مددِ احمدِمختار بہت کافی ہے (حافظ مظہر الدین مظہر)

گفتگوئے شہ ابرار بہت کافی ہے
ہو محبت تو یہ گفتار بہت کافی ہے
یادِ محبوب میں جو گزرے وہ لمحہ ہے بہت
اس قدر عالم انوار نہت کافی ہے
مدح سرکار میں یہ کیف، یہ مستی ،یہ سرور
میری کیفیتِ سرشاربہت کافی ہے
للہ الحمد کہ ہم سوختہ جانوں کیلیے
شاہ کا سایہ دیوار بہت کافی ہے
کاش اک اشک بھی ہو جائے قبولِ شہ دیں
ایک بھی گوھرِ شہوار بہت کافی ہے
نصرتِ اہل ہمم کی نہیں حاجت مجھ کو
مددِ احمدِمختار بہت کافی ہے
بے ادب ! دیکھ نہ یوں روضے کی جالی سے لپٹ
کم نظر! بوسہ دیوار بہت کافی ہے
روبرو رہتے ہیں انوارِ مدینہ مظہر
حسرتِ جلوہ دیدار بہت کافی ہے

 

Re: حافظ مظہر الدین مظہر

میں خستہ دل کہاں درِ خیرا لبشر کہاں
<center>پہنچی ہے اضطراب میں میری نظر کہاں</center>
قاصد کہاں سفیر کہاں نامہ بر کہاں
<center>لیکن وہ میرے حال سے ہیں بے خبر کہاں</center>
آسودہِ جمال ہے میری نظر کہاں
<center>دیکھی ہے میں نے طیبہ کی شام و سحر کہاں</center>
میر عرب! عجم میں سکونِ نظر کہاں
<center>یہ تو میرے فراق کی منزل ہے گھر کہاں</center>
دل ہے کہاں خیال کہاں ہے نظر کہاں
<center>دیوانہِ رسول کو اتنی خبر کہاں</center>
اہلِ خرد ہیں میرے شریکِ سفر کہاں
<center>یہ راہِ مصطفی ہے یہاں حیلہ گر کہاں</center>
اب اہلِ دل کہاں کوئی اہلِ نظر کہاں
<center>لے جاوں اب میں اپنی متاعِ ہنر کہاں</center>
آقا نظر کہ عشق کا خانہ خراب ہے
<center>اب سوزِ دل کہاں ہے گدازِ جگر کہاں</center>
معراج ہے نصیب کہاں میرے عشق کو
<center>ہے ان کے آستان پہ ابھی میرا سر کہاں</center>
طیبہ پہنچ کے ہم بھی سنیں گے صدائے دل
<center>دل نغمہ بار ہوگا سرِ رہگذر کہاں</center>
وارفتگی میں شوقِ زیارت تو ہے مگر
<center>شائستہِ جمال ہے میری نظر کہاں</center>
اے کم سواد! عشق ترا ناتمام ہے
<center>اے دل! ہے دور روضہ خیرا لبشر کہاں</center>
اے دستگیر دستِ کرم کو دراز کر
<center>یوں ہوگی میری عمر محبت بسر کہاں</center>
یہ وقت مانگنے کا ہے دستِ طلب اٹھا
<center>ناداں ہے بند بابِ قبول و اثر کہاں</center>
کیف آفریں ہے ہجر بھی ان کا وصال بھی
<center>یہ کلفتیں گراں ہیں مرے ذوق پر کہاں</center>
ہیں بے پناہ وسعتیں عشقِ رسول کی
<center>میرا جہاں حلقہ شام و سحر کہاں</center>
میرے لیے ہے مدینے کا در کھلا ہوا
<center>ہے ناقبول میری دعائے سحر کہاں</center>
میں عازمِ حرم تجھے آوارگی نصیب
<center>تو میرا ساتھ دئے گی نسیمِ سحر کہاں</center>
ہر لمحہ جاں نواز ہے راہِ رسول کا
<center>عشقِ نبی میں ہو تو سفر ہے سفر کہاں</center>
ہم نے سنا ہے قصہ طور و کلیم بھی
<center>شاہِ امم کی سیر کا عالم مگر کہاں</center>
اک بھید ہے حقیقتِ معراجِ مصطفی
<center>اسرارِ لامکاں کی کسی کو خبر کہاں</center>
چل دوں سوئے مدینہ مگر پا شکستہ ہوں
<center>اڑ جاوں سوئے طیبہ مگر بال و پر کہاں</center>
شمس و قمر تو کعبہِ قلب ونظر نہیں
<center>ذرے ہیں ان کی راہ کے شمس و قمر کہاں</center>
پیشِ حضور درد کا اظہار کر سکوں
<center>میرا یہ دل کہاں ہے یہ میرا جگر کہاں</center>
شہرِ نبی میں بکھرے مضامین پڑھ سکوں
<center>اتنا بلند میرا مذاقِ سخن کہاں</center>
ان کا جمال غیرتِ صد جبرئیل ہے
<center>ان کا جمال مثلِ جمالِ بشر کہاں</center>
گبھرا نہ میری نظمِ مرصع ہے گر طویل
<center>افسانہ ان کے حسن کا ہے مختصر کہاں</center>
رنگِ غزل بھی ہے مرے اس رنگِ نعت میں
<center>محدود ہے جمالِ شہ بحر و بر کہاں</center>
مظہر یہ نعتِ خواجہ عالم کا فیض ہے
<center>ورنہ مرے کلام میں تھا یہ اثر کہاں</center>

 

Re: حافظ مظہر الدین مظہر

مشہور شد بہ نعتِ محمد کلام ما
<center>“ثبت است بر جریدہ عالم دوام ما“</center>
در خادمانِ سرورِ دین است نامِ ما
<center>فرض است بر شہانِ زماں احترامِ ما</center>
ائے نورِ حق ، تجلی ماہِ تمامِ ما
<center>بنگر ہجومِ تیرگی صبح و شامِ ما</center>
باد صباست قاصدِ رنگیں خرامِ ما
<center>ہر لحظہ می برد بہ مدینہ سلامِ ما</center>
ما زیں مقامِ عشق و محبت بہ حالتیم
<center>شد در سگانِ آلِ محمد مقامِ ما</center>
یک جلوہ زیبت تو بیت الحرام ہست
<center>یک پر توِ تو ہستی ما و قیامِ ما</center>
جز عشقِ نورِ ذات کسے نیست در جہاں
<center>مقصودِ ما و منزلِ ما و امامِ ما</center>
امروز روح حافظِ شیراز مست شد
<center>امروز لذتے است عجب در کلامِ ما</center>
مظہر سکوں طلب ز درِ سید الوجود
<center>ایں است بابِ رحمت و باب السلامِ ما</center>

 

Re: حافظ مظہر الدین مظہر

والیل تھیں زلفیں ، رخِ شہ ماہ مبیں تھا
<center>اللہ غنی میرا نبی کتنا حسیں تھا</center>
جب ماہ و کواکب تھے ، نہ فرشِ زمیں تھا
<center>اس وقت بھی وہ نورِ مبیں ، نورِ مبیں تھا</center>
تسلیم کہ کعبے کا ہر اک نقش حسیں تھا
<center>جب تک وہ نہ آئے تھے یہ عالم بھی نہیں تھا</center>
حائل کوئی پردہ شب معراج نہیں تھا
<center>بندہ حرمِ ناز میں مولا کے قریں تھا</center>
یہ طرفہ تماشا بھی سر عرش بریں تھا
<center>وہ طالب دیدار تھا جو پردہ نشیں تھا</center>
میں ہی درِ دُربار پہ خورسند نہیں تھا
<center>جو حاضرِ دربار تھا ، فرخندہ جبیں تھا</center>
نظروں میں تجلائے رخِ سرور دیں تھا
<center>میں جلوہ در آغوش دمِ باز پسیں تھا</center>
اک روز میں افلاس کے عالم میں حزیں تھا
<center>دیکھا تو ہر اک شعر مرا لعل و نگیں تھا</center>
ہنگامِ حضوری ادب و شوق بہم تھے
<center>طیبہ میں کوئی ہوش سے بیگانہ نہیں تھا</center>
بول اٹھے تھے بوجہل کے مٹھی میں بھی کنکر
<center>یہ واقعہ اعجازِ لبِ سرورِ دیں تھا</center>
گو بدر کے میداں میں تھے بے سروساماں
<center>سرکار کو اللہ کی نصرت پہ یقیں تھا</center>
اے اہل حرم کوئی دعا میرے لیے بھی
<center>میں بھی کبھی آزادِ غمِ دھر یہیں تھا</center>
ہر سمت مدینے میں تھے انوار فروزاں
<center>ہر ذرہ مدینے کا درخشندہ نگیں تھا</center>
ایک ایک نفس مژدہ تھا طیبہ کے سفر میں
<center>ایک ایک قدم منزل معراجِ یقیں تھا</center>
کعبے کو بھی دیکھا تھا بڑے غور سے میں نے
<center>کعبہ بھی مرے شاہ کے جلووں کا امیں تھا</center>
قرآن کا مفہوم ہویدا تھا نبی پر
<center>جبریل تو بس حامل قرآن مبیں تھا</center>
اب بھی مجھے سرکار کی رحمت پہ یقیں ہے
<center>کل بھی مجھے سرکار کی رحمت پہ یقیں تھا</center>
مظہر کہ ہے نعتِ شہ ذی جاہ سے مشہور
<center>اک مردِ کم آمیز تھا ، اک گوشہ نشیں تھا</center>

 

Re: حافظ مظہر الدین مظہر

تری نگاہ سے ذرے بھی مہر وماہ بنے
<center>گدائے بے سروساماں جہان‌ پناہ بنے</center>
رہ مدینہ میں‌قدسی بھی ہیں جبیں فرسا
<center>یہ آرزو ہے مری جاں بھی خاکِ راہ بنے</center>
زمانہ وجد کناں اب بھی ان کے طواف میں ہے
<center>جو کوہ و دشت کبھی تیری جلوہ گاہ بنے</center>
حضور ہی کے کرم نے مجھے تسلی دی
<center>حضور ہی مرے غم میں مری پناہ بنے</center>
ترا غریب بھی شایانِ یک نوازش ہو
<center>ترا فقیر بھی اک روز کجکلاہ بنے</center>
جہاں جہاں سے وہ گذرے جہاں جہاں ٹھہرے
<center>وہی مقام محبت کی جلوہ گاہ بنے</center>
کریم! یہ بھی تری شانِ دلنوازی ہے
[<center>کہ ہجر میں مرے جذبات اشک و آہ بنے</center>
وہ حسن دے جو تری طلعتوں کا مظہر ہو
<center>وہ نور دے جو فروغِ دل و نگاہ بنے</center>

 

جس جگہ احمد مختار کا نام آتا ہے

جس جگہ احمد مختار کا نام آتا ہے

وہیں جبریلِ امیں لے کے سلام آتا ہے​

عشق خواجہ میں اک ایسا بھی مقام آتا ہے

دل دھڑکتا ہے تو رحمت کا پیام آتا ہے​

دلِ بیتاب ! ٹھہر اے دل بیتاب ! ٹھہر

باادب باش کہ طیبہ کا مقام آتا ہے​

دیکھیے رحمتِ کونین نوازیں کیسے

بن کے محتاجِ کرم شوقِ تمام آتا ہے​

روح دھل جاتی ہے روتا ہوں جو یادِ شہ میں

اشک جو آنکھ سے گرتا ہے وہ کام آتا ہے​

بعثتِ خواجہ ہوئی بعد رسولانِ کرام

صفیں ہوجائیں مکمل تو امام آتا ہے​

اے دل! اب وقت ہے پیری کا مدینے پہنچیں

آشیانے میں پرندہ سرِ شام آتا ہے​

رومی و جامی و سعدی ہی پہ نہیں موقوف

ان کے مداحوں میں مظہر کا بھی نام آتا ہے​

 

Re: حافظ مظہر الدین مظہر

اتنا اچھا کلام سب ساتھیوں تک پہنچانے پر آپ کا شکریہ