محسن نقوی صاحب کی شاعری ۔۔ پڑھیے اور شئیر کیجئے

بہت شکریہ خوشی پسندیدگی کا

 

بہت خوب ۔ ساگراج بھائی ۔ ایک بار پھر بہت سی ستائش اور شکریہ قبول کیجئے۔

 

بہت شکریہ نعیم بھائی

 

:a180: :a180:

 

واہ ساگراج جی بہت خوب
:a180:

 

ساگراج صاحب اور آزاد صاحب
آپ نے بہت اچھے کلام شئیر کیے ہیں۔ :mashallah:

 

سب دوستوں کا بہت شکریہ غزل پسند کرنے پر

 

کبھی جو عہدِ وفا میری جاں تیرے میرے درمیان ٹوٹے
میں چاہتا ہوں کہ اس سے پہلے زمیں پہ یہ آسمان ٹوٹے

تیری جدائی میں‌ حوصلوں کی شکست دل پر عذاب ٹھہری
کہ جیسے منہ زور زلزلوں کی دھمک سے کوئی چٹان ٹوٹے

اسے یقیں تھا کہ اس کو مرنا ہے پھر بھی خواہش تھی اس کے دل میں
کہ تیر چلنے سے پیشتر دستِ دشمناں میں کمان ٹوٹے

وہ سنگ ہے تو گرے بھی دل پر وہ آئینہ ہے تو چبھ ہی جائے
کہیں تو میرا یقین بکھرے کہیں‌ تو میرا گمان ٹوٹے

اجاڑ بن کی اداس رت میں غزل تو محسن نے چھیڑ دی ہے
کسے خبر ہے کہ کس کے معصوم دل پہ اب کہ یہ تان ٹوٹے​

 

واہ ساگراج جی بہت خوب

:a180: :a180: :a180: :a180: :a180:

 

واہ ساگراج بھائی ۔ واہ ۔
کیا خوب کلام ہے۔ بہت خوب۔

 

بہت خوب :happy:

 

پچھلے عشق کی باتیں

یہ پچھلے عشق کی باتیں ہیں
جب آنکھ میں‌خواب دمکتے تھے
جب دل میں داغ چمکتے تھے
جب پلکیں شہر کے رستوں میں
اشکوں کا نور لٹاتی تھیں
جب سانسیں اجلے چہروں کی
تن من میں‌پھول سجاتی تھیں
جب چاند کی رم جھم کرنوں سے
سوچوں میں بھنور پڑ جاتے تھے
جب ایک تلاطم رہتا تھا
اپنے بے انت خیالوں میں
ہر عہد نبھانے کی رسمیں
جب عام تھیں ہم دل والوں میں
اب اپنے بھیگے ہونٹوں پر
کچھ جلتے بجھتے لفظوں کے
یاقوت پگھلتے رہتے ہیں
اب اپنی گم صم آنکھوں‌میں
کچھ دھول ہے بکھری یادوں کی
کچھ گرد آلود سے موسم ہیں
اب دھوپ اگلتی سوچوں میں
کچھ پیماں جلتے رہتے ہیں
اب اپنے ویراں آنگن میں
جتنی صبحوں کی چاندی ہے
جتنی شاموں کا سونا ہے
اس کو خاکستر ہونا ہے
اب یہ باتیں‌رہنے دیجئے
جس عمر میں قصے بنتے ہیں
اس عمر کا غم سہنے دیجئے
اب اپنی اجڑی آنکھوں میں
جتنی روشن سی راتیں ہیں
اس عمر کی سب سوغاتیں ہیں
جس عمر کے خواب خیال ہوئے
وہ پچھلی عمر تھی ، بیت گئی
وہ عمر بتائے سال ہوئے
اب اپنی دید کے رستے میں
کچھ رنگ ہے گذرے لمحوں کا
کچھ اشکوں کی باراتیں ہیں
کچھ بھولے بسرے چہرے ہیں
کچھ یادوں کی برساتیں ہیں
یہ پچھلے عشق کی باتیں ہیں۔

محسن نقوی

 

محسن نقوی صاحب کی کیا بات ہے!!! :a180:

 

جی ہاں بہنا ۔ آزاد شاعری تو بہت لوگ کرتے ہیں۔ بلکہ شاید ہر کوئی کرتا پھرتا ہے۔ لیکن بڑے شعرا کی بات ہی کیا ہے۔
پوری کی پوری نظم میں ایک نظم ، وزن ، توازن اور ردھم پایا جاتا ہے۔

 

واہ واہ بہت خوب

:a180:

 

نعیم صاحب بہت خوب واہ :a180:

 

لاجواب کلام ہے۔ :a180:

 

السلام علیکم۔ بےباک بھائی
نادیہ رضا اور نیلو رانی صاحبہ
پسندیدگی کا شکریہ ۔

 

درِ قفس سے پرے جب صبا گزرتی ہے

درِ قفس سے پرے جب صبا گزرتی ہے
کسے خبر کہ اسیروں پہ کیا گزرتی ہے

تعلقات ابھی اس قدر نہ ٹوٹے تھے
کہ تیری یاد بھی دل سے خفا گزرتی ہے

وہ اب ملے بھی تو ملتا ہے اس طرح جیسے
بجھے چراغ کو چھو کر ہوا گزرتی ہے

فقیر کب کے گئے جنگلوں کی سمت مگر
گلی سے آج بھی ان کی صدا گزرتی ہے

یہ اہلِ ہجر کی بستی ہے احتیاط سے چل
مصیبتوں کی یہاں انتہا گزرتی ہے

بھنور سے بچ تو گئیں کشتیاں مگر اب کے
دلوں کی خیر کہ موجِ بلا گزرتی ہے

نہ پوچھ اپنی انا کی بغاوتیں محسنؔ
درِ قبول سے بچ کر دعا گزرتی ہے​

 

آزاد بھائی ۔ محسن نقوی کی شاعری میں سے عمدہ انتخاب ہے۔ :a180:

 

نہ پوچھ اپنی انا کی بغاوتیں محسن
درِ قبول سے بچ کر دعا گزرتی ہے



بہت خوب آزاد جی


:a180: انتخاب ھے بہت خوب

 

وفا میں اب یہ ہنر اختیار کرنا ہے
وہ سچ کہے نہ کہے اعتبار کرنا ہے

یہ تجھکوجاگتےرہنےکا شوق کب سےہوا
مجھے تو خیر تیرا انتظار کرنا ہے

ہوا کی زد میں جلانے ہیں آنسوؤں کے چراغ
کبھی یہ جشن بھی سرِ راہ گزار کرنا ہے

وہ مسکرا کے نئے وسوسوں میں ڈال گیا
خیال تھا کہ اسے شرمسار کرنا ہے

چلو یہ اشک ہی موتی سمجھ کے بیچ آئیں
کسی طرح تو ہمیں روزگار کرنا ہے

خدا خبر یہ کوئ ضد ہے کہ شوق ہے محسن
خود اپنی جان کے دشمن سے پیار کرنا ہے

​

 

بہت بہت عمدہ انتخاب ہے نعیم بھائی
لاجواب

 

شکریہ پیارے عدنان بوبی بھائی ۔

 

دل دکھتا ھے

دل دکھتا ھے
آباد گھروں سے دور کہیں
جب بنجر بن میں‌آگ جلے

دل دکھتا ھے

پردیس کی بوجھل راہوں میں
جب شام ڈھلے
دل دکھتا ھے

جب رات کا قاتل سناٹا
پُر ہول فضا کے وہم لئے
قدموں کی چاپ کے ساتھ چلے

دل دکھتا ھے

 

اظہار درد ، محسن نقوی کا طرہء امتیاز ہے۔
بہت خوب ۔

 

شب ڈھلی چاند بھی نکلے تو سہی

شب ڈھلی چاند بھی نکلے تو سہی
درد جو دل میں ہے چمکے تو سہی

ہم وہیں پر بسا لیں خود کو
وہ کبھی راہ میں روکے تو سہی

مجھے تنہائیوں کا خوف کیوں ہے
وہ میرے پیار کو سمجھے تو سہی

وہ قیامت ہو ،ستارہ ہوکہ دل
کچھ نہ کچھ ہجر میں ٹوٹے تو سہی

سب سے ہٹ کر منانا ہے اُسے
ہم سے اک بار وہ روٹھے تو سہی

اُس کی نفرت بھی محبت ہو گی
میرے بارے میں وہ سوچے تو سہی

دل اُسی وقت سنبھل جائے گا
دل کا احوال وہ پوچھے تو سہی

اُس کے قدموں میں بچھا دوں آنکھیں
میری بستی سے وہ گزرے تو سہی

میرا جسم آئینہ خانہ ٹھہرے
میری جانب کبھی دیکھے تو سہی

اُس کے سب جھوٹ بھی سچ ہیں محسن
شرط اتنی ہے کہ، بولے تو سہی​

 

واہ بہت خوب شاعری ارسال جی قمر بھائی شکریہ

 

بہت خوب شاعری ہے۔ :a180:

 

جواب: محسن نقوی صاحب کی شاعری ۔۔ پڑھیے اور شئیر کیجئے

بہار کیا، اب خزاں بھی مجھ کو گلے لگائے تو کچھ نہ پائے
میں برگِ صحرا ہوں ، یوں بھی مجھ کو ہَوا اُڑائے تو کچھ نہ پائے

میں پستیوں میں پڑا ہوا ہوں، زمیں کے ملبوس میں جڑا ہوں
مثالِ نقشِ قدم پڑا ہوں، کوئی مٹائے، توکچھ نہ پائے


تمام رسمیں ہی توڑ دی ہیں، کہ میں نے آنکھیں ہی پھوڑ دی ہیں
زمانہ اب مجھ کو آئینہ بھی، مرا دکھائے تو کچھ نہ پائے

عجیب خواہش ہے میرے دل میں، کبھی تو میری صدا کو سن کر
نظر جھکائے تو خوف کھائے، نظر اُٹھائے تو کچھ نہ پائے

میں اپنی بے مائیگی چھپا کر، کواڑ اپنے کھلے رکھوں گاکہ
میرے گھر میں اداس موسم کی شام آئے تو کچھ نہ پائے

تو آشنا ہے نہ اجنبی ہے، ترا مرا پیار سرسری ہے
مگر یہ کیا رسمِ دوستی ہے، تو روٹھ جائے تو کچھ نہ پائے؟

اُسے گنوا کر پھر اس کو پانے کا شوق دل میں تو یوں ہے محسن
کہ جیسے پانی پہ دائرہ سا، کوئی بنائے تو کچھ نہ پائے