قُدسی ہیں سراپا چشمِ براہ، معراج کے دُولہا آتے ہیں

السلام علیکم گذشتہ شب 26 رجب کو دھیان سرکار دوعالم کے سفر معراج کی جانب گیا تو بفضل اللہ تعالی کچھ نعتیہ اشعار ترتیب پا گئے ۔ اہل محبت کے پیش خدمت ہیں

سُبحان کے پردوں میں چھپ کر، وہ اسریٰ منانے جاتے ہیں
لیلا" کے لمحے حیراں ہیں۔ کب جاتے ہیں ، کب آتے ہیں

کیا اصلِ نور وحدت ہے، اس رات کھلی یہ حقیقت ہے
جب آقا تدلّی سے آگے اوادنی کی منزل پاتے ہیں

اِس مسجد سے اُس اقصیٰ تک ، اور اقصیٰ سے پھر سِدرہ تک
جبریل سواری کو تھامے ، کیا خوب سعادت پاتے ہیں

اقصیٰ میں امامت کی مسند، بس شاہِ رُسُل کو تھی مختص
میثاقِ نبوت کے وعدے یوں سارے نبی دُہراتے ہیں

اُس نورِ ازل کی آمد پر افلاک سجائے بیٹھے ہیں
دیدار کے پیاسے قدسی بھی نظروں کی پیاس بجھاتے ہیں

کیا شان ہے رحمتِ عالم کی ، خیرات وہاں بھی بٹتی رہی
حوروں میں نگینے بانٹتے ہیں، موسیٰ کو جلوے کراتے ہیں

اک عبدِ کامل کا رُتبہ ، خالق نے دکھایا عالم کو
قُدسی ہیں‌سراپا چشمِ براہ ، معراج کے دُولہا آتے ہیں

قربان میں اُنکی رحمت کے، بےمثل عطا و شفقت کے
معراج کے وصل و قربت میں ، امت کو بھول نہ پاتے ہیں

ہیں پیکرِ بشری، نورِ خدا، پر بات نہیں بس اس پہ رضا
وہ اُرفع ہیں اس جا سے جہاں، جبریل کے پر جل جاتے ہیں


محمد نعیم رضا۔ 2010-7-8 بروز جمعرات​

 

جواب: قُدسی ہیں سراپا چشمِ براہ، معراج کے دُولہا آتے ہیں

سبحان اللٌہ،

 

جواب: قُدسی ہیں سراپا چشمِ براہ، معراج کے دُولہا آتے ہیں

جزاک اللہ سید بھائی ۔ دعاؤں میں یاد رکھا کریں۔

 

جواب: قُدسی ہیں سراپا چشمِ براہ، معراج کے دُولہا آتے ہیں

ماشاءاللہ سبحان اللہ
نعیم بھائی اللہ کی ذاتِ بابرکت آپ یہ اشعار جو آپ نے سرکار دوعالم :saw: کے معراج کے سفر کے بارے میں کہیں ہیں اپنی بارگاہ میں قبول فرمائے

اور اپنے پیارے نبی :saw: کے صدقے اپنا خاص کرم رکھے آپ پر

 

جواب: قُدسی ہیں سراپا چشمِ براہ، معراج کے دُولہا آتے ہیں

پیارے بھائی عدنان بوبی ۔ اللہ تعالی آپکی دعائیں قبول فرمائے۔ آمین
اور اللہ تعالی آپکو اس خلوص پر اپنی شان کے لائق ہزاروں گنا اجر عظیم عطا کرے۔ آمین

 

جواب: قُدسی ہیں سراپا چشمِ براہ، معراج کے دُولہا آتے ہیں

آمین ثم آًمین

 

جواب: قُدسی ہیں سراپا چشمِ براہ، معراج کے دُولہا آتے ہیں

سبحان کے پردوں میں چھپ کر اسرا منانے جاتے ہیں

خدا تعالی آپ پر اپنا فضل کرے اور ایمان میں اضافہ کرے آپ نے پیاری نعت لکھی نعیم صاحب۔

 

جواب: قُدسی ہیں سراپا چشمِ براہ، معراج کے دُولہا آتے ہیں

اللہ الغنی ۔ نعیم بھائی مدحت رسول صلی اللہ علیہ وسلم کی اس عظیم سعادت پر بہت مبارکباد
معراج النبی کی محفل میں میں نے یہ نعت شریف پڑھنے کی سعادت بھی حاصل کی ہے۔ جس سے محفل میں بہت کیف و سرور پیدا ہوا تھا سب نے آپکی نعت کو بہت پسند کیا۔ اللہ تعالی آپکی دینی محبت میں مزید اضافہ فرمائے۔ آمین

 

جواب: قُدسی ہیں سراپا چشمِ براہ، معراج کے دُولہا آتے ہیں

السلام علیکم وصی صاحب ۔ پسندیدگی اور دعا کے لیے شکریہ

 

جواب: قُدسی ہیں سراپا چشمِ براہ، معراج کے دُولہا آتے ہیں

بہت شکریہ ملک بلال بھائی ۔ دراصل یہ خوبصورت ترین ہستی کا ذکر تھا اسی لیے خوب لگتا ہے ۔ میں تو صرف اللہ کی بارگاہ میں شکرگذار ہوں۔ آپکی دعاؤں کا شکریہ
اللہ تعالی آپکے خلوص کے بدلے ہزاروں‌گنا بہتر اجر عطا فرمائے۔ آمین

 

جواب: قُدسی ہیں سراپا چشمِ براہ، معراج کے دُولہا آتے ہیں

السلام علیکم وسیم بھائی ۔ بہت شکریہ ۔ جزاک اللہ
ذکر رسول کی محفل ہوتی ہی کیف و سرور کی حامل ہے۔ اللہ تعالی آپکے ذوقِ ایمانی میں عروج دے۔ آمین ۔۔

 

جواب: قُدسی ہیں سراپا چشمِ براہ، معراج کے دُولہا آتے ہیں

نعیم چاچو یہ بھی پیاری نعت ہے اللہ قبول کرے

 

جواب: قُدسی ہیں سراپا چشمِ براہ، معراج کے دُولہا آتے ہیں

شکریہ عقرب بھائی ۔ دعاؤں میں یاد رکھا کریں۔

 

جواب: قُدسی ہیں سراپا چشمِ براہ، معراج کے دُولہا آتے ہیں

السلام علیکم نعیم بھائی ۔ معراج مصطفیٰ علیہ الصلوۃ والسلام کی عظمتوں کو نعتیہ انداز میں بیان کرنے کی سعادت یقینا آپ پر اللہ کریم کی مہربانی ہے۔ اللہ آپ پر اپنی مزید مہربانیاں فرمائے۔ آمین

 

شکریہ جناب محترم برادر صاحب
اب تو کافی عرصہ سے مصروفیات حیات کی وجہ سے نعتیہ سعادت سے محروم ہوں ۔۔
خصوصی دعا کیجئے گا۔