مجھے تو بس جو چاہئے خدا سے وہ امان ہے----برائے اصلاح

شکیل احمد خان
محمد سعید سعدی
----------
مفاعِلن مفاعِلن مفاعِلن مفاعِلن
------------
مجھے تو بس جو چاہئے خدا سے وہ امان ہے
مقابلہ جہان سے، مری نحیف جان ہے
-----------------
مصیبتوں کو جھیل کر مرا جو حلق خشک تھا
خدا کے نام سے ہوئی یہ تر مری زبان ہے
--------
خدا بہت کریم ہے وہ بخش دے گا سب خطا
مرا خدا غفور ہے ، یہی مرا گمان ہے
--------------
نحیف ہو گیا ہوں میں کہ موت بھی قریب ہے
جو عمر کا ہے چل رہا ، یہ آکری زمان ہے
-------------
جسے میں دوست کہہ سکوں وہ آدمی نہ مل سکا
مرا تو اس جہان سے یہ دل ہی بد گمان ہے
----------
یہ زندگی کے راستے طویل بھی ہیں سخت بھی
سفر بہت عجیب سا ہے اور بے نشان ہے
-----------
بھلا کرے گا وہ مرا مجھے تو یہ یقین ہے
مرے خدا کے ہاتھ میں مری سبھی کمان ہے
----------

 

آپ کہہ رہے ہیں ۔۔۔مجھے تو بس جو چاہیے۔۔خدا سے۔۔۔۔وہ ۔۔۔۔۔۔امان ہے
مگر مصرعے میں الفاظ کی غیر قدرتی ترتیب اور چاہیے کے اِملا میں غلطی کے سبب آپ
کی بات ابہام سے دوچار ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کہنا چاہتے ہیں کہ دنیا میں اپنی ہی ذات کے اندر اورباہرحق و باطل کے ایک سخت
مقابلے کی سی اِس صورتحال سے جاں بر ہونے کے لیے مجھے اپنے رب کی مدد چاہیے جو
جو سب سے بڑا حفاظت کرنیوالا اور امان دینے والا مہربان رب ہے۔۔۔۔۔۔۔۔۔۔۔
فوری طور پر جو چیزیں ذہن میں آتی ہیں وہ درج ذیل ہیں مگر میں ان میں ترمیم و اصلاح
کی بہت کچھ گنجائش ابھی باقی ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مجھے ۔تو اپنے۔ اُس خدا کی چاہیے امان ہے
ہے معرکہ جہاں سے اور ناتواں یہ جان ہے

مجھے تو اپنے رب سے ہی امیدِ حفظِ جان ہے
جہاں کے اس مقابلے میں وہ ہی میرا مان ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔حالاں کہ یہاں لفظ معرکہ زیادہ موزوں تھا جہاں کے اِس معرکے میں وہی تو میرا مان ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مگر اِسے بحر قبول نہیں کرتی ، آیندہ کوشش کریں گے۔۔۔۔۔۔۔۔۔۔۔۔۔۔۔۔۔۔۔
یا
مجھے تو اُس خدا سے ہی اُمیدِ حفظِ جان ہے
جہاں کی رزم گاہ میں وہی تو میرا مان ہے

 

مصیبتوں کے خوف سے جو حلق خشک تھا مرا
کیا۔ خدا ۔کا ۔ذکر ۔جب ۔تو ۔تر بتر زبان ہے
یا۔۔۔۔۔۔
تو اب خدا کے ذکر سے یہ تر مری زبان ہے
مگر خدا کے ذکر سے تر اب مری زبان ہے۔۔۔۔۔۔۔۔۔۔۔۔۔۔۔۔۔۔۔۔۔۔۔حلق خشک ہوجانا، حلق سوکھنا،حلق سے اُتارنا|اترنا،حلق سے نکالنا وغیر ٹھیٹھ (خالص )اُردُو کے محاورےہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آپ نے لغات میں سوئے محاورے کو نظم کرکے اِسےبیدار کردیا ۔۔۔۔واہ!

 

خدا بہت کریم ہے وہ بخش دے گا ہر خطا
مرا خدا غفور ہے ۔۔۔، مجھے یہی گمان ہے۔۔۔۔۔۔۔۔۔۔۔۔۔(شعرکی مجبوریاں دیکھیں۔۔۔۔جہاں ایمان آنا چاہیے وہاں گمان سے کام چلایا مگر یہ بھی ایمان کے ہی قائم مقام ہے۔۔۔۔۔۔۔۔۔۔۔۔۔۔۔۔۔)

 

۔۔۔۔۔۔جسے میں دوست کہہ سکوں کوئی نہ ایسا مل سکا

 

یہ ،زندگی کے پیچدار اور طویل راستے
اِنہی میں ہر قدم پہ آج تیرا امتحان ہے

 

کرے گا فضل مجھ پہ وہ مجھے تو یہ یقین ہے
کہ میرا رب عظیم اور ہمیشہ ،مہربان ۔ہے

 

آخری دونوں اشعار انتہائی خوبصورت ہیں ،اپنے رجسٹر میں درج کر لئے ہے ، بہت بہت شکریہ شکیل بھائی
اگر بُرا نہ مانیں تو ایک کمی ہے اب تک ۔یعنی کچھ تعارف ،یعنی شعر و شاعری کے علاوہ کیا مصروفیات ہیں۔ کوئی جاب یا بزنس۔