لفظِ “محبت“ پر شعر کہیں

محبت کرنے والے کم نہ ہوں گے
تیری محفل میں لیکن ہم نہ ہوں گے

 

دل میں اک دردِ محبت کے سوا کچھ بھی نہیں
زندگی میری عبادت کے سوا کچھ بھی نہیں​

 

کچھ تو ہوتے ہیں محبت میں جنوں کے آثار
اور کچھ لوگ بھی دیوانہ بنا دیتے ہیں

 

بیمارِ محبت کے لیے یہی آسِ شفا ہے
وہ خود تو نہ آئے چلو پیغام تو آیا​

 

بات پھولوں کی سنا کرتے تھے
ہم کبھی شعر کہا کرتے تھے
ترکِ احساسِ محبت مشکل
ہاں مگر اہلِ وفا کرتے تھے​

 

یہ محبتوں کی سوداگری مجھے دے گئی بڑا فائدہ
میں تو ہاتھ خالی فقیر تھا، مجھے تحفہ مل گیا پیار کا​

 

اک شورِ محبت کو سکوں سمجھ رہا تھا
اے قلبِ پریشاں تجھے آرام تو آیا​

 

محبت ترک کی میں نے، گریباں سی لیا میں نے
زمانے اب تو خوش ہو زہر یہ بھی پی لیا میں نے​

 

پھر یاد آ گئیں تری قربت کی ساعتیں
تیرا نامہء محبت دیکھا جو بعد برسوں​

 

محبت کے لئے کچھ خاص دل مخصوص ہوتے ہیں
یہ وہ نغمہ ہے جو ہر ساز پہ گایا نہیں جاتا​

 

محبت کرنے والوں کے انوکھے کھیل ہوتے ہیں۔
نتیجہ جب نکلتا ہے تو عاشق فیل ہوتے ہیں​

 

انکی وہ جانیں جو وہ اہلِ ستم کرتے ہیں۔
ہم تو ہر وقت اپنی محبت کا ہی دم بھرتے ہیں​

 

قیدِ وحشت میں یہاں ڈال دیا کیوں تو نے؟
میرا تو جرم محبت کے سوا کچھ بھی نہیں​

 

محبت بھی یہاں اب تومیری بدنام ہو گئی
جبھی توبات میری ہر زباں پہ عام ہو گئی​

 

میں نے پوچھا جو معنیء محبت ان سے
بولے “دشتِ زیست میں آبلہ پائی ہے“​

 

حرص و ہوس جس ذہن میں ڈیرہ کرے
کیسے تقدیسِ محبت وہ سمجھا کرے ؟​

 

کسی کی جان لیتے ہیں کسی پر جان دیتے ہیں
محبت کرنے والے جب دلوں میں ٹھان لیتے ہیں​

 

ہوں وہ رہرو کہ محبت ہے مجھے منزل سے
کیوں‌تڑپتا ہوں یہ پوچھے کوئی میرے دل سے​