردیا
یہ دل جو حسن و عشق کا حسین سائبان ہے

 

وہ ،جس نے مجھ کو پیار میں کبھی بُرا بھی ہے کہا
تو میں نہ کچھ بھی کہہ سکا کہ عشق بے زبان ہے
۔۔۔۔۔یا
وہ ،،جس نے مجھ کو پیار میں برا بھی ہے کہا اگر
تو میں نہ کچھ بھی کہہ سکا کہ عشق بے زبان ہے

 

کمی ۔مری وفاؤں میں نہ وہ ،بتا سکا کبھی
تو پھر نگاہِ ناز کیوں مجھی سے بدگمان ہے

 

وہ ہم سفر ملا مجھے ۔،جو جانتا ہے راستے
مگر وفا کا راستہ جہاں میں بے نشان ہے
۔۔۔۔یا
پہ منزلِ وفا کی راہ جگ میں بے نشان ہے۔۔۔۔۔۔۔۔۔۔۔۔۔(پہ اصل میں پر کا مخفف ہے جس کامطلب مگر اور لیکن لیا جاتا رہا ہے
یہ منزلِ وفا کی راہ جگ میں بے نشان ہے۔۔۔۔۔۔۔۔۔۔۔۔۔میر تقی میر کا شعر:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حمیت اس کے تئیں کہتے ہیں جو میرؔ میں تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گیا جہاں سے۔ پہ ۔تیری۔ گلی ۔میں آ ، نہ رہا
مطلب: غیرت،شرم اور حیا وہ ہے جو میرؔ۔میں دیکھی کہ دنیا سے چلا گیا مگر محبوب کی گلی میں آکر بس جانا گوارہ نہ کیا۔۔۔
اس لفظ ۔۔پہ۔۔کا استعمال مگر اور لیکن کے معنوں میں اب خال خال ہی دیکھنے میں آتا ہے ۔شاید اِن معنوں میں اِسے متروک
کردیا گیا ہے لیکن پر کے معنوں میں جس کا مطلب اوپر ہے یہ اب بھی رائج ہے جیسے اُس پہ مجھے یاد آیا، دامن پہ کوئی چھینٹ نہ خنجر پہ کوئی داغ،
لب پہ کانٹوں کے ہے فریاد و بکا میرے بعد، آنکھیں ہیں اس کی راہ پہ جوں نقشِ پا ہزاروغیرہ وغیرہ ۔۔۔۔۔۔۔۔۔۔۔۔۔۔۔۔۔۔۔واللہ اعلم
وہ ،ہم ،سفر ،ملا ،مجھے ،جو جانتا ہے راستے
پہ منزلِ وفا کی راہ جگ میں بے نشان ہے

 

مجھے بھی تم سے عشق ہے یہ اُس نے تو نہیں کہا
مگر ۔یہ حالِ دل۔ مرا ۔اسی ۔کا۔ ترجمان ۔ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دل کو دل سے راہ ہوتی ہے ۔۔آپ نے یہ مثل ضرور سنی اور پڑھی ہوگی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یعنی اگر دودلوں میں محبت ہو تو وہ ایک دوسرے کی بات خوب سمجھتے ہیں اور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔زیادہ تشریح ،وضاحت اور صراحت کی ضرورت باقی نہیں رہتی۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یا آپ نے فلم ’’دل تیرا دیوانہ‘‘کا یہ نغمہ جو شیلندر نےلکھا،لتا اور رفیع نے گایا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اورشنکر جے کشن نے اِسے کمپوز کیا تھاشاید سنا ہو۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔لڑکے نے (گاتے ہوئے)لڑکی سے کہا:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مجھے کتنا پیار ہے تم سے اپنے ہی دل سے پوچھوتم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جسےدل دیا ہے وہ تم ہو میری زندگی تمھاری ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اور جواب میں لڑکی (لتا)نے یہی بول مِن و عَن دہرادئیے۔۔۔۔۔۔۔۔۔۔

 

ہوا و حرص سے بچا کے لا رہا ہوں خود کو میں
جزائے عشق۔ تو سمجھ۔ متاعِ نقدِ جان ہے

۔۔۔۔۔یا
جزائے عشق اب یہی متاعِ نقدِ جان ہے

 

وفا ۔مجھے۔ نہ مل۔ سکی اسی میں عمر کٹ گئی
نگل گئی اسے زمیں یا کھا گیا جہان ہے

 

بہت خوب میرے بھائی خاں صاحب