محبوب کو محبوب ہی کہتے ہیں

سب سے پہلے تو میں شکرگزار ہوں۔۔۔۔گوگل ویب سائٹ والوں کا جن کی توسط سے یہاں تک رسائی ممکن ہوئی ہے۔

اس کے بعد بارے کچھ اپنے بیاں ہوجائے۔۔۔۔

بندہ ناچیز کو محبوب خان کہتے ہیں۔ شعبہ کمپیوٹر ٹیکنالوجی سے تعلق ہے بلکہ یوں کہیں کہ بس ایک ادنی سا خادم ہیں۔

علاوہ ازیں اس مختصر تعارف کے یہاں پہ موجود علمی، قلمی، تحقیعی و دیگر لوگوں سے جوکہ اس محفل میں انجم آراء ہیں‌ان سے فیض حاصل کی جائے۔

وسلام

 

محبوب خان صاحب

 

جب ہم طالب علم تھے اور اس وقت یہی سوچا کہ کچھ پڑھ لینگے تو شاید کچھ اور بن جائین مگر رہے وہی طالب علم کے طالب علم۔ اب یہی دیکھو کہ پرچہ پھر سامنے ہے اور۔۔۔ ہاتھ کانپ رہے ہیں۔۔۔دماغ کی حالت- - -صرف وقتی طور پر- - - دگرگوں ہے۔ اور صاحب بس نہ ہی پوچھیے بس ہم وہی طالب علم ہی رہے۔
تمام دعاوں اور اذکار کے پڑھنے کے بعد سوالوں کے ترتیب وار جوابات دینے کی سعی کررہا ہوں۔۔۔ بس پاس کردینا باقی ہم خود ہی سنبھالینگے۔ لو جی 1 2 3 ۔۔۔ شروع۔۔۔۔
1۔ پورا نام محبوب خان ہے اور سنا ہے کہ ننھیال اور ددھیا والوں کے باقاعدہ مذاکرات کے مختلف دور ناکام ہونے کے بعد ننھیال والون اپنے خصوصی پاورز کو استعمال کرتے ہوئے یہی نام رکھا۔

2۔ابھی تک ایسا ویسا کوئی کام کیا ہی نہیں جو لقب مل سکے۔ ویسے آپس کی بات ہے محبوب کو کسی لقب کی ضرورت ہے؟ اوہو لگتا ہے کہ جواب کے اندر سوال کی ایک ناکام کوشش ہے مگر یہ تو ایک فکری لقمہ ہے کہ احباب اس پہ اپنی رائے کا شاید ۔۔۔ اظہار کریں۔

3۔ اجی حضور عمر عمر عمر ۔۔۔۔ اس طرح کے سوالات اب صنف کرخت کے لیے بھی وہی حیثیت رکھتے ہیں۔ بھرحال نام رکھتے ہوئے جن مشکلات کا ذکر کیا تھا سو عمر کے سلسلے میں بھی وہی درپیش ہے۔ یعنی
دونوں خاندانوں‌اپنی طرف سے مختلف ماہ و سال لکھ رکھے ہیں اور جس کا کہ ابھی زکر کررہا ہوں۔۔۔ ہمارے قابل احترام سکول ماشٹر صاحب انھوں تو حد کردی بس سامنے کھڑا کرکے چہرے مہرے کو دیکھنے کے بعد اندازوں کے سمندر سے کچھ ماہ و سال منتخب کرکے اپنی داخلہ رجسٹر پہ چڑآھادیے۔ ہم ابھی تک اسی مخمصے کا شکار ہیں کہ عمر کا حساب کس ۔۔۔ عمر سے کریں۔ بس ایک ہی تسلی ہے کہ ۔۔۔ ابھی تو میں جوان ہوں۔۔۔۔اور یقین کریں اس میں کوئی مبالغہ نہیں‌ہے۔

4۔ ملک تو اپنا پیارا پاکستان ہے۔ صوبہ بلوچستان ہے ۔ بلوچی خاندان سے تعلق ہے۔ مادری زبان بلوچی ہے۔ اور جب سے اس دنیائے رنگ و بو میں آئے قسم لے لیجیے بس پاکستان میں ہی ہیں۔ اور تو چھوڑیے جی ۔۔۔ ہم نے ابھی تک پاسپورٹ بھی نہیں‌بنایا ۔۔۔ شناختی کارڈ تو مجبوری تھی ورنہ شاید وہ بھی بس جی ایسے ہی گزارہ کر لیتے۔

5۔ ہائے طالب علمی کا تو رونا رورہے ہیں۔ جب ہوش و حواص کی دنیا میں داخل ہوئے تو سکول میں روز آنا جانا تھا۔ سو یہ تو نہیں پتہ کہ کیوں جانا ضروری سمجھا۔ بس ہم طالب ہی تھے اور اب تک وہی ہیں۔

6۔ مشاغل کا کیا ذکر کریں کہ کھیل کوئی ہم نہیں کھلیتے ۔۔۔ بس کبھی کبھی پہاڑوں پہ چڑھنے کا شوق چراتا ہے اور ایک دن چڑھائی کے بعد دس دن تک آہیں کرتے رہتے ہیں۔

7۔ پیشہ ۔۔۔۔۔ہم طالب علم ہیں۔ لیکن ملازمت پیشہ بھی ہوں۔ آئی ٹی شعبہ ہے سو اسی کا کارہے ہیں۔

8۔ عزائم ۔۔۔۔۔ چلو کچھ ہم بھی سوچنے کی کوشش کرتے ہیں۔۔۔۔۔کافی دیر گزرنے کے بعد بس یہ پتہ چلا کہ بس ہم مثبت بندے ہیں۔ میرے خیال میں عزائم ہماری پہنچ سے باہر نہیں‌ہیں‌اس لیے کہ ہم ممکنات کا سوچتے ہیں یا پھر ہمارے لیے کوئی بھی چیز ناممکن نہیں۔۔۔اوہ لگتا ہے بڑی بات کہ دی ۔۔۔۔ مگر کیا کریں کہ سوالوں کے جواب تو دینے ہیں۔ آخر ہم بھی سائنس پڑھ کے آئے ہیں۔

آخر میں یہی دعا کہ اللہ ہمیں اچھے نمبروں سے پاس کرے۔آمین

 

محبوب خان صاحب آپ نے بہت اچھا پرچہ حل کیا ہے آپ کے بارے میں‌جان کر بہت خوشی ہوئی

 

اتنا اچھا انٹروڈکشن دینے پر مبارکباد

 

یہ آپ احباب کا حوصلہ ہے ورنہ ہم کہاں اور ہمارا تعارف کہاں۔

شکریہ سادہ سا لفظ جب کہا جائے یا لکھا جائے مگر جس سرشاری سے ہم ٹائپ کرتے ہیں وہ تو ہم ہی جانتے ہیں۔
سو شکریہ

 

محبوب بھائی! آپ کا تفصیلی تعارف پڑھ کر اور آپ کے بارے جان کر خُوشی ہُوئی۔ اُمید کرتا ہوں آپ "ہماری اُردو- پیاری اُردو" کے "محبوب" صارف ہونے میں زیادہ وقت نہیں لگائیں گے۔ اور جب نتیجہ آئے گا تو آپ اچھے نمبروں سے پاس ہوں گے۔ :hands:

 

عبدالجبار اور چاند بابو! آپ دونوں کا دل کی اتہا گہرائیوں سے بھرےپرے سچے جذبات کے ساتھ شکریہ کہ مجھ غریب کے آنے کی مبارک بادی دی۔ اللہ اس چوپال، اس کے منتظمین اور اسے کے سب ستاروں کے روز ڈھیر ساری خوشیاں دے۔ آمین

 

بہت بہت شکریہ۔۔۔۔۔مگر آپ نے اس لڑی کو سانس نو کیا بخشا کہ ہمیں تمام قسم کے پیغام بشمول اپنے دوبارہ پڑھنے پڑے ۔۔۔۔۔ کہ ایسی کیا بات ہے کہ ہمارے گجر بھائی داد دینے پر مجبور ہوئے اور پسندیدگی کا مہر پاکستانی بھائی نے دیار غیر سے ثبت کردیا۔۔۔۔۔۔اللہ کریم آپ کو خوش و خرم رکھے۔ آمین۔

 

غوری بھائی ارتقاء کے عمل نے شکست و ریخت کو جہد مسلسل کی طرح بنا دیا ہے۔۔۔۔اس لیے جغرافیائی اہمیت گوادر کی کب بنے گی یا کس قد بن چکی ہے۔۔ہم بھی دعا گو ہیں۔۔۔۔مگر

کریں گے اہل نظر تازہ بستیاں آباد
مری نظر نہیں سوئے کوفہ و بغداد

جہاں تک ہمارے چند الفاظ۔۔۔۔جن میں تذکیر وتانیث کے اغلاط کی بہار پربہار ہے۔کہ ہماری مادری زبان اس بندش سے بالکل ہی آزاد ہے۔۔۔بعد میں جب معلوم ہوا کہ ترکی زبان بھی اس خاصیت سے مالا مال ہے۔۔۔۔ تو دل بہت خوش ہوا اس۔۔۔۔جی جی غالب کا ہی شعر کہنے کی کوشش کررہے ہیں۔۔۔۔۔آپ نے سند قبولیت بخشا ہے اس کے لیے ہم تہہ دل سے مشکور ہیں۔۔۔۔۔قبلہ یہ تو ان اہل قلم و علم کے الفاظ ہیں۔۔۔۔جو یا تو صورت کتاب مطالعہ کی توسط سے ہم تک پہنچے۔۔۔یا فیض حضوری سے مستفید ہونے کی وجہ سے۔۔۔سو ان ہر دو منبہ علم و ہنر سے جو موتی بکھرے اس میں کئی ہمارے دامن میں بھی گرے ہونگے اور ہم نے یونہی جسارت کرکے زیب ہماری اردو کرتے رہتے ہیں۔۔۔کہ آپ احباب کی خدمت میں پیش کیے جاسکیں یا یوں کہیں کہ بس کچھ اظہار ۔۔۔بصورت کلام کرسکیں۔