لکھنوی زبان

واصف بھائی ! بہت خوبصورت بات کی آپ نے !

 

گھوڑے کی شان میں اس دشنام طرازی پر بہت سوچا اور جب زاغ شب نے بیضہ ہائے انجم آشیانہ مغرب میں چھپائے اور صیادان سحر خیز دام بر دوش آئےتو یہ عقدہ کھلا کہ قبلہ یوسفی صاحب نے لا حولہ ولا آقوہ کیا واہیات ارشاد فرمایا ہے

 

آصف بھائی ۔ اجی حضور آپ کی عدم موجودگی اور درخورِاعتنائی نے تو اس لڑی کو مقید بلکہ مقفل ہی کردیا تھا۔ بصد شکر کہ آپ بھی یہاں قدم رنجہ فرما ہوئے ہیں۔

 

اجی میاں ہم کس گنتی میں ہیں اس لڑی میں تو زبان دانوں کا کام ہے اور ہم تو دیسی اردو بولتے ہیں (جس میں اردو کم اور علاقائی زبان زیادہ استعمال ہوتی ہے) خالص اردو بول، سن یا پڑھ کر ہمیں تو اختلاج قلب شروع ہو جاتا ہے

 

what the heck :208:

 

اجی خاتونِ محترمہ ! آپ کون ہیں اور یہ موئی فرنگی زبان بول کر کاہے کو ہماری لکھنوی ادب کا حُسن مسخ کرنے کے درپے ہیں ؟

 

سچی سچی بات بتاؤں۔ ۔ ۔اردو میں لکھی نہیں جاتی یہ زبان۔ ۔ رومن اردو میں کافی اچھا لکھتی “تھی“۔

 

دیکھیئے محترمہ ۔ اس لڑی کے عنوان پر ایک طائرانہ نگاہِ التفات ڈالیئے اور اپنے ذہنِ سلیم کو تھوڑا سا تردّد میں لا کر غوروحوض فرمائیے تو آپکو بخوبی معلوم ہو جائے گا کہ ہم یہاں گھٹیا یا بازاری اردو نہیں بلکہ خالص و مخلّص لکھنو ادب کی اردو کی مشق جاری رکھنے کی جہدِ مسلسل کر رہے ہیں۔ لہذا احتیاط فرمائیے مبادا کسی شریک مجلس کی طبعِ نازک پرآپکا بےتکلف اندازِ تحریر گراں گذرے۔
:a191:

 

دوستوں آدب عرض ہے!
آپ لوگوں کے تحت شعور میں شاید کوئی مائع چیز سرائیت پزیز کر گئی ہے تب ہی آپ لوگ ایک طرف اردو کو بگاڑ رہے تو دوسری طرف نانا مولوی عبدالحق کی طرح گفتگو کر رہے ہو۔۔۔۔

 

لا حول ولا قوۃ

 

اجی بجائیے بجائیے کس نے روکا ہے حضور کو

 

دیکھیے حضوروالا ! ہم شرفاء سے یوں الجھنا کسی طور بھی مناسب نہیں اور نہ ہی آپ جیسے نوابوں کو زیب دیتا ہے۔ زہے نصیب کہ ہمارے گوشہء لکھنوء میں ایک اور ساتھی “آبی ٹوکول“ بھی زینتِ محفل ہوئے ہیں۔ :a191:

 

اجی قبلہ آبی ٹو کول صاحب۔ ذرا اپنے واصف بھیا کے ذہنِ نارسا میں الجھی ہوئی اس گتھی کو تو سلجھائیے۔ ذرہ نوازی ہوگی حضور کی :baby:

 

اجی اس پر بندہ بھی آداب بجا لانے کی جسارت کرتا ہے :176:

 

:glass:
ارے میاں ابھی سلجھائے دیتے ہیں اس میں ایسا کیا :glass:

 

اجی آپ اپنے زہن نارساء پر اتنا بوجھ مت لادیئے کہیں ایسا نہ ہو کے نتیجہ برآمد کرنے کی فکر ناروا میں خود آپ اپنے زرخیز دماغ سے ہی ہاتھ دھو بیٹھیں اور پھر کما حقہ غور کرنے کی صلاحیت سے آپ محروم قرار پائیں۔ :a155:

 

ویسے اس بندہء ناچیز کا خیالِ پرملال ہے کہ اس لڑی کی طرف اگر اپنے محترم قبلہ این-آر-بی صاحب کبھی التفات فرماتے ہوئے قدم رنجہ فرما دیں تو اس لڑی کی تقدیر کو چارچاند لگ سکتے ہیں

 

ارے صاحب کیا حسنِ اتفاق ہے کہ ہم نے آج ہی اس لڑی کو کھولا تو ہماری ان گنہگار آنکھوں نے کیا دیکھا کہ پوری لڑی ہی سراپائے انتظار ہے ۔ محترم قبلہ نعیم صاحب ذرہ نوازی کا شکریہ۔ آپ کی ناقص رائے پڑھ کر قلبی مسرت ہوئی (اُنج سانوں پتہ نہیں کہ “قلبی“ توں علاوہ کیڑھی مسرت ہوندی اے)۔

تو صاحب بات یہ ہے کہ ہم اِس پوری چوپال کو ہی لکھنوی زبان کا لطف اٹھانے کو استعمال کر رہے ہیں۔ اور چاند تو آپ سب حضرات نے لگا ہی رکھے ہیں۔ بندہِ ناچیز کو بھی اسی گردوں کا ایک ادنی سا تارا گردانئے۔

آداب۔

 

اجی قبلہ گردان لیا گردان لیا جایئے آپ بھی کیا یاد کیجیئے گا۔۔۔

 

ارے صاحب آپ نے تو گردان کی گردان ہی لکھ ڈالی۔ :hasna:

 

اماں بس کیا بتلائیں آپ کو کہ بچپن میں ہمیں کتنی گرادنیں یاد ہوا کرتی تھیں۔جب ہم مدرسے جایا کرتے تھے۔

 

اماں بس کیا بتلائیں آپ کو کہ بچپن میں ہمیں کتنی گرادنیں یاد ہوا کرتی تھیں۔جب ہم مدرسے جایا کرتے تھے۔[/quote:1koghur3]

قبلہ آپ کہیں اخفش کی بُز تو نہیں جو اُس نے گردانیں سنا سنا کر یاد کروا ڈالیں؟

 

قبلہ حضور یہ جو کچھ آپ نے فرما دیا ۔ اگر طبع نازک پر گراں نہ گذرے تو کچھ ہم کم علموں کے ذخیرہ الفاظ میں بہ نیتِ اضافہ ذرا سلیس اردو میں ترجمہ تو ارشاد فرما دیجئے !

 

میری سمجھ سے تو یہ ساری بولی ہے باہر ہے

 

زاہرا بہن چونکہ آپ منتظمِ اعلی بھی ہیں اس لئے آپ کی گزارش نہ ماننے کی جسارت بندہ ناچیز نہیں کر سکتا۔

مختصراً یہ کہ، اخفش ایک عربی زباندان تھا جو اپنے بکرے یا بکری (بُز) کو گردانیں سناتا تھا اور بُز کے تنگ آ کر سر ہلانے پر سمجھتا تھا کہ اب سبق ٹھیک ہو گیا۔

اردو میں بُزِاخفش کی بہترین جدید مثال پی-ایم-ایل (ق) ہے۔ جو آقا نے کہ دیا، سر ہلا کر تائید کر دی۔ اس کے علاوہ آبی کی گردان دانی سے اندازہ ہوتا ہے کہ شائد ایک ہماری اس چوپال پر بھی ہو :176:

مزید تفصیلات اخبارات میں۔

معاف کیجئگا، مزید تفصیلات: http://www.crulp.org/oud/viewword.aspx?refid=2222

 

اجی حضور ۔ الفاظ کی حرمت سے ناآشنا اشخاص کو تو اس لڑی میں قدم رنجہ فرمانے کی جسارت ہی نہیں کرنا چاہیئے۔

خاکم بدہن ، کچھ غلط تو نہیں بولا مابدولت نے ؟

 

اجی ہم سے کیا پوچھتے ہیں ان سے پوچھیے جو اس لڑی کے زمہ دران ہیں :glass: