مجھے کیوں ستاتے ہیں خدشات میرے---برائے اصلاح

شکیل احمد خان
ــــــــــــ
مجھے کیوں ستاتے ہیں خدشات میرے
مکدّر یوں کرتے ہیں جذبات میرے
------------
جدا ہو کے تجھ سے جو میں نے گزارے
بڑے مجھ پہ بھاری تھے لمحات میرے
--------------
نہیں پوچھتے تم مرا حال مجھ سے
کبھی تم نے جانے نہ جذبات میرے
-------
مرا رب ہے واقف مری مشکلوں سے
سبھی جانتا ہے وہ حالات میرے
--------
نہیں جانتے جب حقیقت کو میری
اٹھاتے ہو کیوں پھر حجابات میرے
--------
وہی ہے زباں پر جو ہے میرے دل میں
بدلتے نہیں ہیں بیانات میرے
-----------
سوالات کرتے ہو مجھ سے تو ارشد
سنو گے نہیں کیا جوابات میرے

 

مجھے کیوں ڈراتے ہیں خدشات میرے
کچلتے ہیں کیوں مل کے جذبات میرے۔۔۔۔۔۔۔۔۔۔۔میں نے پہلے غورنہیں کیا مگر اب دوبارہ دیکھنے سے دونوں مصرعوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔میں کیوں کی تکرار پائی ۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حالاں کہ مکدریوں کرتے ہیں میں اگر مکدر کیوں کرتے آسکتا تو آپ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کا ہی شعر لاجواب تھا مگر مجبوراً بے ربطی کی کیفیت درآئی۔۔۔۔۔۔
تجویز:
کچلتے ہیں سب مل کے جذبات میرے۔۔۔۔۔۔۔۔۔۔۔۔۔۔۔مجھے کیوں ستاتے ہیں خدشات میرے
مجھے کیوں ستاتے ہیں خدشات میرے۔۔۔۔۔۔۔۔۔۔۔۔۔۔کچلتے۔ ہیں ۔یہ ۔مل کے جذبات میرے

یا ۔۔۔
کچلتے ہیں یہ مل کے جذبات میرے

 

۔۔۔۔۔۔۔۔لمحات کا اِس ردیف کے ساتھ ایک استعمال تو یوں ہوسکتا ہے:
جدا ہوکے تجھ سے جو میں نے گزارے
ابھی ،تک، ہیں ،دشمن وہ لمحات میرے۔۔۔۔۔۔۔۔۔۔۔۔۔۔۔(یعنی وقت کا یہ چھوٹا سا یونٹ مجھے ابھی تک ہجر و فراق سے دوچا ر کیے ہوئے ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گویا ہجر وفراق کا تسلسل ٹوٹا نہیں)
یا ۔۔۔۔۔۔۔
کہ تھے دل پہ بھاری وہ لمحات میرے۔۔۔۔۔۔۔۔۔۔۔۔۔۔۔۔(یعنی وقت تھم کر رہ گیا تھااور زمانہ جدائی کے ان لمحوں کا محتاج تھا کہ یہ اجازت دیں تو وہ آگے بڑھے)
۔۔۔۔۔یا
ہیں خنجر سے دل پر وہ لمحات میرے۔۔۔۔۔۔۔۔۔۔۔۔۔۔۔(یعنی وہ لمحات میرے دل پر خنجر کی طرح سے ہیں)
۔۔۔۔۔۔۔۔مگر خوبی تو یہ ہے کہ اِسے اور خوبی سے برتا جائے۔۔۔۔۔۔۔