لکھنوی زبان

عامر شاہین صاحب لکھنوی زبان کے ماہر لگتے ہیں

 

عامر شاہین صاحب لکھنوی زبان کے ماہر لگتے ہیں

 

اس عاجز و ناچیز اور کم تر و حقیر کا لکھنوی زبان سے کیا لینا دینا، جو بھی ضبطِ تحریر میں لانا ہے بالتکلف ہی لانا ہے، ہمارا مزاج تو بلا تکلف جملہ بندی کا متقاضی ہے لیکن اب زنیرہ عقیل کے کہے کی لاج رکھنے کو چند ٹوٹے پھوٹے الفاظ قارئین کی نذر ہیں۔

 

اس قدر کسر نفسی سے کام لیتے ہوئے بڑی مہارت سے اپنے الفاظ کے پھول نچاور کرنے کا شکریہ
خاکساری و انکساری کے الفاظ کے ساتھ اظہار فروتنی دل موہ لینے کے لیے کافی ہے
وہ سر چڑھا ہے اتنا اپنی فروتنی سے
کھویا ہمیں نے اس کو ہر لحظہ پاؤں پڑ کر

 

خاطر مدارت آو بھگت اور خوش اخلاقی سے ہمارے دلوں میں آپ کا ایک الگ مقام بن چکا ہے
آپ کی خوش اطواری کے ہم بھی معترف ہیں

شروع ہی سے تھے آثار اوج اس کے عیاں
شروع ہی سے اطوار نیک اس کے پدید

 

آپ کے فہم و فراست اور اردو سے لگاؤ کے دلدادہ تھے
اس لیے آپ کی تحریر کے ہر فقرے اور لفظ کو گوہر نایاب تصور کرتے ہوئے
خظے کو چار سو ٹٹولتے رہے
پھر نا گہاں خیال آیا کہ شاید ط اور ظ کی محبت چاہت اور قربت کا اثر ہے جو ظاہر ہو گیا وہ بھی غیر ارادی طور پر

 

جملوں کے ربط میں آپ کی محبت تلاش کرتے ہیں
ویسے خون کی مقدار زیادہ ہونے کو بڑھنا ہی کہتے ہیں لیکن اگر آپ اس بھرنے سے بھی تشبیہ دیں تب بھی برھ نہیں کہہ سکتے بس ہم حسب دستور حسب سابق حسب روایت اسے بھی غیر ارادی والے خانے میں ڈال دیتے ہیں

 

طبیعت ناساز ہےشاید

 

حوالہ شدہ مراسلہ کے زیریں مراسلات میں زنیرہ عقیل نے آصف بھائی کی بارہا اصلاح فرمائی ہے، یہ سب دیکھ کر ہمیں نہ صرف اصلاح سوجھ رہی ہے بلکہ شرارت بھی سوجھ رہی ہےتو پہلے عرض اور پھر آداب عرض ہے:

نظر جن کی نہیں جاتی ہے اپنے عیبوں پر
آئینہ ان کو دکھاتے ہیں زمانے والے​

محترمہ کے پھول نچاور کے الفاظ قلم کی ضد میں آتے ہوئے نہ جانے کیوں دو چشمی ھ سے محروم رہ گئے، شاید وہ پھول نچھ آور تھےکہ جن پہ سرخ مرچ کے سفوف کا چھڑکاؤ اس غرض سے کیا گیا تھا کہ وصول کنندہ نشاط انگیز چھینک سے جان لے کہ یہ تحفہ عنایت کرنے والا اسے یاد بھی خوب کرتا ہے۔
نچھ(ن حرف مکسور ) پنجابی زبان میں چھینک کے لیے مستعمل ہے۔

 

ایک بھائی کے لیے طیش میں آکر اس قدرجو ش اور ولولے سے لفاظی کے خنجر لیے مجھ جیسی معصوم بچی کو زمانے کے بیداد گر بن کر قسی القلبی کا مظاہرہ کرنے سے پہلے ایک بار سوچ لیتے کہ وہ تو پٹھان ہے اس لیے آئینے والا فارمولا لاگو نہیں ہوتا

خیر اب سینے پر وار تو کر ہی چکے ہیں اس لیے اپنی سقیم الحال اردو کے ساتھ بستر مرگ پر ہماری اردو کا دم رحلت ہے

 

یہ استہزائی قہقہہ یہ تمسخر کیا کہنے
چلیں آپ کو کھلکھلانے کا موقع تو ملا پٹھان کی وجہ سے
لیکن
ہمارے پاس ایک یہی پٹھان والی چھتری ہے بچنے کے لیے ہاہاہاہا

ننگے پیڑوں کی بھی شاخوں پہ لگائیں ضربیں
کتنا بے رحم ہواؤں کا یہ طوفاں نکلا

 

یا اللہ کتنی معصومیت کا اظہار کر رہے ہیں
آپکی معصومیت آپ کی سادگی آپ کی طفولیت کے قربان جاؤں
ذرا سا اوپر والی اپنی ہی پوسٹ پر نظر ڈالیں تو وہ قہقہہ تسلسل کے ساتھ گونج گونج کر میرے صبر کا امتحان لے رہا ہے
گفتار میں نہ پوچھئے کیسی بلا ہے وہ
سو جھوٹ بولنے پہ بھی سچا لگا ہے وہ

 

جی جی عامر شاہیں صاحب کے بدلے پر ہی آپ نے اس قدر خوش تھے
چٹکنا زخم کا لگا سامنے آنا نمکداں کا
نمکداں نے یہ جانا قہقہہ ہے زخم خنداں کا
-----
ویسے مجھے مزید ایک موقع آپ نے دیا لیکن اب عامر شاہین صاحب کے ڈر سے صرف سرخ کر دیتی ہوں
اور ہنسی تو اب میری بھی رکنے والی نہیں کیوں کہ عامر شاہین کو استاد ہی سمجھتی ہوں

 

سپر انداختہ ہونے کی قطعاً ضرورت نہیں

 

ارے واہ کیا ثقیل اردو دانی کی مشق جاری ہے۔ ایسی اردو پڑھ کے تو لکھنو کے اردو دان بھی ہتھیار پھینک دیں گویا۔

 

زہے طالع، زہے نصیب، خوشا قسمت ، آپ نے تشریف ارزانی فرما کر ہماری پیاری اردو کی اس خوبصورت لڑی میں قدم رنجہ فرما کر ہماری حوصلہ افزائی کی ہے آصف احمد بھٹی صاحب تو پہلے سے ہی براجمان ہیں اور ہماری ہمت افزائی کرتے رہتے ہیں

 

احقر آپ کی اس سپاس گذاری کے لیے مشکور ہے

 

آمد پہ تیری عطر و چراغ و سبو نہ ہوں
اتنا بھی بود و باش کو سادا نہیں کیا