قلب مومن ہے ترا گھر یا الہ العالمیں ۔ بلال رشید

قلب مومن ہے ترا گھر یا الہ العالمیں
ذکر تیرا ہے لبوں پر یا الہ العالمین

حکم سے تیرے رواں ہیں اپنی منزل کی طرف
سارے دریا اور سمندر یا الہ العالمیں

مطمین ہوں ڈھانپ لے گی میرے بد اعمال کو
تیری رحمت روز محشر یا الہ العالمین

ہے ازل سے کامل و محمود اک تیری ہی ذات
کہتے ہیں یہ سب پیمبر یا الہ العالمین

تیری بخشش نیک و بد کے واسطے ہے ایک سی
سب ہیں تیرے ہاں برابر یا الہ العالمیں

مل گئی اس کو یقیننا تجھ سے بخشش کی سند
جو بھی آیا تیرے در پر یا الہ العالمیں

حمد لکھنے کے لیۓ مرے قلم کو غیب سے
کر عطا لفظوں کا لشکر یا الہ العالمیں

تو نہ والد ہے کسی کا اور نہ تیرے والدین
اور نہ کوئی تیرا ہمسر یا الہ العالمین

کون کس قابل ہے علم و معرفت کے باب میں
جانتا ہے سب تو بہتر یا الہ العالمیں

کر مرے قلب و جگر کو بہر خیر الا انبیا
نور ایماں سے منور یا الہ العالمیں

حب دنیا پھر سما سکتی نہیں دل میں کبھی
تو اگر ہو دل کے اندر یا الہ العالمیں

یوں بلال حق نوا کی زندگانی ہو بسر
اس کے لب پر ہو مکرر یا الہ العالمیں
---
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

مطمین ہوں ڈھانپ لے گی میرے بد اعمال کو
تیری رحمت روز محشر یا الہ العالمین​

 

یوں بلال حق نوا کی زندگانی ہو بسر
اس کے لب پر ہو مکرر یا الہ العالمیں​

 

اللہ تعالیٰ آپ کو بھی جزائے خیر عطا کرے آمین

 

آمین

 

السلام علیکم ورحمتہ اللہ وبارکاتہ
سبحان اللہ
عمدہ انتخاب
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین​