لفظِ “یاد“ پر شعر کہیں

نہ مقام علم و حِکم میں ہے، نہ خلوص میرے عمل میں ہے
تیری یاد جو میرے دل میں ، یہی وجہ میرے مان کی​

 

پوچھ نہ تیری یاد نے مجھے کیسے کیسے ستا دیا
کبھی خلوتوں میں ہنسا دیا کبھی محفلوں میں رلا دیا
کبھی یوں ہوا تیری یاد میں میری نماز بھی قضا ہوئی
کبھی یوں ہوا تیری یاد نے مجھے میرے رب سے ملا دیا

 

تیری یاد میں جو میں گم ہوا وہ سمجھ رہے تھے کہ میں سو گیا
تجھے مل رہا تھا میں خواب میں، مجھے دوستوں نے جگا دیا

 

آج تو محفلِ یاراں پہ ہو مغرور بہت
جب کبھی ٹوٹ کہ بکھرو گے تو یاد آؤں گا

 

پہلے ہی کب اُمید تھی تم شاد کرو گے
معلوم تھا ہم کو یونہی برباد کرو گے
کہتے ہو نکل جاؤ نکل جائیں گے جس دن
یہ یاد رہے ہم کو بہت یاد کرو گے!​

 

تیری یاد سے رشتہ کل بھی تھا تیری یاد سے رشتہ آج بھی ہے
دل اپنا دکھا کل بھی تھا دل اپنا افسردہ آج بھی ہے

 

بُھلا بیٹھے ہو ہم کو آج لیکن یہ سمجھ لینا!
بہت پچھتاؤ گے جس وقت ، کل ہم یاد آئیں گے​

 

چہرہ و نام ایک ساتھ آج نہ یاد آ سکے
وقت نے کس شبیہہ کو، خواب و خیال کر دیا

 

یاد آؤ ، مُجھے للہٰ نہ تُم یاد کرو!
اپنی اور میری جوانی کو نہ برباد کرو!

 

ایک مُدت سے تیری یاد بھی آئی نہ ہمیں
اور ہم بُھول گیے ہوں تجھے ایسا بھی نہیں۔

 

تیری یاد میں جو میں گم ہوا ، وہ سمجھ رہے تھے میں سو گیا
تجھے مل رہا تھا میں خواب میں، مجھے دوستوں نے جگا دیا

 

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں

 

جو تری یاد کی خوشبو نے سنوارے لمحے
کر لیے میں نے غزل بند وہ سارے لمحے

 

کبھی کبھی تو وہ ا سطر ح سے یاد آ تےھیں
ھم اسکے بعد ھر شے کو بھول جا تے ھیں

 

یاد پڑتا ھے کہ کچھ خواب تھے دھندلے دھندلے
وہ امانت میں کہیں‌ بھول گیا ھوں رکھ کے

 

یاد آؤنگا تم کو ذہن کی ہر اک منزل پہ
حرفِ سادہ تو نہیں جو بُھلایا جاؤں

 

تیرا بدگمان ھونا مری جاں ، بجا نہیں ھے
تجھے یاد کیا کروں میں کبھی بھولتا نہیں ھے

 

تیری یاد آئی تو رو دیا جو تو مل گیا تجھے کھو دیا
میرے سلسلے بھی عجیب ہیں تجھے چھوڑ کر تجھے ڈھونڈنا
یہ میری نظر کا کمال ہے کہ میری نظر کا جمال ہے
تجھے شعر شعر میں سوچنا سر بزم و در تجھے ڈھونڈنا

 

دکھ کی لہر نے چھیڑا ھو گا
یاد نے کنکر پھینکا ھو گا

 

میرے لبوں پہ مُہر تھی پر میرے شیشہ رو نے تو
شہر کے شہر کو میرا واقف حال کر دیا
چہرہ و نام ایک ساتھ آج نہ یاد آ سکے
وقت نے کس شبیہہ کو، خواب و خیال کر دیا

 

ڈوب جاتے ھیں بلا خیز سمندر میں کہیں
میرے حالات تری یاد تک آتے آتے

 

دلِ ویراں ہے تیری یاد ہے تنہائی ہے
زندگی درد کی راہوں‌میں سمٹ آئی ہے

 

بات ہماری یاد رھے جی بھولا بھولا جاتا ھے
وحشت پر جب آتا ھے تو جیسے بگولا جاتا ھے
گام کی صورت کیا ھے اس کی راہ چلے ھے میر اگر
دیکھنے والے کہتے ھیں یہ کوئی ہیولا جاتا ھے

 

نگاہیں دشنام دے رہی ہیں ادائیں پیغام دے رہی ہیں
کبھی نہ بھولیں گے حشر تک ہم رہینگی یہ یادگار باتیں
(داغ دہلوی)

 

میری داستانِ وفا کبھی
تری شرح حسن ِصفات تھی

 

یاد پر شعر کہنا تھا نا ؟
چلیں میں کہے دیتا ہوں

دل ویراں ہے، تیری یاد ہے، تنہائی ہے
زندگی درد کی بانہوں میں سمٹ آئی ہے​

 

محبتوں نے کسی کی بھلا رکھا تھا اسے
ملے وہ زخم کہ پھر یاد آگیا اک شخص