لفظِ “محبت“ پر شعر کہیں

اس راہِ محبت میں تو آزار ملے ہیں
پھولوں کی تمنا تھی مگر خار ملے ہیں
انمول جو انسان تھا وہ کوڑی میں بکا ہے
دنیا میں بہت ایسے بھی بازار ملے ہیں​

 

+++

 

محبت بھی ہم نے مانا زندگی برباد کرتی ہے
مگر کیا کم ہے مر جانے پہ دُنیا یاد کرتی ہے​

 

+++

 

عشق و محبت ، وفا جفا سب ہی تو افسانے ہیں
مجنوں لیلیٰ، رانجھا ہیر، قصے سب پرانے ہیں

(نعیم رضا)​

 

+++

 

رہِ محبت میں عجب ہے دلوں میں‌دھڑکا سا
نہ جانے کون کسی سے کب کہاں بچھڑجائے​

 

+++

 

دل کو ترکِ محبت پہ ناز تو ہے لیکن
کیا ہوگا اگر ان کا سامنا ہوجائے گا ؟​

 

+++

 

محبت کی رنگینیاں چھوڑ آئے
ہم ترے شہر میں جہاں چھوڑ آئے​

 

مقتلِ‌جاں کی ضرورت ٹھہرے
ہم کہ شایانِ محبت ٹھہرے
تو ہو خورشید میں بنوں شبنم
یوں ملاقات کی صورت ٹھہرے​

 

+++

 

:

​

اس طرح نہیں ہوتا امتحان محبت کا

تو کہے تو تارے بھی جاکے توڑ لاؤں میں

 

کوئی ایسا اہلِ دل ہو کہ فسانہء محبت ۔۔۔
میں اسے سنا کے روؤں وہ مجھے سنا کے روئے​

 

+++

 

ہمیں بھی ہے یاد آج تک وہ نظر سے صبحِ سلام لکھنا
وہ چھوٹے چھوٹے سے کاغذوں پرمحبتوں کے پیام لکھنا
گلاب چہروں سے دل لگانا وہ چپکے چپکے نظر ملانا
وہ آرزوؤں کے خواب بُننا، وہ قصہ ء نا تمام لکھنا

(حسن رضوی)​

 

+++

 

ایک تھا لفظ محبت جس سے
مسئلے ہوگئے پیدا کیا کیا

(جمیل الدین عالی)​

 

+++

 

میرے محبوب قیامت ہوگی ، آج رسوا تیری گلیوں‌میں محبت ہوگی
میری نظریں‌تو گلہ کرتی ہیں۔ تیرے دل کو بھی صنم تجھ سے شکایت ہوگی​

 

+++

 

محبت کا جنوں‌باقی نہیں ہے
کہ جذبہء اندروں باقی نہیں ہے

(اقبال )​

 

+++

 

تجھ کو احوالِ دل کیا سنائیں اے دوست
ساز نغموں‌کے اب کیا سجائیں اے دوست
وہ عشق جو کہیں کھو دیا ہے ہم نے
اب فسانہء محبت کیا بتائیں اے دوست

(عامر شریف)​

 

+++

 

آج کھلنے ہی کو تھا دردِ محبت کا بھرم
وہ تو کہئے کہ پھر تیری یاد آ گئی​

 

آؤ کہ تجدیدِ عہدِ محبت کریں
شکوے گلے اور شکایت کریں

(نعیم رضا)​

 

تم حقیقت نہیں ہو حسرت ہو
جو ملے خواب میں وہی دولت ہو
داستاں بس ختم ہونے والی ہے
تم ہی میری آخری محبت ہو​