مدینہ شہرِ دلنشیں ہے نُور بار، مُشکبو ۔۔ مقصود علی شاہ

مدینہ شہرِ دلنشیں ہے نُور بار، مُشکبو
وہ بام و در ہیں ضَو فشاں، وہ رہگُزار مُشکبو

عجیب کیف بار ہے ہر ایک ساعتِ کرم
تمام رات گُلبدن ہے، انتظار مُشکبو

کریم تیری نعت نے بھرم رکھا ہے نُطق کا
سخن کے آس پاس ہے کوئی حصار مُشکبو

جہان بھر نے اوڑھ لی ہوئی قبائے حبس ہے
مگر جہاں پہ آپ ہیں، وہ اِک دیار مُشکبو

بیانِ حُسن سے ورا ہے شہرِ نور کی پھبن
تمھارا دشت گُل بہ کف ہے، خار خار مُشکبو

فروغِ عظمت و کمال ہیں تمھارے روز و شب
ہے لیل رشکِ ماہتاب اور نہار مُشکبو

تمھارے خوانِ خیر پر ہیں بے کسوں کی رونقیں
تمھارے در سے ہو رہے ہیں بار بار مُشکبو

نظر میں تاب گو نہیں، زباں پہ ہے شکستگی
اُتر رہا ہے روح میں مگر قرار مُشکبو

فسادِ خَلق سے ہر اِک گُلِ طلب بکھر گیا
جو تیری زُلف سے سجی ہے وہ بہار، مُشکبو

عنایتوں نے بھر دیے ہیں بے بسی میں رنگِ نو
شفاعتوں سے ہو گئے گُناہ گار مُشکبو

ابھی سے مِل رہا ہے لمسِ باریابئ کرم
ہے مقتضا سے پہلے گردِ راہِ یار مُشکبو
-----
مقصود علی شاہ
Maqsood Ali Shah


​

 

مدینہ شہرِ دلنشیں ہے نُور بار، مُشکبو
وہ بام و در ہیں ضَو فشاں، وہ رہگُزار مُشکبو​

 

عجیب کیف بار ہے ہر ایک ساعتِ کرم
تمام رات گُلبدن ہے، انتظار مُشکبو​

 

کریم تیری نعت نے بھرم رکھا ہے نُطق کا
سخن کے آس پاس ہے کوئی حصار مُشکبو​

 

جہان بھر نے اوڑھ لی ہوئی قبائے حبس ہے
مگر جہاں پہ آپ ہیں، وہ اِک دیار مُشکبو​

 

بیانِ حُسن سے ورا ہے شہرِ نور کی پھبن
تمھارا دشت گُل بہ کف ہے، خار خار مُشکبو​

 

تمھارے خوانِ خیر پر ہیں بے کسوں کی رونقیں
تمھارے در سے ہو رہے ہیں بار بار مُشکبو​

 

نظر میں تاب گو نہیں، زباں پہ ہے شکستگی
اُتر رہا ہے روح میں مگر قرار مُشکبو​

 

عنایتوں نے بھر دیے ہیں بے بسی میں رنگِ نو
شفاعتوں سے ہو گئے گُناہ گار مُشکبو​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین