لوگوں سے اکثر سنتی ہوں لفظوں سے خوشبو آتی ہے

لوگوں سے اکثر سنتی ہوں لفظوں سے خوشبو آتی ہے
جب نام آقا ﷺ کا لیتی ہوں ، راز یہ کھل جاتا ہے

زنیرہ "گُل"​

 

تیری رحمتوں کا دریا سرِ عام چل رہا ہے
مجھے بھیک مل رہی ہے میرا کام چل رہا ہے

میرے دل کی دھڑکنوں میں ہے شریک نام تیرا
اسی نام کی بدولت میرا نام چل رہا ہے

سرِ عرش نام تیرا سرِ حشر بات تیری
کہیں بات چل رہی ہے کہیں نام چل رہا ہے

اسے پوجتی ہے دنیا اسے ڈھونڈتی ہے منزل
رہ عشق مصطفی پہ جو غلام چل رہا ہے

میرے دامن گدائی میں ہے بھیک مصطفیٰ کی
اسی بھیک پر تو قاسم میرا کام چل رہا ہے

 

اللھم صل علی سیدنا ومولانا محمد وعلی آلہ وصحبہ وبارک وسلم دائما ابدا و کثیرا کثیرا

 

جذاکَ اللہ خیرا کثیرا