ماواں تے دھیاں رَل بیٹھیاں نی مائے

ماواں تے دھیاں رَل بیٹھیاں نی مائے
کوئی کردیاں کلوڑیاں
کنکاں لمیاں دھیاں کیوں جمیاں نی مائے

ماواں تے دھیاں دی دوستی نی مائے
کوئی ٹُٹدی اے قہراں دے نال
کنکاں نِسراں دھیاں کیوں وِسریاں نی مائے

دوروں توں آئی ساں چل کے نی مائے
تیرے در وچ رہیاں کھلو
بھابھیاں نے پُچھیا ای سُکھ سنیہا
ویراں نے دِتا پیار
کنکاں لمیاں دھیاں کیوں جمیاں نی مائے

چولی نوں آئیاں نی عرقاں نی مائے
میرے سالو نوں آیا لنگار
اَگے تے ملدی سیں نت نی مائے
ہن دتا کاہنوں وسار
کنکاں لمیاں دھیاں کیوں جمیاں نی مائے

کوٹھے تے چڑھ کے ویکھدی نے مائے
کوئی ویکھدی ویرے دا راہ
دوروں تے ویکھاں میرا ویر پیا آئے
میرا آیا ساہ وچ ساہ
کنکاں لمیاں دھیاں کیوں جمیاں نی مائے

جند نمانی مائی ہوکے بھردی
تیرے بنا میرا کوئی نہ دردی
کنکاں لمیاں دھیاں کیوں جمیاں نی مائے

ماواں تے دھیاں رَل بیٹھیاں نی مائے
کوئی کردیاں کلوڑیاں
کنکاں لمیاں دھیاں کیوں جمیاں نی مائے

بوہے تے بہنیاں آتھنے نی مائے
میں لواں بھراواں دا ناں
کنکاں لمیاں دھیاں کیوں جمیاں نی مائے

کسے گوانڈھن نے آکھیا نی مائے
تیرا آیا ای پیو بھرا
من وچ ہویاں نے شادیاں نی مائے
میرے ویہڑے نوں لگا اے چاء
کنکاں لمیاں دھیاں کیوں جمیاں نی مائے

بھابھیاں انگ سہیلیاں نی مائے
میرے ویراں دی ٹھنڈھڑی چھاں
بھابیاں سارن جندرے نی مائے
میرا ہن کوئی دعوہ وی نہ
کنکاں لمیاں دھیاں کیوں جمیاں نی مائے

مٹی دا بُت میں بنانیاں نی مائے
اوہدے گل لگ کے رونی آں
مٹی دا بُت نہ بولدا نی مائے
میں رو رو حال گنوا
کنکاں لمیاں دھیاں کیوں جمیاں نی مائے

ماواں تے دھیاں رَل بیٹھیاں نی مائے
کوئی کردیاں کلوڑیاں
کنکاں لمیاں دھیاں کیوں جمیاں نی مائے

​

 

بہت ودھیا جناب بہت شکریہ

 

سریندر کور نے ایس گیت نوں بہت عمدہ گایا اے
اکثر ایہہ گیت سن اکھاں چ پانی آ جاندا اے
عمدہ انتخاب شاہ جی