لفظِ “یاد“ پر شعر کہیں

جانے پھر یاد تیری کون سے پہلو آئے ۔۔
دل یہ کہتاہے تجھےاپنےگماں میں رکھ لوں​

 

آج پھر ان کی بہت یاد آئی
آج پھر ان کو دعا دی ہم نے

 

یادِ رفتہ کی جھلملاہٹ میں آنکھ
بھیگی جاتی ہے سنسناہٹ میں‌ آنکھ​

 

حقیقت میں وہ لطفِ زندگی پایا نہیں کرتے
جو یادِ مصطفٰی سے دل کو بہلایا نہیں کرتے

 

یادیں، اداس شامیں اور اک دل بجھا بجھا
جاتے ہوئے وہ کتنے انعامات دئے گیا

 

اب تلک یاد ہے قوموں کو حکایت اُن کی
نقش ہے صفحہء ہستی پہ صداقت اُن کی​

 

دور رہ کر مری تنہائی کو یوں بانٹ لیا
یاداپنی کوکبھی مجھ سے جدا ہونے نہ دیا​

 

ہمیں بھی یاد رکھیں جب لکھیں تاریخ گلشن کی
کہ ہم نے بھی لٹایا ہے چمن میں آشیاں اپنا

 

دوپہر کی دھوپ میں میرے بلانے کے لیے
وہ تیرا کوٹھے پہ ننگے پاؤں‌ آنا یاد ہے​

 

یاد آئے ہیں خود گناہ کیا کیا
ہاتھ اٹھے ہیں جب دعا کیلئے​

 

جو رکے تو کوہِ گراں تھے ہم، جو چلے تو جاں سے گزر گئے
رہِ یار ہم نے قدم قدم تجھے یاد گار بنا دیا​

 

کچھ اس لیے بھی تو بے حال ہوگئے ہم لوگ
تمھاری یاد کا بے حد خیال رکھتے ہیں​

 

ہمیں یاد ہو تو بتائیں بھی ذرا دھیان ہوتوبتائیں بھی
کہ وہ دل جومحرمِ رازتھاکہاں رسم وراہ میں جل گیا

(سلیم کوثر)​

 

+++

 

طریقِ‌ذکر تو ہے درد ، یاد عالم کو
طرح بتائیے کچھ اپنے تئیں بھلانے کی

(میر درد)​

 

+++

 

پھر مجھے دیدہء‌ تر یاد آیا
دل ،جگر تشنہء‌فریاد آیا
زندگی یوں بھی گذر ہی جاتی
کیوں تیرا راہ گذر یاد آیا

(غالب)​

 

+++

 

زندگی کا ہے خلاصہ وہی اک لمحہء شوق
جو تیری یاد میں اے جانِ جہاں گذرا ہے

(سالک)​

 

+++

 

تمہاری یاد میں، میں کاٹ دوں گاحشرسےدن
تمھارے ہجر میں راتیں سیاہ کر لوں گا​

 

+++

 

گلاب سے مہک اٹھے مرے خیالوں میں
یہ کس کی یاد نے لوٹا دیا زمانہء شعر

(عبدالروف عروج)​

 

+++

 

ایسے چپ ہیں کہ یہ منزل بھی کڑی ہو جیسے
تیرا ملنا بھی جدائی کی گھڑی ہو جیسے
کتنے ناداں ہیں تجھے بھولنے والے کہ تجھے
یاد کرنے کے لیے عمر پڑی ہو جیسے

(فراز)​

 

+++