ماں ۔۔۔

بہت ہی انمول الفاظ استعمال کیے ہیں اُس انمول اور عظیم ہستی کے بارے میں جسے ہم ماں کہتے ہیں

 

جی بالکل ماں جیسی عظیم ہستی دنیا میں‌کوئی نہیں

 

بہت خوب۔۔

 

اس کلام کی پسندیدگی کے لیے عدنان بوبی بھائی اور کاشفی بھائی آپ کا بہت شکریہ ۔
اللہ تعالی سب کے والدین کا سایہ اولاد کے سروں پر ہمیشہ سلامت رکھے۔ آمین

 

[align=center]ماں اِک ٹھنڈی چھاں

رنگِ جنت الفردوس ماں کی ٹھنڈی چھاؤں میں
چشمہ میٹھے پانی کا، جیسے ہوکوئی گاؤں میں

ماں ہے ایسی ہستی جو پھیلی ہے دعا بن کر
ہر گھڑی فضاؤں میں، چار سو ہواؤں میں

اس مجازی خالق پر رحمتِ الہی ہے
الفت و محبت کی روشنی ہے ماؤں میں

آس رہتی ہے ہردم اسکے ہی سندیسوں کی
درد کے لگے پیوند زیست کی رداؤں میں

بس یہی تو کند ن ہے، باقی سب سنہرا رنگ
گر یقیں کہیں ہے تو ماں کی ہی دعاؤں میں

اشک بن کے آنکھوں سے جو کبھی نہیں‌بہتی
تم نے کیا نہیں دیکھی وہ نمی نگاہوں میں ؟

بےبدل ہیں یہ مائیں چین ان کے دامن میں
انکے دم کی ہی تو ہے روشنی فضاؤں میں

ربِ دوجہاں نے یوں‌ماؤں کو نوازا ہے
سر پہ ہونہ ہو چادر، جنت انکے پاؤں میں

مامتا ہی طاقت ہے ، مامتا ہی کمزوری
رحمتیں ہیں قدرت کی ان ہماری ماؤں میں

عمر بھر کا یہ قرضہ ایک یومِ مادر پر
کس طرح چکاتے ہیں ہم محل سراؤں میں ؟


صدف مرزا
ڈنمارک [/aligncenter]

 

خدا سب کے سر پر والدین کا دستِ شفقت قائم و دائم رکھے

 

ایک مُدٌت سے میری ماں نہیں‌ سوئی تابش
میں‌ نے اِک بار کہا تھا ، مجھے ڈر لگتا ہے

 

مرزا ادیب کی کتاب “مٹی کا دیا“ سے ایک اقتباس


مرزا ادیب لکھتے ہیں۔


ابا جی مجھے مارتے تھے تو امی بچا لیتی تھیں۔ ایک دن میں نے سوچا کہ اگر امی پٹائی کریں گی تو ابا جی کیا کریں گے؟
یہ دیکھنے کے لئے میں نے امی کا کہا نا مانا۔ انہوں نے کہا بازار سے دہی لا دو میں نہ لایا، انہوں نے سالن کم دیا میں نے زیادہ پر اصرار کیا، انہوں نے کہا پیڑھی کے اوپر بیٹھ کر روٹی کھاؤ میں زمین پر دری بچھا کر بیٹھ گیا۔ کپڑے میلے کر لیئے۔ میرا لہجہ بھی گستاخانہ تھا۔
مجھے پوری توقع تھی کہ امی ضرور ماریں گی مگر انہوں نے مجھے سینے سے لگا کر کھا “ کیوں دلاور پتر ماں صدقے توبیمار تو نہیں“۔ اس وقت میرے آنسو تھے کہ رکتے ہی نہیں تھے۔

 

بہت خوب عاشو ۔ واقعی میں‌ زیادہ پیار ہمیں‌ اس دنیا میں‌ کوئی اور کر ہی نہیں‌ سکتا ۔ شیئرنگ کے لیئے شکریہ قبول کریں

 

بہت خوب اقتباس ہے۔۔ماشاء اللہ۔۔

 

آمین ثم آمین۔۔

 

جی جمیل بھائی ۔ واقعی ماں ایسی ہی ہوتی ہے۔

 

ماں
( سیدانجم کاظمی)

اپنے ہاتھوں سے خود اپنے درد کا درماں لکھا
دل کے کاغذ پر دُعاؤں کے برابر ماں لکھا

فرطِ غم سے دل کی دھڑکن جب بھی بےقابو ہوئی
لوحِ جاں پر زندگی نے مسکرا کر ماں لکھا

میں سراپا روشنی کا ایک حسیں مینا رہوں
دل کے اندر ماں‌ لکھا دل باہر ماں لکھا

حافظے کو مسئلہ درپیش تھا تجدید کا
ذہن کی دیوار پر میں نے مکرر ماں لکھا

دھوپ موسم مرا چہرا وہ آنچل کی ہوا
زندگی بھر میری آنکھوں نے یہ منظر ماں لکھا

میرا دامن بھر گیا ہے گوہرِ نایاب سے
جب بھی میں نے تجھ کو اے گہرے سمندر ماں لکھا

لکھ رہی تھی چاندنی جب ریت کے ذرات پر
چشمِ شبنم نے بھی پھولوں پہ اُتر کر ماں‌ لکھا

اُسی کے نام سے تھی ابتدائے خوش خطی
لفظ جتنے میں‌نے لکھے سب سے بہتر ماں لکھا

عرش سے بھیجی تھی رب نے پہلی ماں جو فرش پر
نورِ ممتا اُس سے پھیلا جس نے گھر گھر ماں لکھا

اپنی ماں سے تیرا قد مجھ کو بہت چھوٹا لگا
تجھ پہ آکر میں نے جب چاہت کے ممبر ماں لکھا

میں نے انجم اپنا پیکر یوں منور کر لیا
صبح دم سے چاندنی تک بس سراسر ماں لکھا​

 

واہ کاشفی بھائی ۔
ایک ایک شعر پر ہزاروں بار داد قبول کیجئے۔
بہت خوب۔