مدینہ شریف کی حاضری کی یاد میں

السلام علیکم۔ بحمداللہ تعالی 15مئی کو درِ رسول اکرم کی حاضری کی سعادت سے واپس لوٹا ۔ تو مدینہ طیبہ کی بہاروں کی یاد دل و دماغ پر چھائی رہی۔اسی کیفیت میں اگلی رات یعنی 16 مئی کی رات کچھ اشعار ترتیب پاگئے ۔ جو اہلِ دل کے پیشِ خدمت ہیں۔

واہ کیادن تھےکہ مسکن تھامدینہ اپنا
لبِ ساحل نظر آتا تھا سفینہ اپنا

کیف ومستی کی تھی سرشاری مِری روح تلک
اَوجِِ قسمت پہ تھا پہنچا ہوا جینا اپنا

دَم بخود سی تھی ہوا، اور مئودب سی فضا
با ادب کر لیا ہر شئے نے قرینہ اپنا

دھوپ ٹھنڈی تھی فضائیں بھی تھیں مہکی مہکی
میوے جنت کے تھے ۔۔ زم زم کا تھا پینا اپنا

جوق در جوق تھے عُشاق مواجہ میں کھڑے
قُربِِ محبوب (ص) سے ٹھنڈا کیے سینہ اپنا

مَس ہوا جب سے مدینے کی ہواؤ ں سے بدن
مُشک وکافور سا لگتا ہے پسینہ اپنا

آرزو ایک ہے بس قلبِ رضا میں ہردَم
مجھ کو فرما دیں کہ"یہ سگ ہے کمینہ اپنا"

محمد نعیم رضا ۔ 2011-05-16 بروز پیر​

 

جواب: مدینہ شریف کی حاضری کی یاد میں

اوپر والی نعت ہی کی تضمین پر چند دن بعد 19مئی 2011 کو مدینہ طیبہ کی حاضری کی یاد میں کچھ اور اشعار ترتیب پائے جن کا ردیف و وزن تو پہلی نعت جیسا ہے۔ البتہ قافیہ قدرے مختلف ہے۔

اللھم صل علی سیدنا ومولانا محمد وعلی آلہ وصحبہ وبارک وسلم

وقت بیتا ہے یوں طیبہ میں سہانا اپنا
اب نہ بھولے گا مدینے میں زمانہ اپنا

مسجدِ نبوی کی رس گھولتی کانوں میں اذاں
گنبدِ خضریٰ کا سایہ تھا ٹھکانہ اپنا

ہمنوا بن گئے قُدسی بھی ہمارے اکثر
بن گیا صلِّ علیٰ جب بھی ترانہ اپنا

جسم تھا لرزہ کناں ، چشم تھی نمناک وہاں
بس خموشی سے ہی کہہ ڈالا فسانہ اپنا

جا بجا نقشِ کفِ پائے محمد کی تلاش
کیا عبادت تھی وہاں کیسا تھا سجدہ اپنا

اب یہی آس، یہی پیاس ، یہی حاصلِ جاں
پھر سے ہو آپ کے کوچے میں بچھونا اپنا

ہم پہ گذرا تھا رضا گویا نزع کا عالم
جب ہوا شہرِ مدینہ سے بچھڑنا اپنا

محمد نعیم رضا۔ جمعرات۔2011-05-19​

 

جواب: مدینہ شریف کی حاضری کی یاد میں

سبحان اللہ
[blink]
مجھے بلوئیگیں آقا صلی اللہ علیہ وسلم مدینہ ہم بھی دیکھیں گیں ۔ ان شاءاللہ[/blink]

 

جواب: مدینہ شریف کی حاضری کی یاد میں

ہارون بھائی ۔ نور محمد بھائی اور تانیہ بہنا۔ آپ کے اظہارِ پسندیدگی کا شکریہ ۔
دعاؤں میں ہمیشہ یاد رکھنے کی التماس ہے۔

 

جواب: مدینہ شریف کی حاضری کی یاد میں

سبحان اللہ
دعا ہے اللہ ہم سب کو مدینہ شریف کی حاضری نصیب فرمائیں

 

جواب: مدینہ شریف کی حاضری کی یاد میں

ماشا اللہ بہت خوب۔۔۔

 

جواب: مدینہ شریف کی حاضری کی یاد میں

السلام علیکم۔ صدیقی بھائی اور محمود الحق بھائی ۔۔ اللہ تعالی آپکے نیک جذبات و میرے حق میں دعا بنا کر قبول فرما لے۔اور آپ دونوں کو اس سے بہتر اجر عطا فرمائے۔
اللہ کرے ہم سب کو اس پاک محبت کا فی الواقعی چند قطرے نصیب ہوجائیں۔ آمین

 

جواب: مدینہ شریف کی حاضری کی یاد میں

میری بلکہ سب کُل مومنین کی یہی دعا ہے اللہ ہم سب کو اپنے در پر بلانے کی اور روضہ رسول پر جانے کی سعادت نصیب فرمائے۔
آمین
​

 

جواب: مدینہ شریف کی حاضری کی یاد میں

آمین ثم آمین فیصل بھائی ۔ جزاک اللہ خیر

 

جواب: مدینہ شریف کی حاضری کی یاد میں

آمین۔جزاک اللہ خیر

 

جواب: مدینہ شریف کی حاضری کی یاد میں

شکریہ فرحان اندلسی بھائی ۔ اللہ پاک آپکو بھی جزائے خیر دے۔ آمین