مجھ کو شہر نبیﷺ کی ہوا چاہیئے ۔۔ انعام الحق معصوم صابری

مجھ کو شہر نبیﷺ کی ہوا چاہیئے
پھر وہیں کی ہی خاک شفا چاہیئے

دم ہے گھٹتا مرا اب بلا لیجیے
بس مدینے کی ٹھنڈی فضا چاہیئے

سامنے میرے روضہ کی جالی تنی
اس کی مجھ کو چمکتی ضیاء چاہیئے

آ گیا ہوں یہاں اب میں جاؤں کہاں
پھر پلٹ آنے کا حوصلہ چاہیئے

ہے تمنا مری نعت کہتا رہوں
مصطفٰیﷺ سے عقیدت خدا چاہیئے

لب پہ وقت نزع ہو درود و سلام
قلب پر جاری صلی علٰی چاہیئے

ہے یہ معصوم کی بس دعا یا خدا
مجھ کو دیدار خیرالوریﷺ چاہیئے
----
انعام الحق معصوم صابری
فیس بک ٹائمز کے زیر اہتمام78 ویں بین الا قوامی فی البدیہہ طرحی مشاعرہ
11 مارچ 2019
​

 

لب پہ وقت نزع ہو درود و سلام
قلب پر جاری صلی علٰی چاہیئے​

 

ہے یہ معصوم کی بس دعا یا خدا
مجھ کو دیدار خیرالوریﷺ چاہیئے​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین