لفظِ “یاد“ پر شعر کہیں

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں

 

آؤ اِک سجدہ کریں عالمِ مدہوشی میں
لوگ کہتے ہیں ساغرکوخدا یاد نہیں

 

تمہاری یاد کچھ ایسے مرے دل پر اترتی ھے
کہ جیسے روشنی شب میں‌دیا تقسیم کرتا ھے

 

یاد کر کے اور بھی تکلیف ہوتی تھی عدم
بھول جانے کے سِوا کوئی بھی تو چارہ نہ تھا

 

نہیں آتے پلٹ کر جو ، وہ موسم یاد آتے ہیں
جنہیں ہم بھولنا چاہیں۔ وہ ہمدم یاد آتے ہیں

(نعیم رضا)

 

میں اسے روز بھول جاتا ھوں
وہ مجھے روز یاد آتا ھے

 

ہمیں معلوم تھا راہیں جدا اپنی تو ہیں لیکن
جوسنگ بیتے وہ پل دو پل کے سنگم یاد آتے ہیں

نعیم رضا

 

مرحلے درپیش تھے دنیا کے مجھ کو اور بھی
میں تیری یادوں کا آتشدان بنتا کس طرح

 

عمر الجھی رہی اپنی بھلانے، یاد رکھنے میں
جنہیں ہر دم بھلایا ہے، وہ ہردم یاد آتے ہیں

 

دکھ کی لہر نے چھیڑا ہوگا
یاد نے کنکر پھینکا ہوگا
یادوں کی جلتی شبنم سے
پھول سا مکھڑا دھویا ہوگا

 

یاد آئے ھیں مسیحا اپنے
جب کوئی زخم کہن یا د آیا

 

چار جانب تیری یاد کی پرچھائیاں ہیں
تو ہی خوشبو سا مہکتا ہوا ہر سو آئے

 

یاد ھے جو تو نے بھیجی تھی
پھولوں کی اک ڈال سہیلی

 

یاد ہے جو تو نے بھیجی تھی
کالی سی اک دال سہیلی

 

مدت سے میرا دل ھے کہ آباد نہیں ھے
ھونٹوں پہ مگر آج بھی فریاد نہیں ھے
آتا ھے خیالوں میں میرے ایک ہی چہرا
بس اس کے سوا کچھ بھی مجھے یاد نہیں ھے​

 

دشت میں‌آکے ترے در کو بہت یاد کیا
دربدر ھو گئے جب گھر کو بہت یاد کیا

 

سبھی اداس موسم ھیں کبھی ملنے چلے آؤ
دکھوں میں ھم تو گم سم ھیں کبھی ملنے چلے آؤ
تمہاری یاد اب دل کو بہت تکلیف دیتی ھے
آنکھیں بھی تو پر نم ھیں کبھی ملنے چلے آؤ

 

تیرا بدگمان ھونا مری جاں بجا نہیں ھے
تجھے یاد کیا کروں میں کبھی بھولتا نہیں ھے

 

وہ انہیں یاد کریں جو کہ بھول بیٹھے ہیں
ہم نے تو ان کو بھلایا ، نہ کبھی یاد کیا

 

وہ خط پاگل ہوا کے آنچلوں پے
کسے تم نے لکھا تھا یاد ہو گا

 

اور کچھ دیر گزرے شبِ فرقت سے کہو
دل بھی کم دکھتا ہے، وہ یاد بھی کم آتے ہیں

( فیض احمد فیض )

 

میری نگاہ شوق سے ہر گل ھے دیواتا
میں عشق کا خدا ھوں مجھے یاد کیجیے

 

جب رات کی تنہائی ، دل بن کے دھڑکتی ہے
یاد وں کے دریچوں میں چلمن سی سرکتی ہے

 

ہوتا ہے تیرے درد کا ہر روپ انوکھا
آتی ہے تیری یاد کئی روپ بدل کر

 

ٹوٹا طلسمِ یاد تو کیا دیکھتا ہوں میں
تنہائیوں کی رات میں تنہا کھڑا ہوں میں

 

اے یاد یار تجھ سے کریں کیا شکائیتیں
اے درد ہجر ہم بھی پتھر کے ہو گئے

 

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں

 

کیسے بھر آئیں سر شام کسی کی آنکھیں
کیسے تھرائی چراغوں کی ضیا یاد نہیں

 

تو مجھ کو یاد آتا ہے
فقط ان چند لمحوں میں
کہ جب یہ سانس آتی ہے
کہ جب سانس جاتی ہے
کہ جب یہ آنکھ کھلتی ہے
کہ جب یہ آنکھ سوتی ہے
ک جب بادسرد بہتی ہے
کہ جب یہ دل دھڑکتا ہے
کہ جب یہ دل مچلتا ہے
کہ جب کوئی دن ڈھلتا ہے
کہ جب کوئی دن ابھرتا ہے
کہ جب کوئی آواز دیتا ہے
کہ جب کوئی ساز بجتا ہے
کہ جب کوئی راز کہتا ہے
کہ جب کوئی ناز اٹھاتا ہے
کہ جب کوئی پاس بلاتا ہے
کہ جب کوئی درد بھلاتا ہے
کہ جب کوئی پیار جتاتا ہے
کہ جب کوئی ہنستا ہنساتا ہے
کہ جب کوئی آہ بھرتا ہے
کہ جب کوئی کاش کہتا ہے
تو فقط ان چند لمحوں میں "چندا"
تو مجھ کو یاد آتا ہے
بہت ہی یاد آتا ہے

 

یادِ ماضی عذاب ہے یا رب
چھین لے مجھ سے حافظہ میرا