لفظِ “یاد“ پر شعر کہیں

آؤ اک سجدہ کر لیں عالم مدہوشی میں
لوگ کہتے ہیں کہ ساغر کو خدا یاد نہیں​

 

اجنبی یادوں میں کھویا رہا رات بھر
اک اجنبی ساچہرہ مرے دھیان میں تھا​

 

+++

 

یاد میں ہے وہ اک لمحہ، جو بس یاد بن کے رہ گیا
نہ اس کو میں تھام سکا، نہ دل کی آگ بجھا سکا

 

نشے سے کم تو نہیں یاد ِ یار کا عالم
کہ لے اُڑا ھے کوئی دوش پر ھوا کے مُجھے​

 

بھلاتا ہوں لاکھ لیکن برابر یاد آتے ہیں
ترک محبت پر وہ الہی کیوں کر یاد آتے ہیں

 

ہاں یہی نام تھا کچھ ایساہی چہرہ مہرہ
یاد پڑتا ہے کہ آیا تھا مسافر کوئی​

 

+++

 

نغموں کی ابتدا تھی کبھی میرے نام سے
اشکوں کی انتہا ھوں مُجھے یاد کیجیے​

 

یاد آتا ہے روزو شب کوئی
ہم سے روٹھا ہے بے سبب کوئی

 

چہرہ و نام ایک ساتھ آج نہ یاد آ سکے
وقت نے کس شبیہہ کو، خواب و خیال کر دیا

پروین شاکر​

 

شام ہوتی ہے تو چپکے سے چلی آتی ہیں
اپنی یادوں سے کہو یوں ستایا نہ کریں​

 

دل کے ہوں تمہی مکیں تمکو بھلاتا کیسے
نہیں‌جو یاد تیری، خود کو رُلاتا کیسے ؟

 

نہیں آتی جو یاد انکی مہینوں تک نہیں آتی
مگر جب یاد آتے ہیں تو اکثر یاد آتےہیں

 

کبھی اُف ، کبھی ہائے ،کبھی فریاد کرتے ہیں
وہ کیوں نہیں‌ملتے جنہیں ہم یاد کرتے ہیں؟

 

ستا ستا کے ہمیں اشکبار کرتی ہے
تمہاری یاد بہت بیقرار کرتی ہے

 

فریبِ حُسن سے مسلماں کا چلن بگڑا
خدا کی یاد بھولا شیخ، بُت سے برہمن بگڑا

 

+++

 

پہلے سا وہ خلوص وہ الفت نہیں رہی
اب دوستوں میں رسمِ محبت نہیں رہی
مدت سے میری یاد سے غافل ہے میرا دوست
شاید اب اس کو میری ضرورت نہیں رہی

 

+++

 

خوابوں ميں خواب اُسکے يادوں ميں ياد اُسکی
نيندوں ميں گھل گيا ہو جيسے رَتجگا سا

 

+++

 

چھٹ جاتی ہے آلامِ زمانہ کی سیاہی
جب دور تیری یاد کا چلتا ہے سرِشام

 

وفا کریں گے نبھائیں گے بات مانیں گے
تمھیں بھی یاد ہے کچھ یہ کلام کس کا تھا؟