مجھ سے نفرت نہ کرنا مرے دوستو--برائے اصلاح

شکیل احمد خان
---------
مجھ سے نفرت نہ کرنا مرے دوستو
بغض دل میں نہ رکھنا مرے دوستو
-------
جس طرح میں محبّت کروں آپ سے
پیار مجھ سے بھی کرنا مرے دوستو
-------------
جب گزر ہو تمہارا مری قبر پر
فاتحہ پڑھ کے جانا مرے دوستو
----------
محفلیں جب جمیں شاعری کی یہاں
یاد مجھ کو بھی رکھنا مرے دوستو
--------
میں محبّت سبھی کو سکھاتا رہا
تم بھی ایسے ہی کرنا مرے دوستو
------------
ہو محبّت نہ دل میں تو دل ہی نہیں
بات میری سمجھنا مرے دوستو
---------
راستے زندگی کے کٹھن ہیں بہے
تم یہاں بچ کے چلنا مرے دوستو
----------
سر کٹے یا رہے سر جھکانا نہیں
سامنے رب کے جھکنا مرے دوستو
-------------
یاد ارشد کی آئے کبھی جو تمہیں
اشک اپنے چھپانا مرے دوستو
----------

 

خان بھائی یہ غزل دوبارا ترتیب دینا پڑے گی کیونکہ استادِ مھترم نے کہا ہے ،مرے دوستو کہنا درست نہیں کیونکہ جب دوستو کہا جائے تو اس میں مرے شامل ہوتا ہے

 

استادِ محترم کے اعتراضات میری نظر سے گزرے ہیں۔
کچھ اِس طرح سوچ کر دیکھیں:
کم نگہی سے نہ تکنا مجھے دوستو
کرنا ایسے نہ رُسوا مجھے دوستو
قوافی یہ ہوں گے:
فا۔۔۔۔۔۔۔۔۔۔۔۔۔۔۔وفا
جا۔۔۔۔۔۔۔۔۔۔۔۔۔۔بجا۔(دُرست کے معنوں میں )
زا۔۔۔۔۔۔۔۔۔۔۔۔۔۔سزا
وا۔۔۔۔۔۔۔۔۔۔۔۔۔روا، ناروا
طا۔۔۔۔۔۔۔۔۔۔۔۔۔خطا
جا۔۔۔۔۔۔۔۔۔۔۔۔جابجا۔۔۔وغیرہ
مشترک حرف ۔۔۔۔۔۔الف
مشترک صوت۔۔۔۔۔اَ۔۔۔آ۔(مگر الف زبر آ والا آ۔۔یعنی الف مفتوحہ ہوگا الف ممدوحہ ہرگز نہیں
۔۔۔۔۔۔۔۔۔۔۔۔۔۔۔۔۔۔۔اور کیونکہ یہاں بات صوت کی ہورہی ہے اِس لیے یہ کہا وگرنہ تو اُردُو
۔۔۔۔۔۔۔۔۔۔۔۔۔۔۔۔۔۔کے ہر لفظ کا آخری حرف ساکن ہی ہوتا ہے یعنی اعراب میں سے کوئی
۔۔۔۔۔۔۔۔۔۔۔۔۔۔۔۔۔۔۔علامت اُس پر نہیں ہوتی غیر متحرک ۔۔۔)

 

تم سے کی ہے محبت تو اب تم سے ہی
پیار کی ہے تمنا مجھے دوستو

 

جب گزر ہو تمھارا مری قبر سے
گیت میرے سنانا مجھے دوستو
۔۔۔۔۔۔۔۔۔۔۔۔۔۔۔۔۔۔۔۔۔۔گرچہ اِسے اور بھی شائستہ و بایستہ کیا جاسکتا ہے

 

محفلیں ہوں بپا شاعری کی کبھی
یاد رکھنا خدارا مجھے دوستو

 

میں نے کرنا محبت سکھایا تمھیں
دینا تمغا وفا کا مجھے دوستو

 

اچھا راستہ دکھایا ہے بھائی ،اس پر کام شروع کرتا ہوں

 

شکریہ محترم !
خدا آپ کے قلم کی روانی ،خیال کی فراوانی
اور ہرقسم کی آسانی قائم و برقرار رکھے، آمین۔