مجھے لوگ لگتے تھے جتنے بھی پیارے---برائے اصلاح

شکیل احمد خان
سعید احمد سعدی
-----------
مجھے لوگ جتنے بھی لگتے تھے پیارے
ہوئے دور مجھ سے وہ سارے کے سارے
------------
نہ کوئی ملا مجھ سے جو پیار کرتا
دکھائے زمانے نے دن میں بھی تارے
-----------
کرے کون عسرت زدہ سے محبّت
نہیں پیٹ بھرتا محبّت سے پیارے
--------------
مری مفلسی سے سبھی دور بھاگے
جوانی کے دن بھی یوں تنہا گزارے
-----------
تغیّر ہے لازم یہاں زندگی میں
جو کچھ وقت بدلا پھرے دن ہمارے
----------
مرے ساتھ لوگوں کے انداز بدلے
محبّت کے ہونے لگے پھر اشارے
-------------
سبھی لوٹ آئے جو تھے دور بھاگے
جو دیکھے بدلتے ہمارے ستارے
-------------
اٹھا کر نظر جس نے دیکھا نہ مجھ کو
وہ ملنے کو آیا ہے ندیا کنارے
------------
مری لاج رکھی خدا نے ہمیشہ
نہیں چھوڑتا وہ جو اس کو پکارے
-------------
مری آپ بیتی سُنی آپ سب نے
کبھی دوسروں کے نہ ڈھونڈو سہارے
---------------
خدا پر بھروسہ جو کرتا ہےارشد
کبھی زندگی میں وہ بازی نہ ہارے

 

سعید بھائی کہیں پر کوئی کمی بیشی کی ضرورت ہو تو بلا جھجک اظہارِ خیال فرمائیں

 

بہت خوبصورت محترم انکل

 

نہیں جناب بہترین ہے