لفظ " دعا" پر شاعری لکھیں۔۔۔

زندگانی ہے بگولوں کا سلگتا طوفان
کتنے بے رحم ہو‘ جینے کی دعا دیتے ہو

​

 

کچھ یوں اتریں تیرے لئے رحمتوں کے موسم
کہ آسماں سے تیرا حرف دعا کبھی رد نہ ہو​

 

ہر لفظ میں محبت ہر لفظ میں دعا
مقروض کردیا ہے ہمیں تیرے خلوص نے​

 

اتنا بھی اندھیرا نہ بڑھاؤ کہ کسی روز!
بجھ جائے چراغوں کی طرح حرفِ دعا بھی
)امید فاضلی(

​

 

ہمم۔۔بہت خوب

 

واہ۔۔زبردست۔۔

 

بہت عمدہ۔۔زبردست

 

لاکھ گرد اپنے حفاظت کی لکیریں کھینچوں
اک بھی ان میں نہیں ماں کی دعاؤں جیسی​

 

مت دے دعا کسی کو اپنی عمر لگنے کی
یہاں ایسے لوگ بھی ہیں جو تیرے لیے زندہ ہیں​

 

​

 

ہر دعا میں رہا خیال تیرا
اس طرح تجھ سے رابطہ رکھا​

 

ہے پھر مجھے دعاؤں کے سہارے کی ضرورت
اے کاش! مجھے آج کوئی دل سے دعا دے​

 

صدا سلامت رہے وہ دنیا جس میں تم بستے ہو
تمہاری خاطر ہم ساری دنیا کو دعا دیتے ہیں​

 

​

 

دعا کرو کہ یہ پودا سدا ہرا ہی لگے
اداسیوں میں بھی چہرہ کھلا کھلا ہی لگے

 

ہم سب کی جو دعا تھی اسے سن لیا گیا
پھولوں کی طرح آپ کو بھی چن لیا گیا

 

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں

 

قاتل نے میرے قتل کا اعلان کیا تھا
ماں کی دعا نے موت سے ڈرنے نہیں دیا

 

یہ سوچ کر کہ بغاوت اسے نہ ٹھہرا دیں
اب جہاں پہ ہے مرنے کی بھی دعا خاموش

 

مجھے زندگی کی دعا دینے والے
ہنسی آ رہی ہے تری سادگی پر

 

چشم تر ہی نہیں محو تسبیح
خوں بھی سرگرمِ دعا ہے دل میں

پھر کسی یاد نے کروٹ بدلی
کوئی کانٹا سا چبھا ہے دل میں

 

ہاتھ اٹھاؤں اور تیرا نام نہ لوں
تم میری دعا میں شامل ہو آمین کی طرح

 

ہر دعا میں رہا خیال تیرا
اس طرح تجھ سے رابطہ رکھا

 

بہت خوب

 

ایک دعا

بے ضمیری کو سمجھوں سلطانی
ثبت ہر در پہ کر کے پیشانی

خواہشوں کا عجیب عالم ہے
نیم حیوانی نیم انسانی

میرے رشتوں کی کیا حقیقت ہے؟
اِن میں کچھ بھی نہیں ہے روحانی

کس کو ڈھکتا ہوں؟ کیا چھپاتا ہوں؟
روح کی پیاس؟، تن کی عریانی؟

تُو جو چاہے تو ایک لمحے میں
مجھ کو سمجھا دے جگ کی ارزانی

بخششوں کا حساب کیا رکھوں
تیری رحمت ہے مجھ پہ لاثانی

صاحبِ اختیار بس تُو ہے
اور سمجھتا ہے میری حیرانی

ہے بصد عاجزی دعا تجھ سے
تُو کہ جس کی ہے سب پہ سلطانی

تو ہی ذلّت دے تو ہی عزّت دے
مالکِ عرش و لوحِ قرآنی

سب کے رزّاق سب کے ان داتا
ہم کو دے رزق کی فراوانی

دولتِ سوز کو عطا کر کے
دور کر دے یہ تنگ دامانی

بھر دے اِس دل میں نورِ ایمانی !!
جلوہ افروزِ عرشِ رحمانی !!

سیّد کاشف​