لفظ " زندگی" پر شعر کہیں

زندگی کیا ہے عناصر میں ظہور ترتیب
موت کیا ہے انہیں اجزاء کا پریشاں ہونا

 

زندگی سے نظر ملاؤ کبھی
ہار کے بعد مسکراؤ کبھی
ترکِ اُلفت کے بعد اُمید وفا
ریت پر چل سکی ہے ناؤ کبھی!

 

نہ پوچھ کیسے اسے زندگی گزارتی ہے
میری طرح جو مکمل بھی ہو ادھورا بھی

 

ایک معمہ ہے سمجھنے کا نہ سمجھانے کا
زندگی کاہے کو ہے خواب ہے دیوانے کا

 

زندگی تُو نے مجھے قبر سے کم دی ہے جگہ
پاؤں پھیلاؤں تو دیوار سے سر لگتا ہے!!!!

 

ان کا غم ان کا تصور ان کی یاد
کٹ رہی ہے زندگی آرام سے

 

ایک لمحے کو معطل نہیں تپنے کا عمل
زندگی جلتے دیے پر ہے ہتھیلی کی طرح۔۔۔
محسن بھوپالی

 

رہے گا ساتھ تیرا پیار زندگی بن کر
یہ اور بات میری زندگی وفا نہ کرے

 

نعیم بھای آپ کی شاعری کمال کی ہوتی ہے

 

مجھے محسوس ہوتا ہے کہ لطفِ زندگی کم ہے
غمِ دل حد سے بڑھ کر ہے ۔۔ میسر اب خوشی کم ہے
مسلسل دل کی بے چینی کو کیا کہتے ہیں دل والو
تمھیں معلوم ہو شاید ۔۔ مجھے تو آگہی کم ہے
جسے بھی دوست سمجھا ۔۔ دشمنِ ایمان و جان ٹھہرا
نہیں ہے دوستی جس سے ۔۔ اسی سے دشمنی کم ہے
ناصر کاظمی

 

گزر گئے ہیں جو خوشبوئے رائگاں کی طرح
وہ چند روز میری زندگی کا حاصل تھے

 

کہاں کے عشق و محبت کہاں کے ہجر و وصال
یہاں تو لوگ ترستے ہیں زندگی کے لیے

 

عذاب زندگی لکھوں خواب زندگی لکھوں یا حساب زندگی لکھوں
ہاتھ تو کاٹ دیے شہر والوں نے کیسے نصاب زندگی لکھوں

 

زندگی تجھ سے ہر اک سانس پہ سمجھوتہ کروں!!
شوق جینے کا ہے مجھ کو ، مگر اتنا تو نہیں۔۔!!!!!!!

 

میری ساری زندگی کو بے ثمر اس نے کیا
عمر میری تھی مگر اس کو بسر اس نے کیا
میں بہت کمزور تھا اس ملک میں ہجرت کے بعد
پر مجھے اس ملک میں کمزور تر اس نے کیا
منیر نیازی

 

وہ ملتا بھی محبت سے ہے لیکن عاداتاً ساجد ​

کئے جاتا ہے باتیں جا بجا ترکِ تعلق کی
اعتبار ساجد​

​

 

اک "امانت" کا "بوجھ" ہے ورنہ ،،،
"زندگی" میرا "مسئلہ" ہی نہیں...

 

زندگی جبرِ مسلسل کی طرح کاتی ہے
جانے کس جرم کی پائی ہے سزا یاد نہیں

 

تیرا وجود معتبر ہے زندگی میں میری
تیرے سوا نہیں آتا کسی پہ پیار مجھے۔

 

انتہا آج عشق کی کر دی
آپ کے نام یہ زندگی کر دی

تھا اندھیرا غریب خانے میں
آپ نے آ کے روشنی کر دی

دینے والے نے ان کو حسن دیا
اور عطاء مجھ کو عاشقی کر دی

تم نے زلفوں کو رخ پے بکھرا کر
شام رنگین اور بھی کر دی !!

 

مجھے آنسوؤں کی طلب نہیں
مجھے زندگی کی تلاش ھے
​

 

مجنوں نہ دشت میں ہے نہ فرہاد کوہ میں
تھا جن سے لطف زندگی وہ یار مر گئے
میر تقی میر

 

میرا غم نہ کر میرے چارہ گر ، تیری چارہ جوئی بجا مگر
میرا درد ہے میری زندگی ، مجھے درد دل کی دوا نہ دے

 

آنکھ کھل جاۓ تو ۔۔ خواب ٹوٹ جاتے ہیں!
خواب ٹوٹ جانے سے زندگی نہیں رکتی

 

زندگی پھیلی ہوئی تھی شام ہجراں کی طرح
کس کو اتنا حوصلہ تھا کون جی کر دیکھتا​

 

حد میں جوآرزوں کو رکھ لیں
زندگی کا مزہ سمجھ لیتے ہیں

بقلم خود

 

عجب اعتبار و بے اعتباری کے درمیان ہے زندگی
میں قریب ہوں کسی اور کے مجھے جانتا کوئی اور ہے
(سلیم کوثر)

 

زندگی کیا ہے اک سفر کے سوا
ایک دشوار رہ گزر کے سوا
کیا ملا تشنۂ محبت کو
ایک محروم سی نظر کے سوا
صوفی تبسم

 

ملاحظہ ہو

http://www.oururdu.com/forums/index.php?threads/زندگی-میری-نظر-سے.15212/

https://acrobat.com/app.html#d=gtcYo9JnBBkJ3n95Jvk8vQ