مجھ کو نگاہِ ناز سے دیکھا تو کیجئے --برائے اصلاح

شکیل احمد خان (خان صاحب اس غزل کو ایک نظر دیکھ لیں تاکہ اساتذہ کے سامنے پیش کرنے سےپہلے اغلاط درست کی جا سکیں )
محمد سعید سعدی
----------
مفعول فاعلاتُ مفاعیل فاعلن
--------
مجھ کو نگاہِ ناز سے دیکھا تو کیجئے
میرا کبھی تو حال بھی پوچھا تو کیجئے
--------------
میں بے وفا نہیں ہوں زمانے سے پوچھ لیں
میری وفا کو آپ بھی پرکھا تو کیجئے
------------
دل میں ہے پیار آپ کے بس مانتے نہیں
اپنے کبھی تو دل سے یہ پوچھا تو کیجئے
-----------------
کہتا ہے دل جو آپ کا سچی ہے بات وہ
اپنے ہی دل کی بات کو مانا تو کیجئے
-----------------
تنہا نہیں ہیں آپ محبّت کی راہ میں
دل میں کسی بھی خوف کو لایا نہ کیجئے
---------------
منزل نہیں ہے دور ہماری قریب ہے
کیسے مٹیں گی دوریاں سوچا نہ کیجئے
-----------
میں دیکھتا ہوں آپ کو بھرتا نہیں یہ دل
رہتے ہیں مجھ سے دور جو ایسا نہ کیجئے
------------
ارشد نے دل سے آپ کو مانا حبیب ہے
اس کو بھی آپ پیار سے دیکھا تو کیجئے
--------------------

 

بہت عمدہ کاوش ہے۔۔۔ لیکن قافیے کا مسئلہ ہے۔۔
مطلع در اصل قوافی کا اعلان بھی کرتا ہے،
اس غزل میں مطلع میں قوافی دیکھا اور پوچھا استعمال ہوئے ہیں لہذا پرکھا درست ہے
لیکن مانا، لایا استعمال نہیں ہوسکتے،
اگر آپ مطلع میں تبدیلی کر لیں تو باقی غزل درست ہو جائیگی۔۔۔

 

(محمد سعید بھائی کیا اب کام چلے گا دوسرا مصرع کون سا بہتر ہے)
مجھ کو نگاہِ ناز سے دیکھا تو کیجئے
کتنا مجھے ہے پیار یہ جانا تو کیجئے
------یا
میری وفا کو آپ بھی پرکھا تو کیجئے

 

مجھ کو نگاہِ ناز سے دیکھا تو کیجئے
کتنا مجھے ہے پیار یہ جانا تو کیجئے