قیامت اور اولیائے کرام

حضرت ابوہریرہ رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : جنت میں جو گروہ (اولیاء) سب سے پہلے داخل ہوگا ان کے چہرے چودہویں رات کے چاند کی طرح دہکتے ہوں گے انہیں تھوکنے، ناک صاف کرنے اور قضائے حاجت کی ضرورت ہی پیش نہیں آئے گی۔ ان کے برتن سونے کے ہوں گے اور کنگھے سونے چاندی کے، ان کی انگیٹھیوں میں عود سلگے گا اور ان کا پسینہ مشک کی طرح خوشبودار ہوگا۔ ان میں سے ہر ایک کو دو بیویاں ملیں گی وہ ایسی حسین ہوں گی کہ ان کے گوشت کا مغز ان کی پنڈلیوں کے آر پار سے نظر آئے گا۔ ان لوگوں کے درمیان کوئی اختلاف نہیں ہوگا اور نہ ان کے دلوں میں ذرا سا بھی بغض ہوگا۔ ان کے دل متحد ہوں گے وہ صبح و شام اللہ تعالیٰ کی تسبیح کریں گے (متفق علیہ)

۔۔۔۔۔۔۔۔۔۔۔۔۔۔۔۔​

حضرت ابو ہریرہ رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا :

’’اللہ تعالیٰ فرماتا ہے جو میرے کسی ولی سے دشمنی رکھے میں اس سے اعلان جنگ کرتا ہوں اور میرا بندہ ایسی کسی چیز کے ذریعے میرا قرب نہیں پاتا جو مجھے فرائض سے زیادہ محبوب ہو اور میرا بندہ مسلسل نفلی عبادات کے ذریعے میرا قرب حاصل کرتا رہتا ہے یہاں تک کہ میں اس سے محبت کرنے لگتا ہوں اور جب میں اس سے محبت کرتا ہوں تو میں اس کے کان بن جاتا ہوں جن سے وہ سنتا ہے اور اس کی آنکھ بن جاتا ہوں جس سے وہ دیکھتا ہے اور اس کا ہاتھ بن جاتا ہوں جس سے وہ پکڑتا ہے اور اس کا پاؤں بن جاتا ہوں جس سے وہ چلتا ہے۔ اگر وہ مجھ سے سوال کرتا ہے تو میں اسے ضرور عطا کرتا ہوں اور اگر وہ میری پناہ مانگتا ہے تو میں اسے ضرور پناہ دیتا ہوں۔ میں نے جو کام کرنا ہوتا ہے اس میں کبھی اس طرح متردد نہیںہوتا جیسے بندہ مومن کی جان لینے میں ہوتا ہوں۔ وہ موت کو ناپسند کرتا ہے اور میں اس کی تکلیف ناپسند کرتا ہوں‘‘۔

۔۔۔۔۔۔۔۔۔۔۔۔۔۔۔۔۔۔۔۔۔۔​

حضرت ابوبکر صدیق رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : ’’مجھے میری امت میں ستر ہزار افراد ایسے عطا کئے گئے جو بغیر حساب کے جنت میں داخل ہوں گے، ان کے چہرے چودہویں رات کے چاند کی مانند چمکتے ہوں گے اور ان کے دل محبت و اطاعت میں ایک شخص (ولی اللہ) کے دل کے مطابق ہوں گے۔ پس میں نے اپنے رب سے زیادہ چاہا تو اس نے ہر ہزار کے ساتھ مزید ستر ہزار کا میرے لئے اضافہ فرمادیا‘‘۔

 

ماشاء اللہ نعیم بھائی بہت خوبصورت، ایمان افروز حدیث مبارکہ شیئر کی ہیں۔

بارگاہ خداوندی میں دعا ہے کہ وہ ہمیں ایسی جبینیں عطا فرمائے جو اس کے حضور جھکیں اور ایسی زبانیں عطا فرمائے جو اس کا ذکر کریں اور ایسے کام کرنے کی توفیق عطا فرمائے جس سے وہ اور اس کا حبیب صلی اللہ علیہ وآلہ وسلم خوش ہو جائیں۔

 

آمین ثم آمین

 

سبحان اللہ ۔ کیا شان ہے اللہ تعالی کے دوستوں اور ولیوں کی۔
اللہ تعالی ہمیں اپنے صالح بندوں کی عقیدت ، معیت اور تعلیمات کی پیروی کی توفیق عطا فرمائے۔ آمین

 

آمین

 

جزاک اللہ خیرا۔۔

جزاک اللہ خیرا۔۔

 

ماشاءاللہ ۔ نعیم صاحب آپ نے بہت ایمان افروز احادیث ارسال کی ہیں۔

جزاک اللہ الخیر