قطعات

یہ تعلق بھی بہت خوب رہا ہے کچھ دن
تو میرے نام سے منسوب رہا ہے کچھ دن

آنکھ رو رو کے تیری راہ تکا کرتی تھی
دل تیری یاد سے مغلوب رہا ہے کچھ دن

 

چار سو درد کے انبار نظر آتے ہیں
بن تیرے ہم پس دیوار نظر آتے ہیں
اس طرح درد دیے مجھکو میرے اپنوں نے
سارے اپنے مجھے اغیار نظر آتے ہیں

 

کیا کہہ کے عندلیب چمن سے گذر گئی

کیا سن لیا گُلوں نے کہ رنگت بدل گئی

ایسا کہاں رفیق ، جو دیتا قلق کے ساتھ

اک جان تھی سو وقت پہ وہ بھی نکل گئی

 

سمندر یہ تیری خاموشیاں کچھ اور کہتی ہیں
مگر ساحل پہ ٹوٹی کشتیاں کچھ اور کہتی ہیں

ہمارے شہر کی آنکھوں نے منظر اور دیکھا تھا
مگر اخبار کی یہ سرخیاں کچھ اور کہتی ہیں

 

بے چین امنگوں کو بہلا کے چلے جانا
ہم تم کو نہ روکیں گے بس آکے چلے جانا

ملنے جو نہ آئے تم ، تھی کون سی مجبوری
جھوٹا کوئی افسانہ ، دہرا کے چلے جانا

 

كوئی بھی لمحہ كبھی لوٹ كر نہیں آیا
وہ شخص ایسا گیا پھر نظر نہیں آیا
وفا كے دشت میں رستہ نہیں ملا كوئی
سوائے گرد سفر ہم سفر نہیں آیا

 

ﺗﯿﺮﮮ ﺍﺣﺴﺎﺱ ﮐﻮ ﺯﻧﺠﯿﺮ ﺑﮭﯽ ﮐﺮ ﺳﮑﺘﮯ ﺗﮭﮯ
ﺳﻮﭺ ﻟﮯ ﮨﻢ ﺗﺠﮭﮯ ﺗﺴﺨﯿﺮ ﺑﮭﯽ ﮐﺮ ﺳﮑﺘﮯ ﺗﮭﮯ
ﯾﮧ ﺍﻟﮓ ﺑﺎﺕ ﮐﮧ ﺑﺲ ﺩﻝ ﻣﯿﮟ ﭼﮭﭙﺎﺋﮯ ﺭﮐﮭﺎ
ﻗﺼﮧ ﺩﺭﺩ ﮐﯽ ﺗﺸﮩﯿﺮ ﺑﮭﯽ ﮐﺮ ﺳﮑﺘﮯ ﺗﮭﮯ
ﻧﻮﺷﯽ ﮔﯿﻼﻧﯽ

 

مجھے بار بار صدا نہ دے
میری حسرتوں کو ہوا نہ دے
میرے دل میں آتش عشق ہے
میری آگ تجھے جلا نہ دے

 

ایسا لگتا ہے ، زندگی تم ہو
اجنبی ! کیسے اجنبی تم ہو

اب کوئی آرزو نہیں باقی
جستجو میری آخری تم ہو

 

تیرے بخشے ہوئے ایک غم کا کرشمہ ہے کہ اب
کوئی بھی غم ہو میرے معیار سے کم ہوتا ہے
یہ بھی ایک رنگ ہے شاید میری محرومی کا
کوئی ہنس دے تو محبت کا گماں ہوتا ہے

 

تجھ کو ہر درد سے بچاتے ہوئے
رو پڑا ہوں تجھے ہنساتے ہوئے

ایک دن آپ تھک ہی جائیں گے
یوں میرا صبر آزماتے ہوئے

 

عشق کرتا ہوں تو پھرعشق میں حد کرتا ہوں
میں منافق تو نہیں ، کھل کےحسد کرتا ہوں
سن ہی سکتا نہیں ایک لفظ محبت کےخلاف
اس میں اب دل کی دلیلوں کو بھی رد کرتا ہوں

 

واہ واہ

یہاں اُلجھے اُلجھے رُوپ بہت
پر اصلی کم، بہرُوپ بہت
اس پیڑ کے نیچے کیا رُکنا
جہاں سایہ کم ہو، دُھوپ بہت​

 

ٹھہری ٹھہری ہوئی طبعیت میں روانی آئی
آج پھر یاد محبت کی کہانی آئی
آج پھر نیند کو آنکھوں سے بچھڑتے دیکھا
آج پھر یاد کوئی چوٹ پرانی آئی

 

کوئی ہم نفس نہیں ہے کوئی رازداں نہیں ہے
فقط ایک دل تھا اپنا سو وہ مہرباں نہیں ہے
میری روح کی حقیقت میرے آنسوؤں سے پوچھو
میرا مجلسی تبسم میرا ترجماں نہیں ہے

 

ایک کہانی ختم ہوئی ہے ایک کہانی باقی ہے
میں بے شک مسمار ہوں لیکن میرا ثانی باقی ہے

دشت جنوں کی خاک اڑانے والوں کی ہمت دیکھو
ٹوٹ چکے ہیں اندر سے لیکن من مانی باقی ہے

 

پل رہا ہے جو تمدن بے حسی کی گود میں
اس کی ہر بستی میں اب یوم حساب آنے کو ہے

جب پرندے بے سبب خاموش ہوں تو جان لو
آندھیاں اٹھنے کو ہیں موسم خراب آنے کو ہے

 

کیا وفا و جفا کی بات کریں
درمیان اب تو کچھ رہا بھی نہیں
وقت اتنا گزر چکا ہے حنا
جانے والے سے اب گلہ بھی نہیں

 

کتنی بدل چکی ہے رت ، جذبے بھی وہ نہیں رہے
دل پہ ترے فراق کے صدمے بھی وہ نہیں رہے

محفلِ شب میں گفتگو اب کے ہوئی تو یہ کھلا
باتیں بھی وہ نہیں رہیں لہجے بھی وہ نہیں رہے​

 

ہاہاہا شعر اچھا ہے ،،،

 

بعض نام بابرکت ہوتے ہیں ۔۔۔۔۔۔۔

 

سب #لوگ اس سے پہلے کہ دیوتا سمجھتے
ہم نے ذرا سا خود کو انسان کر لیا ہے​

 

سب لوگ اس سے پہلے کہ دیوتا سمجھتے
ہم نے ذرا سا خود کو انسان کر لیا ہے
جن نیکیوں پہ چل کر اجداد کتنے خوش تھے
ہم نے انہی پہ چل کر نقصان کر لیا ہے

 

پھر مجھے دیدۂ تر یاد آیا
دل، جگر تشنۂ فریاد آیا
دم لیا تھا نہ قیامت نے ہنوز
پھر ترا وقتِ سفر یاد آیا

 

حوصلے اپنے رہنما تو ہوئے
حادثے غم کا آسرا تو ہوئے
بے وفا ہی سہی زمانے میں
ہم کسی فن کی انتہا تو ہوئے

 

اپنی انگڑایوں پہ جبر نہ کر
مجھ پہ یہ قہر ٹوٹ جانے دے
ہوش میری خوشی کا دشمن ہے
تو مجھے ہوش میں نہ آنے دے

 

بوند کو بے کار ہونا ہے
بیج نے سایہ دار ہونا ہے
دائرے سے نکل کے باہر آ
فرد کو بے شمار ہونا ہے

 

‫لبوں پہ آ کے قلفی ہو گئے اشعار سردی میں
غزل کہنا بھی اب تو ہو گیا دشوار سردی میں
محلے بھر کے بچوں نے دھکیلا صبح دم اس کو
مگر ہوتی نہیں اسٹارٹ اپنی کار سردی میں

 

عشق میں معرکے بلا کے رہے
آخرش ہم شکست کھا کے رہے
یہ الگ بات ہے کہ ہارے ہم
حشر ایک بار تو اٹھا کے رہے

 

کام آئیں شوخیاں ۔۔۔ نہ ادا کارگر ہوئی
جو بات تھی تمہاری ۔۔ وہی بے اثر ہوئی
خلوت میں جاکےہنس دیئےکیااس سےفائدہ
صحرامیں پھول کھل گیا۔۔ کس کو خبر ہوئی